中年好聲音2｜陳俞霏成首位冧莊5燈選手　網民唔Buy「故技重施」唱《初戀》

陳俞霏扭身扭勢唱《初戀》再奪5燈 評判伍仲衡認太Over

昨晚最搶眼選手絕對是陳俞霏，上回合豪奪5燈的她獻唱《初戀》，貫徹Chill爆演出風格引爆全場齊齊Un，最終冧莊五燈直接晉級30強！張佳添和周國豐直指睇得好Enjoy，惟伍仲衡略嫌陳俞霏情緒太Over：「Feel到你好開心，但feel唔到冧，嗰種Hyper有少少over！」說畢遭主持婉婉「質問」：「咁你又撳燈？」伍仲衡爆笑回答：「咁佢係值得伍仲衡盞燈，咪拎5燈囉！」

網民唔Buy：聽佢唱歌簡直係受罪

對於評判的高度評價，今次觀眾竟然唔太接受！「每次聽佢唱就覺頭痛。希望佢快D唱完！」、「真係難聽到要切左對耳出黎，食緊飯千奇唔好開黎聽，真係會冇胃口」、「音色很一般 但是肢體語言 和 節奏 帶動氣氛 這是其他人所沒有的」⋯⋯

35歲陳俞霏第二集登場 改編《 拒絕再玩 》首獲5燈

第二集嘅呢位35歲嘅 陳俞霏，演唱張國榮原唱嘅《 拒絕再玩 》，聲樂老師出身嘅佢對原曲大膽作出改動，別出心裁嘅編曲令佢成為今集第二位獲得五盞燈嘅選手！一齊聽聽佢嘅演唱！

古淖文以4比1票數晉級30強　李浩森被伍仲衡「燈走」

60強選手1對1 PK爭取晉級30強。昨晚淘汰賽緊張刺激，上回合的5燈選手李浩森、古淖文上演5燈對決，率先上場的李浩森獻唱《Twist And Shout》，惟表現有所失準只獲3燈，但卻獲伍仲衡大讚：「你有排玩呀！」等待台下選手挑戰期間，古淖文突然舉手「下戰書」，即時引來嘩聲四起。惟以《摘星》應戰的淖文同樣表現失準只獲3燈，被批與浩森一樣揀錯歌。由於兩人同分關係，晉級30強人選交由評審團投票決定，最終古淖文以4比1票數成功晉級，浩森則被伍仲衡「燈走」，伍仲衡繼續力撐浩森說：「唔緊要，我搵你唱歌！」

「大佬」鍾晉生宣布退賽 唱到眼濕濕晒鐵漢柔情 ：要為另一個夢想奮鬥

憑自帶強勁氣場被封為「大佬」的鍾晉生亦於昨晚一集登場，外表剛強、內裏溫柔的他以招牌「重低音炮」獻唱《情人的眼淚》，唱到尾聲時更眼泛淚光，大晒鐵漢柔情一面，最終他以4燈揮低2燈的蔡京瞵。惟成功晉級後，「大佬」鍾晉生宣布退賽，並將晉級名額讓給其他選手，他說：

「呼應番《中年好聲音》呢個節目，每一位中年人都背負住好多包袱，我決定要退賽，我係時候要返番去自己工作崗位，中年人有唔同目標抱負，我要為另外一個夢想繼續奮鬥。」