中年好聲音2｜陳俞霏自爆有個3歲女！黃劍文成「10強黑馬」獨領風騷
廣告
歌唱真人騷《中年好聲音2》本集是第十部曲《雙語之歌，累積排名榜 10強隆重登場！》上半場，有肥媽、伍仲衡、張佳添、周國豐和陳慧嫻擔任評審。本回合 12 強選手將輪流獻唱雙語之歌爭入10 強，由本回合開始起，增設「累積排名分」，第一名獲得 12 分、第二名獲得 11 分如此類推，獲得 MVP 者則再加 2 分，每回合最低分 2 位被淘汰！
「累積排名榜」新玩法雙語之歌演出歌單
《中年好聲音2》本第十部曲《雙語之歌，累積排名榜 10強隆重登場！》出場名單如下：
- 《只想你會意／認錯》鄭梓浩（82分）
- 《守望麥田／百年孤寂》陳俞霏（85分）
- 《不如不見／Desperado》古淖文（93分）
- 《明知故犯／明知道》黃劍文（89分）
- 《衹願一生愛一人／讓我一次愛過夠》劉威煌（92分）
- 《紅葉斜落我心寂寞時／Right Here Waiting》沈宗賢（87分）
肥媽指陳俞霏太忘我、唔畀面：「佢直情係睬你都傻」
《中年好聲音 2》進入白熱化階 段，12 強選手為爭奪 10 強使盡渾身解數，據知本回合全線選手皆獲得 80 分以上，值得期待！以全白 Look 上陣的陳俞霏獻唱《守望麥田／百年孤寂》，她坦言被歌詞感動，悟出不少人生道理。對於俞霏演出，張佳添說：「你揀啱歌，好表現到你嘅個性，（情感）啱啱好唔會過多或者過少，你喺台上有一種揮灑（自如）感覺，唔會覺得好煩。」
肥媽則指俞霏過於忘我：「佢直情係睬你都傻，冇睇過我哋，佢真係好享受個舞台，呢樣係啱嘅，但要畀番少少面班評判，好似唔當我哋存在咁，係咁意得閒望吓我哋啦！」非常搞笑。
陳俞霏透露有個3歲女！憶嚴母 ： 99.5 分對佢嚟講已經係瑕疵
另陳俞霏賽前接受製作組訪問時，透露育有一名 3 歲多的女兒，女兒現在於廣州生活，她坦言當初其實沒有想過要生小朋友：「講真我呢世人最唔想要嘅就係小朋友，因為唔想我嘅小朋友過住我以前過嘅生活。」俞霏直指兒時媽媽對她十分嚴厲：「佢希望我成績全部係滿分，99.5 分對佢嚟講已經係瑕疵，令我有少少心理陰影，覺得自己一直為人哋而活。」俞霏指最終沒想到反而在女兒身上找到救贖：
「佢畀咗好多快樂我，我人生一直係我媽咪話晒事，有咗囡囡先發現人生原來唔係咁。」
最後她寄語女兒：「做自己，唔好理人哋，開心就得！」
張佳添周國豐伍仲衡異口同聲讚黃劍文哭腔恰到好處
黃劍文則再度挑戰女歌男唱獻唱《明知故犯／明知道》，越唱越強的劍文來到 10強爭奪戰再有出色發揮，獲張佳添大讚：「你聲靚同感情恰到好處，我覺得你鬥心開始出嚟，係其中一隻黑馬！」周國豐亦說：「呢幾集你嘅信心返晒嚟，你嘅Vocal Performance 表現得好好，你好唱到作為第三者嗰種痛，你激情得嚟又唔會太 Over 恰到好處。」伍仲衡亦大表認同：「你啲哭腔依家恰到好處呀，之前係多到漏！」
圖片來源：圖片來源：TVB
