蘿蔔絲包為女尋回媽媽的味道 爸爸仍念亡妻:我哋仲有兩世情緣【五味人生】

蘿蔔絲包為女尋回媽媽的味道 爸爸仍念亡妻:我哋仲有兩世情緣【五味人生】

蘿蔔絲包 外皮蓬鬆柔軟,內裡餡料飽滿,蘿蔔絲爽口清甜,非常吸引。對於劉生來說,蘿蔔絲包就是他想起亡妻的美食。劉生現居紐約,是一名點心師傅,廚藝了得,不時於Facebook群組分享美食相片,每次都獲得過千人讚好。美食背後,原來劉生是父兼母職的單親爸爸,在心愛的太太逝世後,他就肩負起照顧仔女的責任,希望他們三餐都能享受美食。

資料、圖片授權:受訪者劉志強 | 編輯:Clara

夫妻33年相處之道在於體諒二字

劉生表示太太20歲時就跟他相識,兩年後結婚,承諾一起走過餘生日子。他們誕下一子一女,一家四口相處融洽。結婚第五年,他跟太太就決定全家移民到紐約生活。同甘共苦33年來,劉生與太太都深愛如初,他說:「我同我太太嘅相處之道,要互相扶持、互相體諒,而唔係互相忍讓。因為我哋都覺得忍讓,係有限度,有爆煲嘅一日。」

(受訪者提供)
夫妻33年相處之道在於體諒二字(受訪者提供)
(受訪者提供)
他全家移民到紐約生活(受訪者提供)
一家四口相處融洽(受訪者提供)
一家四口相處融洽(受訪者提供)

後悔未能完成太太生前承諾

本來劉生對太太有三個承諾,第一,跟她返香港過生日;第二,跟佢返香港過農曆新年;第三,一定不會走(離開人世)先過她。第一個承諾已經完成,第二個承諾因為太太患上突如其來的大病,離開人世,所以未能完成,劉生感到很無奈:「其中兩樣我都完成咗,只有返香港過年呢件事未能完成!無奈呀!無奈呀!呢個承諾本應去年都可以完成,機票住宿都訂好晒。」

(受訪者提供)
後悔未能完成太太生前承諾(受訪者提供)

剖白對亡妻心聲:我哋仲有兩世情緣

對於太太,劉生充滿感激之情,他希望跟太太在來生再見,再續今生情緣:「由相識至結婚,好多謝我太太帶比我三十三年美滿幸福生活。媽咪啊!老婆啊!如果中國人講嘅緣定三生係真嘅話,我希望今生同你係啱啱開始,我哋仲有兩世情緣。今生我要同你講嘅,我哋唔係永別,係再見,一定會再見!我將你鍾意聽嘅友誼之光歌詞改咗,我希望『今生跟你暫別!他生必定能聚首!』」他表示人生無常,勸勉大家要珍惜身邊人與事,如果有時間或者經濟許可,想玩就玩,想食就食,坐言起行:「如果唔做,一句人生無常就會令自己後悔、內疚。」

(受訪者提供)
想對太太說的話:我哋仲有兩世情緣(受訪者提供)

煮得一手好餸 為女兒尋回媽媽的味道

本月是女兒阿Wing的生日,劉生為女兒包了生日利是,他說:「每次邊個細路生日,都係你準備利是,但從今年開始就要由我接手。你唔好諗住博大霧,扮唔知,條數我會記住,將來見番你,同你計清楚。」有感女兒孝順又乖巧,當日劉生還親自出馬煮了成枱好餸,連生日蛋糕都是他在家中自製,女兒仲特意向他「呵打」媽媽生前最愛吃的煎蘿蔔絲包。

劉生謙稱自己手勢沒有外面買的好食,不過都充滿愛和溫暖。劉生將蘿蔔絲包的相片上載到Facebook,網民紛紛讚好:「每次睇到你post,都覺得你一家好有愛,完全感受到你對太太嘅愛有幾深,時間會慢慢過去。」、「睇到我眼濕濕」、「你家人好幸福」、「整多啲好嘢食,好好過日子先對得住你太太」。劉生非常感謝網民的關心,他一定會努力走出傷痛。

(受訪者提供)
(受訪者提供)

蘿蔔絲包外皮材料:

  • 低筋麵粉 600克
  • 泡打粉 六克
  • 酵母粉 六克
  • 水 約200克

蘿蔔絲包餡料材料:

  • 水 適量
  • 生粉水 適量
  • 糖 110克
  • 麻油 少許
  • 生油 八克
  • 白蘿蔔 一條
  • 紅蘿蔔 半條
  • 煙肉粒 少許
  • 蝦米 少許
蘿蔔絲包(受訪者提供)
蘿蔔絲包(受訪者提供)

蘿蔔絲包做法:

  1. 用清水開醇母粉,攪拌一下。
  2. 加入泡打粉、低筋麵粉,攪拌均勻。
  3. 用手搓揉麵糰,到表面大致光滑。
  4. 將麵糰搓到變圓形,蓋上保鮮紙,開始發酵一小時。
  5. 此時將蘿蔔切幼絲,另加少少紅蘿蔔幼絲。
  6. 紅白蘿蔔汆水、瀝水,備用。
  7. 用煙肉粒起鑊,爆炒至出油。
  8. 加蝦米、蘿蔔絲、蠔油炒勻。
  9. 加水、糖。
  10. 加生粉水埋䇜。
  11. 最後加入少少麻油
  12. 包皮發酵好之後,捲成圓柱體,再切成一節節,每節包入內餡。
  13. 放入蒸籠,大火蒸約七至八分鐘。
  14. 放落煎鑊,兩邊煎黃即成。

(向左推睇相)

蘿蔔絲包製作小貼士:

  • 水的份量就視乎蘿蔔出水量,不要加太多水。如果太濕,之後做包餡時就難包得好。
  • 這個餡帶甜比較好,加上因為有煙肉,所以糖的份量可以加多點,最重要試啱自己口味。

你有食譜分享嗎?

更多精選內容