紅糖薑茶食譜紓緩小朋友咳嗽 3種材料快靚正

紅糖薑茶食譜紓緩小朋友咳嗽 3種材料快靚正

食譜

紅糖薑茶食譜|一向氣管不太好等小小豬,早晚都會咳。雖然不是咳得很嚴重,但一聽到他咳得密,都會帶點心痛。原本打算去買桔餅煲湯給小小豬飲,不過同學仔媽媽就介紹我一個快、靚、正方法,屋企又有齊材料,所以就試煲這個 紅糖薑茶了。

紓緩咳嗽紅糖薑茶

其實我都知小小豬唔係病嗰一種咳,可能係早晚溫差大,再加上平日又多食生冷嘢,所以就引起咳嗽誘因。紅糖薑茶就可以保暖身體及止咳平喘,而且都只是用屋企都會有的簡單材料就得,最好就是煲的時間不長,只需要15-20分鐘就完成。

飲落有點似蕃薯糖水嘅味,但就甜多少少,雖然帶有少少薑味,不過味道就不會好濃,所以小小豬都不抗拒,飲完明顯咳漱減少,起碼睡著後都沒有咳醒,還有早上起身咳的密度又比平日少,我想這個紅糖薑茶起了不少作用。

(圖片來源:小小豬的成長日記授權圖片)
(圖片來源:小小豬的成長日記授權圖片)

紅糖薑茶材料(1份)

材料 份量
生薑 3片
陳皮 1角
紅糖 少許

(圖片來源:小小豬的成長日記)
(圖片來源:小小豬的成長日記授權圖片)

紅糖薑茶做法:

  1. 陳皮浸軟刮去皮瓤
  2. 薑去皮切片
  3. 煲內放約1.5碗水
  4. 然後隨水加入所有材料
  5. 見水滾後就即轉用慢火
  6. 之後轉慢火加蓋煲多15分鐘
  7. 可以因應個人口味,加入適量紅糖
  8. 最後焗大約5分鐘,等糖融後即成

紅糖薑茶小貼士:

  • 由於不是每個小朋友都受到薑那一種味,所以切薄片就好了
  • 不要為了令小朋友飲就加多點糖,因為太甜的話就會黏著喉嚨,這樣 就會咳多點,建議落1茶匙多少少就可以
  • 雖然帶有少少薑味,不過味道就唔會好濃,所以小小豬都唔抗拒呀
(圖片來源:小小豬的成長日記)
(圖片來源:小小豬的成長日記授權圖片)

下一頁:滋潤止咳海底椰粟米湯

舒緩小朋友咳嗽 快靚正 紅糖薑茶食譜
(圖片來源:新傳媒資料庫)

下一頁:健脾利水 木瓜生魚花生湯

舒緩小朋友咳嗽 快靚正 紅糖薑茶食譜
(圖片來源:新傳媒資料庫)

常見問題

煮食時,有什麼須知?

處理食物時,生及熟食要分開處理。

當選擇煮食爐時,有什麼要留意?

可以先根據各種煮食爐的煮食速度、安全性、設計、廚房的空間大細以及個人的喜好去選擇。

關鍵詞
紅糖薑茶
撰文:小小豬的成長日記圖片來源:小小豬的成長日記授權圖片、新傳媒資料庫

你有食譜分享嗎?

更多精選內容