郭可盈

吃了防腐劑? 48歲美魔女郭可盈凍齡之道

健康

廣告

《刑事偵緝檔案》再次掀起煲劇熱潮,數數手指,這套神劇已經是23年前了!劇中略帶baby fat的郭可盈完美演繹「好pure好true」的神緒—無添加造型下,只是略帶脂粉已經非常搶鏡。日前刑事偵緝檔案監製潘嘉德大搞重聚飯局,劇集演員包括陶大宇、郭可盈、郭藹明、鍾麗淇等等都有出席。早已淡出娛樂圈的美魔女郭可盈皮膚身材都保持得宜,一點都看不出是快奔5字!「港版長澤正美」現時事業愛情兩得意,雖說難以回復當初的青春無敵的蒸餾水清純造型,但充滿女人味的她仍是顏值爆燈,快來了解一下這名美魔女的凍齡之道吧~

撰文:Michelle、Sunday Kiss |相片來源:郭可盈微博、TVB、Instagram | 原文刊於:MORE

吃了防腐劑? 48歲美魔女郭可盈凍齡之道

《刑事偵緝檔案》郭可盈無添加造型

當年青春無敵,臉上仍有幾分Baby fat,予人平易近人又可愛,微微的包包臉也令她笑起上來特別甜美。

飯局上世紀重遇

劇中上演三角戀的男主角陶大宇,郭可盈和郭藹明的合照中,兩位女主角都保養得宜,美魔女 美譽當之無愧!婚後淡出影圈的郭可盈現時已為人母,當晚就帶囡囡Tania出席,可盈看起上來仍是容光煥發呢!

凍齡之道一:吸睛穿搭

天生麗質擁有纖瘦手腳郭可盈,一副高䠷身材,穿搭上當然佔盡優勢,T -shirt 和Skinny jeans略嫌太causal 的話,不妨跟可盈一樣,上身以斜紋軟呢外套作平衡,不會穿出「奶奶感」之餘,也為你的穿搭添上幾分貴氣,知性女必學!

衣服顏色上選擇較亮或較粉嫩的顏色,可以讓整個人看起來更有活力。鮮紅色連身裙也不一定是老女人打扮啊,前提是不要過於濃妝艷抹,特別要注意唇色不要過於浮誇,也可看上去更年輕。穿上一對尖頭高跟鞋,進一步拉長身高比例,即時顯得貴氣無比,展示出 美魔女 的年輕一面呢。

凍齡之道二:Stay Young

所謂心態決定境界,除了要護膚有道,心境保持開朗同樣重要。婚姻家庭美滿的可盈不時會跟家人自拍,少女心未泯。此外,郭可盈自言非常愛吃甜食,但絕對會自律,糖份除了會令炎症惡化,也會導致皮膚老化啊~因此,可盈也有戒油炸食物和垃圾零食的習慣,盡量減少對身體的負擔。

凍齡之道三:家庭、愛情滋潤

郭可盈跟丈夫林文龍拍拖到結婚至今已經22年,依然十分恩愛,不時在微博上放閃,還有她的寶貝女Tania跟媽咪的合照,真是隔住Mon都Feel到有幾幸福~「幸福的女人是最美的」,有家庭及愛情的滋潤,難怪快要直奔50還是個 美魔女 一樣那麼美麗動人,確實是旁人啊。

林文龍 郭可盈 拍劇結緣 相愛23年

林文龍 跟郭可盈於1995年合作拍攝《萬里長情》結緣,當年佢哋拍完劇集就開始拍拖。兩人拍拖初時不被外界看好,全因女方名氣比林文龍高,加上郭可盈出身豪門,經常傳出很多不實流言。林文龍 和郭可盈拍拖九年後結婚,時至今年已經結婚十三年,雖然林文龍曾經好幾次被指背著女方與異性過份親密,但每一次郭可盈都會公開力撐老公而在他們結婚五年時曾被指有小三介入,但從兩小口子今時今日仍然十分甜蜜,婚變傳聞就自然不攻自破。

婚後更以夫妻檔合作拍劇集《十兄弟》

專一顧家 愛家又愛妻

林文龍 於劇中飾演花花公子,跟中港台三地女生有不少親熱戲份,但卻沒有阻止老婆郭可盈觀看,老婆捧場之後更加大讚佢演技躍進。現實中的林文龍跟劇集中的角色完全是兩個人,不但專一愛妻,凡事以家庭為重,加上自己同老婆都不愛夜蒲,每天最期待就係做完嘢返屋企。

 

老婆係「惡妻」?

多年來老婆郭可盈被外界形容為「惡妻」,記者直接向他求證老婆是否惡死要話晒事,林文龍 的回應認真得來又不失幽默:「咪住先,你呢個傳聞邊度聽番嚟先?係咪嗰啲知情人士透露或者身邊好友爆料㗎?佢係一個比較強勢嘅女仔,而且比我strong,可能因為強勢令某啲同佢合作過嘅人誤以為佢好惡,我完全唔覺得佢惡死。」林文龍肉緊為老婆澄清之餘,對老婆的愛、支持、疼惜亦隱跡於字裡行間。

 

女兒奴拒做怪獸家長

囡囡林天若(津津)出生後,林文龍 更變為女兒奴,指囡囡為他帶來的快樂是無價的,所以每天工作過後都會即刻飛返屋企睇囡囡。雖然兩老婆極度疼愛津津,但就拒絕做怪獸家長,林文龍 直指:「唔需要任何原因,只要望住個女我就會笑,望住錢係唔會咁笑。我同可盈一早有共識,囡囡成長過程以開心健康為大前提,壓力點都要有少少,冇壓力就冇動力,同時唔想佢承受好大壓力。唔一定要做叻人但一定要做個好人,一個人心地唔好幾叻都冇用。」

 

為愛女 幫老婆推劇

林文龍 慶幸與太太對教育女兒的理念相同,不希望囡囡有太大的學習壓力,佢話:「我同老婆講到明,就算將來阿女入到Top 3嘅傳統學校,如果日日有幾樣功課做到半夜,連陪我嘅時間都剝削埋,我一定會幫佢轉去國際學校。」此外,林文龍亦奉勸各位想誠邀或重酬利誘郭可盈復出拍劇的人可以死心,因為囡囡唔容許媽咪離開身邊超過三小時,佢解釋:「佢兩個好似twins一樣,五年嚟冇分開過。我出去做嘢阿囡就同我講bye bye,阿媽出去做嘢佢就話唔好啦,做嘢留番俾daddy啦,媽咪喺屋企斟吓水得啦。」看來一眾喜歡郭可盈的劇迷要失望了。

問十次都答你生女

話文龍係女兒奴真係無錯㗎!佢話:「生女好唔同㗎,有日我個女無啦啦同我講,爸爸你真係好好,你等 我大個,我要同你結婚。聽到呢句說話真係甜到呢!你問我十次我都答你生女,你依家唔鍾意,生咗你就唔係咁講。你睇吓方中信,初頭夠話唔鍾意囉,睇吓佢依家對住個女個樣!」果然女兒就是爸爸的前世情人,難怪《不懂撒嬌的女人》大結局中與林文龍配成一對的宣萱都說自己最終也甘心輸給了一個愛撒嬌女人(他們的女兒),看來無論戲裡戲外林文龍都一樣很痛錫女兒。

參考資料:衛生處網頁