中年好聲音追夢之旅｜ 參賽者回味追夢旅程 陳嘉璐鄺凱剛陀B迎新居
中年好聲音 追夢之旅 ｜參賽者分享賽後改變和生活
《中年好聲音 追夢之旅》由支嚳儀、曹敏寶 擔任主持，節目追訪的包括大家熟悉的幾位選手：
- 周吉佩
- 李佳
- 龍婷
- 顏志恒
- 吳大強
- 魏嘉信
- 何博文
- 鮑聖光
- 羅金榮
另外還有一眾較早階段離開的戰友，一齊回味熱血感人嘅追夢之旅！
中年好聲音 追夢之旅 ｜鄺凱剛陳嘉璐孕育新生命
其中比較受關注的，是夫妻檔「放閃」參賽的鄺凱剛與陳嘉璐，二人20年前因參加比賽相識，今次再度攜手參加《中年好聲音》，陳嘉璐在節目中曾說老公鄺凱剛是其Soulmate，雖然兩人不能一同晉級50強（陳嘉璐獲得4盞燈直接晉級，鄺凱剛則無緣晉級），但二人每分每秒均流露愛妻之情，原來賽後不久二人搬新屋並懷有BB，今次節目會介紹恩愛夫妻的賽後生活。
陳嘉璐已經懷孕33周，鄺凱剛說：
「人生好奇妙，參加咗呢次比賽之後，竟然有咗我哋嘅小生命。」
陳嘉璐則說：「真係冇預期，報咗名之後先知道，所有嘢都係真係冇安排之下安排咗咁。」兩人再指希望將來可以再一同參加《中年好聲音》，非常有愛。
第3集陳嘉璐 演唱《 開到荼蘼 》 ，兩夫妻互相扶持的畫面仍然令觀眾印象深刻！
中年好聲音 追夢之旅 ｜比賽後 友情不變：周吉佩分享最大收獲
《中年好聲音》冠軍周吉佩，講到今次奪冠的心路歷程，他說：
「經歷咗好多起起跌跌，有無數次想法係想放棄，從來追夢都係自私行為，同太太一開始係冇共識，係我呈現到畀佢睇我內心原來真係咁堅持，所以都好多謝太太嘅支持，令我每一集都比之前更加好。」
講到對於音樂路的展望，吉吉：「完住冇諗過會企番喺台上得到大家掌聲，依家暫時計劃係好好做好嚟緊做好每一場演出。」另一最大收穫，吉吉笑言是與顏志恒、魏嘉信結成好兄弟，三位除了同樣熱愛唱歌，另一共同點就是大家都是喊包。
李佳龍婷原來係閨密！「女漢子」海邊食火鍋
獲得第二名的李佳，坦言不會放棄歌唱老師的工作，她說：「如果冇呢班學生，我行唔到嚟呢一步，佢哋一路嘅支持係我最大嘅動力。」經過今次比賽，李佳透露與龍婷成為閨密，李佳原來一開始並不知道龍婷的背景，她說：「一開始對佢唔熟悉，大家話佢好出名，屋企人都叫我去Youtube睇佢啲片，佢一開始係好Cool嘅。」李佳更即場演繹與龍婷首次見面的情況，場面搞笑。龍婷則大讚李佳性格好，她說：「佢唔係好鍾意鬥，就算去到決賽，正常係未到嗰日都唔希望對手知咁多，但佢自己同我講會揀啲咩歌，真係覺得佢好好。」李佳再指與龍婷同是「女漢子」，她說：「有一次喺綵排，中間有啲時間就話不如去食火鍋，我哋竟然就去咗海邊食火鍋！」
中年好聲音 追夢之旅 ｜羅啟豪唔認得自己 吳大強希望老有所為
獲得第三名的羅啟豪，直言自己有很大的轉變，他說：
「我都唔認得依家嘅我，一開始講嘢、揸咪唱歌係震晒，到咗依家好多人話我係180度嘅轉變，但我覺得未到完全自然。」
在決賽一舞成名的啟豪，透露之後還想嘗試跳舞，值得大家期待。年紀最大的吳大強則說：「雖然年紀大咗，但都希望老有所為。」吳大強又指《中年好聲音》在自己心中是無可替代，他說：「我一生人只有一次咋，得到好多人認同我唱歌，真係無比嘅驕傲。」
《中年好聲音 追夢之旅》將於5月14日晚上10點30分翡翠台播映，節目邀來支嚳儀、曹敏寶擔任主持，四出尋找周吉佩、李佳、龍婷、顏志恒、吳大強、魏嘉信、何博文、鮑聖光、羅金榮、鄺凱剛、陳嘉璐、梁榮智、徐琬麟等同伴，訪問他們比賽後的轉變和收穫，引領觀眾回味他們的「追夢之旅」。
