中年好聲音2｜彭家賢《紅色跑車》爆紅伍仲衡講普通話評趙紫諾成焦點

Mar 3 2024

《中年好聲音2》周日晚 8 點 30 分翡翠台播出，本集是最終樂章．序《九強戰！聲夢學員中二合唱！》，10 強選手將與《聲夢》學員拍住上爭奪 9 強席位，繼續有肥媽、伍仲衡、張佳添、周國豐和陳慧嫻擔任評審。

	歌曲	演出歌手	分數
1	《紅色跑車》	顏米羔＋彭家賢	88分
2	《我真的受傷了》	黃劍文＋金永衡	85分
3	《一加一》	林若盈＋趙小婷	80分
4	《全身暑假》	陳俞霏＋XiX	87分
5	《我不難過》	安雅希＋黃洛妍	MVP 92分
6	《一眼瞬間》	沈宗賢＋趙紫諾	89分
7	《敢愛敢做》	譚輝智＋趙頌宜	87分
8	《我們的愛》	劉威煌＋劉倩彤	83分
9	《祝君好》	古淖文＋冼靖峰	91分
10	《灰色》	陳蒨葶＋文凱婷	84分

今集戰況激烈。（圖片來源：TVB） — 今集戰況激烈，將會淘汰一人。（圖片來源：TVB）

伍仲衡講普通話成焦點質疑「相差26歲唱情歌」

獻唱《一眼瞬間》的沈宗賢＋趙紫諾（Sabrina）是年齡差距最大的一組，前者 41歲、後者 15 歲，足足相差 26 年。宗賢是出了名的「重炮手」，人仔細細的 Sabrina則擁有一把雄渾聲線，「最萌年齡差」最終擦出不一樣的火花！雖然 Sabrina 廣東話進步了不少，但普通話出名水皮的伍仲衡仍堅持對著 Sabrina 說普通話：「Sabrina 唱得很好，但是你很像很怕他，好像被迫的！」陳慧嫻說：「宗賢今次係最有男子氣概嘅一次，但就好似蝦緊 Sabrina 咁，感覺唔似一首情歌。」

張佳添則笑指：「15 歲妹妹對住 40 幾歲叔叔，你想佢點啫，我合埋眼聽已經好開心！」

顏米羔&少年蘇永康Rock 爆舞台被讚有穿透力

本集是大家引頸以待的「中年 X 聲夢」夢幻聯乘，一眾熱愛唱歌、勇敢追夢的好聲音打破年齡界限，擦出不少火花！42 歲顏米羔與 27 歲彭家賢（Zayden）獻唱《紅色跑車》，以紅色外套上陣的二人十足兩兄弟，更特意為是次演出設計小舞步，勢要 Rock 爆舞台！伍仲衡大讚有穿透力：「呢啲歌顏米羔實食冇黐牙，你好啱唱 rock 歌，好有火呀，Zayden 今日做咗助攻，唔搶之餘好幫到米羔個Vocal。」張佳添笑言：「感覺好正，好似哥哥帶住細佬揸架紅色跑車去溝女！」

42 歲顏米羔與 27 歲彭家賢（Zayden）獻唱《紅色跑車》（圖片來源：TVB）

陳俞霏、 XiX 齊齊以 Y2K 打扮上場肥媽笑指不合格

獻唱《全身暑假》的陳俞霏＋XiX 同樣值得留意，陳俞霏與 XiX 齊齊以 Y2K 打扮上場，勁歌熱舞大晒青春活力，主持婉婉笑言：「好似媽媽帶啲小朋友去Playgroup 咁！」周國豐笑言：「俞霏真係要多謝呢 5 位小妹妹，好青春活力，令到我呢啲叔叔睇完好開心，即使有個媽媽陳俞霏喺度，成件事都好有說服力。」陳慧嫻聞言即加把嘴笑謂：「我加入都好有說服力，完全唔覺得俞霏係媽媽，最多咪係大咗 2 年嘅家姐！」肥媽則搞笑指俞霏造型「不合格」。