濕疹

【濕疹偏方】網民分享老中醫治濕疹偏方 連飲10日就唔痕

健康

廣告

濕疹係一個令好多人困擾嘅問題,尤其天氣一轉,痕起上嚟真係唔係人咁品!最近有網民就喺Facebook群組上分享咗一條濕疹偏方,連續飲用10日後,已經冇再痕癢。據講呢條出自老中醫嘅家傳偏方,用嚟飲用同沖涼都得,不過,畢竟每個人嘅體質都唔同,治療效果亦因人而已,所以使用前,都係先向相熟中醫師查詢為佳!

撰文:Sunday Kiss 圖片:新傳媒資料室、FB馬鞍山之友群組

網民:連飲10日 效果佳

分享呢條偏方嘅網民指,早排濕疹發作,尤其到夜晚就痕到不得了,中西醫都睇過,但係一定藥就會再翻發,令到佢好苦惱!呢個時候有朋友畀咗條家傳老中醫嘅偏方佢,兩樣主要材料都係非常普偏,分別係雞屎藤同黑芝麻,呢位網民飲咗10日之後,就已經冇再覺得痕喇。

濕疹

雞屎藤(學名:雞矢藤):甘、微苦,平。祛風利濕,消食化積,止咳,止痛。

雞屎藤係本地常見植物,客家婆婆特別鍾意用嚟整茶果
雞屎藤係本地常見植物,客家婆婆特別鍾意用嚟整茶果

主治:風濕筋骨痛,跌打損傷,外傷性疼痛,肝膽、胃腸絞痛,黃疸型肝炎,腸炎,祛痰,痢疾,消化不良,小兒疳積,肺結核咯血,支氣管炎,放射反應引起的白血球減少症,農藥中毒,葉治痢疾、止瀉,治咳嗽、感冒、風濕、痢疾。;外用治皮炎,濕疹,瘡瘍腫毒。

有關偏方使用方法

呢位網民指,呢條方用嚟飲用或者冲涼都可以,而佢係用嚟煲水飲

材料:雞屎藤約12兩、黑芝麻1湯匙(1人份量)

做法:約10碗(或多些)滾水落材料,大火煲10分鐘,再轉中火,煲剩一碗多水,放涼後,加蜜糖一湯匙,即可飲用。

【濕疹偏方】網民分享老中醫治濕疹偏方  連飲10日就唔痕

***就偏方請教過中醫師意見,醫師指雞屎藤可活血袪瘀,懷孕及經期量多的婦女,就不宜飲用。而芝麻的油對皮膚有滋潤作用,但係好多人都對芝麻敏感,所以如果唔清楚自己嘅體質,就唔建議自己煲嚟飲。想試都應該先向中醫師查詢。

【濕疹偏方】網民分享老中醫治濕疹偏方  連飲10日就唔痕

****治療效果因人而異,使用此方法前,宜先向中醫查詢。****

雞屎藤+金銀花煲片糖沖涼

除咗雞屎藤煲黑芝麻之外,亦有另一位網民提出,用雞屎藤加金銀花煲片糖,用嚟沖涼效果都好好。佢嘅囡囡一歲時候有濕疹,都係靠用呢條方得到好轉!

【濕疹偏方】網民分享老中醫治濕疹偏方  連飲10日就唔痕

****治療效果因人而異,使用此方法前,宜先向中醫查詢。****

 

下一頁:

【BB濕疹】濕疹告急!4個牛油果對皮膚的好處

【濕疹偏方】網民分享老中醫治濕疹偏方  連飲10日就唔痕

參考資料:衛生處網頁