止咳潤肺 簡單易煲 羅漢果茶
陰公豬，有幾聲咳，點算好？我同阿妹細細個的時候，爹哋媽咪一見到咁就會即刻用羅漢果煲水比我地飲。依家掉轉角色，見到阿Bu有少少咳，我都即刻會諗起要整呢個「羅漢果茶」。但我依家仲會加埋鴨梨同紅蘿蔔，令到啲水煲出來更清甜，更易入口，而且更滋潤。
撰文：Hilda Leung
圖片：Hilda Leung
羅漢果茶
適合1歲或以上小朋友飲用
材料：
羅漢果 ・・・・1個
鴨梨・・・・・2個
紅蘿蔔 ・・・・1/2條
水 ・・・・・・10杯
做法：
1）羅漢果沖淨，用手將它略壓碎。
2）鴨梨去皮，沖淨，去蒂，去籽，切件。
3）紅蘿蔔去皮，沖淨，切件。
4）煲內注入水，放入羅漢果、鴨梨和紅蘿蔔，大火煮滾，轉中慢火煮45分鐘，完成。
貼士：
選梨要買「鴨梨」才有藥膳價值，而且要蒸過或煮過的梨才有更好的止咳潤肺的功效。
下一頁：滋潤止咳海底椰粟米湯
下一頁：健脾利水 木瓜生魚花生湯
關鍵詞
羅漢果茶
