【兒童眼瘡】 洋甘菊眼瘡療法:洋甘菊熱敷一日敷4次

【兒童眼瘡】 洋甘菊眼瘡療法:洋甘菊熱敷一日敷4次

【兒童眼瘡】兒童容易生眼瘡 ,當出現眼瘡 的時候,要盡快治療,以免問題惡化,導致需要做割眼瘡 手術。眼瘡 的問題,一直是很多家長的困擾,3B MaMA就分享了自己常用的洋甘菊眼瘡 療法,和自己小孩生眼瘡 的經歷。

撰文&圖片:3B MaMa親子生活館 | 編輯:Ariel

生眼瘡2個月不好轉 醫生建議全身麻醉挑眼瘡

3B MaMa的兒子右眼角入面生咗粒細細嘅眼瘡,令隻眼微微腫起。分別睇咗兩個普通科醫生,都話唔大件事。只要熱敷粒瘡+滴眼藥水就會好翻!

但點知過多個幾兩個星期後,粒瘡愈變愈大,隻眼愈黎愈腫!最後3B MaMa 決定帶孖人弟弟去睇眼科!

洋甘菊眼瘡療法
(圖片來源:3B MaMa )

3B MaMa:醫生話係眼瘡,因為熱敷咗都冇變細,所以要挑走粒眼瘡。但醫生表示呢個年紀生眼瘡最麻煩,當時小朋友都未夠4歲。

如果係大人,因為坐得定,基本上喺CLICNIC打支麻醉針喺眼,然後挑走粒眼瘡就得,好簡單。但如果係BB,做法都一樣,但因為BB年紀仲細,大人好難挾實佢坐定定。所以就算係挑眼瘡咁少嘅事,都要全身麻醉。

一聽到要全身麻醉,做父母嘅心態當然係抗拒啦,始終對身體唔好嘛。當時醫生就話個手術唔急嘅,所以仲有時間可以考慮 ,因為只要粒瘡唔發炎就唔急做手術。

洋甘菊眼瘡療法

這個時候3B MaMa 在網上見到有人用呢種洋甘菊茶包浸出嘅茶敷眼有效。雖然眼科醫生話熱敷咗咁多個星期都冇效,再熱敷落去作用都不大。但總之3B MaMa不想小朋友要全身麻醉,所以都盡最後綿力試試。

一日敷4次茶包 持續1個月眼瘡縮小

3B MaMa:由於粒瘡咁大,熱敷次數都好密。好似一日3餐+TEA TIME咁,一日敷4次!!!!!我每次用一個茶包加熱水泡茶,然後用條小手巾「索」咗啲茶,扭乾小毛巾就熱敷落粒瘡位置,手巾一唔熱就再重覆以上步驟,直到茶唔熱,就唔再敷。網上話咁樣熱敷需要持之以恆3個月。

洋甘菊眼瘡療法
(圖片來源:3B MaMa )

3B MaMa 的兒子熱敷咗唔使一個月,粒眼瘡已變到芝麻咁細。雖然變細咗咁多,但恐防粒瘡變大翻,熱敷仍然繼續,只係次數冇咁密。3B MaMa 一直再幫弟弟熱敷多一個月,粒眼瘡完全冇咗,後來都有好幾個朋友試過呢個「洋甘菊眼瘡療法」都有效!

甚至後來弟弟再生眼瘡,我都係再用呢個方法搞掂咗粒瘡。眼科醫生話眼分泌比較多嘅人,生眼瘡機會都相對高。所以生過眼瘡嘅人,好容易會再生第二次!

大家如果生眼瘡,都可考慮下呢個熱敷法,不過記住小心,唔好熱到燙傷隻眼同埋有疑問最好梗係去睇醫生問翻專業意見!

相關文章:眼瘡種類與治療方法 眼科醫生指捽眼化妝容易誘發眼瘡 幼童及女士屬高危

資料來源:3B MaMa親子生活館

你最關注甚麼健康話題?

更多精選內容