BB加固粥仔10款食譜＋加固好物推介
撰文：包包陪細佬b看世界
延伸閱讀：營養師教你處理BB加固菜粥10大學問
10款BB加固粥仔食譜
之前網上聽過有媽媽見bb開始加固 就一齊開心share垃圾食物…
甚至長期進食baby food…..真係生仔要考牌。其實BB滿6個月 除左奶 更需要鐵質
而鐵質豐富既食物 可由最基本蛋黃奶糊 果蓉 瓜菜蓉 米糊開始
怕BB食物敏感 同一款食物可連續食三至四日
同時每日要keep住相對年齡所需既牛奶攝取量
到BB加固開始穩定 就可以開始餵食粥仔
衛生署建議既加固食材參考
今次特選十款細佬b加固時大愛既粥仔 食材可先從單一食物開始
BB加固粥仔食譜1：紅蘿蔔蓉粥
先將紅蘿蔔蒸熟磨蓉備用
再加入煮好既粥底
BB加固粥仔食譜2：蕃薯蓉 / 蕃薯粥
蕃薯蓉
先將蕃薯蒸熟磨蓉 *因為質感較黏口 餵食前可加入少量暖水調稀
蕃薯粥
將蕃薯蓉加入煮好既粥底
BB加固粥仔食譜3：三文魚南瓜粥
三文魚建議買挪威刺身 但試過都有魚骨 所以蒸熟後搓成魚蓉前都要嚴選一下
同時可將南瓜蒸熟磨蓉備用
粥底煮好 就可以加入三文魚及南瓜蓉
*三文魚含有豐富omega 3 對小朋友既腦部發展非常重要 仲可以增強記憶同專注力
溫馨提示 : *記得為bb配備一套安全又合適既餵食工具
BB加固粥仔食譜4：冬瓜肉碎蛋黃粥
先將雞蛋 冬瓜蒸熟
雞蛋只取蛋黃部分壓蓉 再將冬瓜切碎
*由於冬瓜煮熟後會出水所以煮粥底時 可以減少水份比例
粥底煮好 就可以將蛋黃蓉冬瓜蓉及肉碎加入煮熟
非常適合夏天進食
BB加固粥仔食譜5：西蘭花魚肉小米粥
西蘭花只需剪出頂部小花 *記得用清水浸至少半個鐘除農藥
海魚蒸熟 去骨拆魚肉備用
小米營養豐富 而且非常易煮
*水煲滾後放入小米 再煮滾 調至中火慢煮 加入食材(西蘭花)煮至黏稠粥狀就可以
BB加固粥仔食譜6：豆腐生菜瘦肉粥
先將生菜切碎 豆腐壓蓉備用
*夏天天氣炎熱 街市買既豆腐較易變壞 記得小心處理
因兩樣食材都較淡味 所以加左瘦肉入粥底提升鮮味
*不過健康院姑娘建議要食埋d肉先有營養 當然要先處理成肉蓉方便bb吞食
BB加固粥仔食譜7：蕃茄雞蛋粥
先將蕃茄洗淨 放入米和水內一齊煮滾再拿出
咁就好容易可以同蕃茄去皮 然後再切碎備用
當粥底已差不多完成 就可以放入蕃茄同雞蛋
倒入蛋漿 再攪拌就可以攪出蛋花簡單又方便
BB加固粥仔食譜8：蕃茄免治雞肉粥
蕃茄準備方法同上 免治雞肉備用 (*建議買無激素免治雞肉)
因雞肉較需時煮熟 請預留粥底煮好前15-20分鐘放入免治雞肉
BB加固粥仔食譜9：菠菜豬肝粥
將菠菜浸洗切碎 豬肝沖水清洗後切粒
豬肝加入粥底有效提升鮮味 煲好後可取出
最後放入菠菜碎 再煮滾便可
BB加固粥仔食譜10：節瓜肉碎粥
節瓜洗淨去皮去籽 切片蒸熟壓蓉備用
因豬肉也需較長時間煮熟 請預留粥底煮好前15-20分鐘放入免治豬肉
最後放入節瓜蓉便可
同大家推介埋省時+零失手bb煲粥輔助神器
加固好物推介1: Combi分段食物調理器
哩set離乳食具使用率極高，簡單功具已經可以自家製baby food。
加固好物推介2號: THERMOS炆燒壺
米高媽媽習慣煲粥前 先將滾水倒入炆燒壺內預熱 可提升保溫度(*放入白米前先倒走熱水)
如想準備兩餐BB粥仔 份量約1/4杯白米
洗米後 將米放入壺內 再次加入約7分滿大滾水
約兩小時後 白米就可以焗成一壺滿滿既米花
跟住就可以將米花加水放入煲 煮成粥底
咁樣會比傳統方法大大節省20-30分鍾煲粥時間
而煲好既粥仲可以放番入壺內保溫 保溫效力高
輕鬆帶出街 BB就可以有新鮮自家製愛心粥食啦
其實煲BB加固粥仔就係咁簡單，有左哩兩樣煲粥輔助神器，各位地獄廚神媽媽都可以升呢成為美女廚神
