羅漢果茶煲赤靈芝 清熱解毒生津

羅漢果茶煲赤靈芝 清熱解毒生津

羅漢果茶煲赤靈芝,羅漢果味甘、性涼,有清熱解毒、生津止渴、潤肺養陰、潤腸通便等作用。用羅漢果泡水喝,能夠治療因肺熱而引起的燥熱咳嗽,以及暑熱引起的傷津口渴等症狀;還能夠有效治療百日咳、氣管炎、痰火咳嗽、血燥便秘等病症。早前朋友仔送左包有機赤靈芝片俾我,我諗左好耐都唔知用嚟煲咩好,最後就請教藥材店嘅店員,佢就教我簡簡單單咁用 赤靈芝 加羅漢果嚟煲茶,咁就已經係 清熱解毒 ,我當然就即刻返屋企煲啦!

圖、文:小小豬的成長日誌

 

清熱解毒 赤靈芝羅漢果茶

赤靈芝屬性平,有助養心安神、補益氣血、止咳平喘、改善食欲不振及消化不良。雖然有用途好廣亦都係好有益,不過就味道帶點甘苦,所以直接焗茶煲水飲就比較難 入口。所以就可以加入羅漢果一起煲,因羅漢果本身有甜味,可以中和個味道。而兩者一齊煲的話,既可以 清熱解毒 ,亦對肝臟好,更加可以增強身體免疫能力。

赤靈芝羅漢果茶材料:

乾羅漢果 1個
赤靈芝片 15g

羅漢果茶煲赤靈芝 清熱解毒生津

羅漢果茶煲赤靈芝 清熱解毒生津

赤靈芝羅漢果茶做法:

  1. 赤靈芝片水浸洗一陣;羅漢果壓碎~
  2. 煲內放入4L水,然後加入赤靈芝片及羅漢果~
  3. 待滾後,加蓋轉小火煲一小時~
  4. 熄火後就要即刻夾起啲材料,因為如果浸得耐,個茶就會有苦澀味就會重啦~

羅漢果茶煲赤靈芝 清熱解毒生津

赤靈芝羅漢果茶貼士:

待涼後入樽,放入雪櫃就飲得啦~其實我初時都好擔心赤靈芝個甘苦味都會好重,不過只係初入口時有點微苦,飲落都唔覺得有味,就連小小豬都肯飲就知應該唔難飲啦~

可以一星期煲一次赤靈芝羅漢果茶,放入雪櫃當水飲用,我都係嗰句….飲有益嘅涼茶好過飲冇益嘅嘢啦(雖然….我都仍然都係好愛飲檸檬茶,努力改善中)。

溫馨提示:由於材料都涉及藥材成分,所以係好因應個人體質,大家記得煲之前了解下自己,或者問下相熟中醫/藥材店職員,睇下呢個湯水啱唔啱自己呀!

 

下一頁:滋潤止咳海底椰粟米湯

羅漢果茶煲赤靈芝 清熱解毒生津

你有食譜分享嗎?

更多精選內容