輕鬆為小朋友煮出健康三餐！媽媽們必入手全新Philips空氣蒸鍋美味、營養同時Get！

Nov 14 2022

煮飯呢家嘢可以話係「易學難精」，尤其煮嘢食比小朋友，更加要好食同營養兼備，咁先可以令到小朋友乖乖地食晒成碗飯㗎嘛！想煮出啱一家大細食嘅健康料理，除咗要煮多啲提升技巧，有好嘅煮食工具絕對會事半功倍！而全新推出嘅Philips空氣蒸鍋就係媽媽們嘅最佳小幫手，佢唔單止可以令煮飯變得更輕鬆，最重要嘅係配備嶄新空氣蒸煮同Nutri-Flavor 營養鎖鮮技術，可以保留高達90%營養成份*，透過熱空氣循環配上水蒸汽，可以保留食物口感，咁就唔怕啲食物煮到軟腍腍，搞到小朋友零胃口，以後無論煮咩都包保小朋友食到停唔到口！

蒸＝健康？蒸煮時間過長會令營養成份流失！

煮嘢食要好睇又好味固然係重要，但唔少人都會忽略咗「最終成品」嘅營養價值，有時候喺煮食過程中溫度過熱、時間過長分分鐘令營養成份通通流失晒，尤其對於成長中嘅小朋友嚟講，從飲食中吸收足夠營養係相當重要㗎！

想煮出營養滿滿嘅健康料理，咁又點少得全新推出嘅Philips空氣蒸鍋做各位媽媽們嘅「煮食神器」呢～佢可以控制煮食過程中嘅溫度、濕度同時間，營造最適合烹調嘅狀態，咁就自然可以將食物營養成份鎖住，經測試NutriFlavor 營養鎖鮮技術可以保留高達90%營養成份*！

蒸煮食物零口感小朋友成日扭計唔肯食？

唔少媽媽為咗小朋友嘅健康著想，煮飯時通常都會避免煎炸食物，而選擇蒸煮方式去為小朋友準備食物。蒸煮食物係就係健康，但次次蒸完出嚟啲嘢食都變到軟腍腍、零口感，搞到小朋友成日扭計唔肯食飯。想為小朋友煮出健康又好味嘅食物，全新推出嘅Philips空氣蒸鍋就絕對可以一次過滿足到媽媽們兩個願望！

有別於傳統利用100度高溫引發嘅水蒸氣同使用較長嘅烹調時間煮熟食物。Philips空氣蒸鍋嘅全新「空氣蒸煮」技術透過120度高溫及高濕度嘅烹調環境去烹調食物，水蒸氣會透過熱空氣循環縮短烹調時間，比起傳統烹調溫度更高而提升食物嘅新鮮度同風味嘅效果，同時保留健康營養，無論係咩食材都可以煮出最佳口感，蔬菜有色澤、食落又香脆；魚肉嫩滑多汁；肉類柔嫩不韌，絕對係好睇又好食！仲可以用嚟烤麵包，外脆內軟嘅口感直頭可以媲美麵包舖嘅出品，一機就可以為媽媽們炮製出三餐，好用又方便！

Philips空氣蒸鍋左邊嘅烤魚以傳統蒸焗爐烹調，魚肉明顯較為乾身，而右邊以全新Philips空氣蒸鍋烹調嘅魚肉則較為嫩滑有水份。 — 左邊嘅烤魚以傳統蒸焗爐烹調，魚肉明顯較為乾身，而右邊以全新Philips空氣蒸鍋烹調嘅魚肉則較為嫩滑有水份。

Philips空氣蒸鍋以全新Philips空氣蒸鍋蒸煮嘅蘆筍右)明顯比以傳統蒸焗爐所烹調左)帶有翠綠光澤，同時保持爽脆口感。 — 以全新Philips空氣蒸鍋蒸煮嘅蘆筍(右)明顯比以傳統蒸焗爐所烹調(左)帶有翠綠光澤，同時保持爽脆口感。

Philips空氣蒸鍋利用全新Philips空氣蒸鍋蒸麵包右)能保持鬆軟口感，而左邊以傳統蒸焗爐所蒸嘅麵包明顯較為乾硬。 — 利用全新Philips空氣蒸鍋蒸麵包(右)能保持鬆軟口感，而左邊以傳統蒸焗爐所蒸嘅麵包明顯較為乾硬。

滿滿煮食靈感連接NurtiU Mobile App可遙距烹調打造完美健康料理

做媽媽嘅經常要一心幾用，要湊住小朋友之餘又要同時煮飯，有時掛住照顧小朋友睇唔切火搞到啲嘢食燶晒，想「煮婦」生活變得更輕鬆，Download NutriU Mobile App就幫到大家喇！只要將Philips空氣蒸鍋連接NutriU手機應用程式就可以進行遙距烹調，當食物煮好就會通知你，唔使睇火就可以煮好一枱好餸，咁騰出嚟嘅煮飯時間就可以用嚟陪小朋友啦！再加上App入面有超過350款食譜，為媽媽們提供滿滿煮食靈感，仲會有唔同貼士同建議助媽媽煮出完美料理，咁就可以每日為小朋友帶嚟充滿新鮮感嘅健康美食，唔使再擔心小朋友食嚟食去嗰係某幾款餸咁悶～

NutriU Mobile App唔單止有食譜同烹調貼士，佢仲貼心地提供埋每款料理嘅營養價值比大家參考，咁媽媽們就更加清楚小朋友到底食咗幾多營養落肚啦！

特大容量配合多款配件一機滿足每個家庭各種需求

唔好以為Philips空氣蒸鍋淨係可以用嚟蒸煮食物，其實佢配備8種烹調模式，包括全新空氣蒸煮、蒸、慢煮、真空低溫慢煮、烤、焗、解凍及翻熱，一機就可以煮出任何美食，夠晒方便！而且佢嘅特大容量設計，配合埋附送嘅底部托盤、網籃、內鍋及雙層配件，無論想用嚟煲湯、燉菜、蒸菜，又或者想一次過煮出4人份量嘅美食、蒸全雞、近一斤嘅鮮魚，通通都難佢唔到，絕對可以滿足到每個家庭嘅需求。

易用易洗自動清潔程序簡化清洗過程更方便媽媽

相信唔少媽媽都認同煮飯過程並唔辛苦，最痛苦嘅莫過於煮完之後仲有一大堆碗碟要洗。為咗令媽媽們更省時省力，Philips空氣蒸鍋特別設計出3種自動清潔程序，當中嘅EasyClean模式就可以利用熱蒸氣去融化食物殘渣，而「沖洗」同「除垢」就可以保持內部水系統清潔及正常運轉，咁就唔使擔心用嚟蒸煮食物嘅水會污糟啦！另外所有配件都可以拆卸並放入洗碗機內清洗，咁以後煮完飯就可以更快洗完碗、更快享受同小朋友玩樂嘅溫馨時光啦～而最重要嘅係Philips空氣蒸鍋配備自動斷電裝置，媽媽們喺煮食過程中唔使擔心小朋友整到部機而唔小心受傷，自然用得安心又放心啦！