小JM料理台。簡單就是幸福。車厘茄火腿蛋米麵

小JM料理台。簡單就是幸福。車厘茄火腿蛋米麵

朋友仔都知小JM家非常喜歡台灣,每次到台定必會為小JM嘅糧食入貨!雖然小JM已經兩歲半,但我地為小JM挑選食物亦多以天然、健康為主。

撰文、圖片:傑。斯與晴|編輯:Sundaykiss

時至現在小JM都依然會食用幼兒麵線,而台灣嘅「幸福米寶」亦係其中一款小JM喜歡嘅幼兒麵線。這款麵不單止使用天然食材作為原料,而且不經油炸及無添加化學調味,所以我地亦好放心俾小JM食用。

圖片:傑。斯與晴

幸福米麵共有六種口味,包括:原味、南瓜、紫心甜薯、芋頭、番茄、紫山藥。各種口味亦有著多種易被人體消化和吸收嘅營養,對嬰幼兒健康亦有一定幫助。最重要係米麵易於烹調,閒時隨手隨心煮亦已經好好食。

圖片:傑。斯與晴

今次我就為大家介紹一個懶媽日常煮法,快捷得來亦可以食得健康!

【車厘茄火腿蛋米麵】
材料:

圖片:傑。斯與晴

火腿
雞蛋
洋蔥
米麵
車厘茄

做法:

圖片:傑。斯與晴

1.) 先取出適當份量嘅米麵,並將米麵放入已滾嘅水中煮開,盛起備用。
2.) 將四份一個洋蔥切成小粒備用。
3.) 車厘茄洗淨後可以將一部份切成一半,備用。
4.) 火腿解凍後可以切成絲狀,再切成小粒。
*可以用肉碎代替火腿,味道會更佳喔!*
5.) 雞蛋攪勻,備用。

圖片:傑。斯與晴

6.) 先將洋蔥粒落鑊炒香,再加入已切半嘅車厘茄,並加以按壓成蓉。

圖片:傑。斯與晴

7.) 加入火腿粒或肉碎,炒香;
8.) 最後加入蛋液再輕輕略炒即成。

圖片:傑。斯與晴

小JM好鍾意食蔬果,所以我都會加多一份原粒車厘茄俾佢,其他就等佢自己慢慢撈埋食。

 

更多精選內容