中年好聲音2｜林若盈為入10強再度賣慘跌入危險區？！為媽媽放棄台灣當歌手
林若盈曾於台灣發展 感激媽咪為家庭犧牲不少
十強戰之中，選唱《限期 ／ 夢一場》的林若盈，今集賽前接受製作組訪問時，分享崎嶇的音樂追夢之路；若盈早年曾在台灣參加音樂比賽《超級星光大道5》，原本有機會出道做歌手，可惜屋企突然出事被迫回港，她說：「當時已經傾緊公司，一切好似好順利，但媽咪工作上出現問題，令屋企經濟出現問題，所以我要放低晒所有嘢返番香港。我絕對有唔甘心，但畀我揀多十次、一百次，我都一定會返嚟，因為呢個係家人嘅責任。」若盈說起媽媽時眼濕濕，坦言媽媽為了家庭犧牲很多：
「媽媽好偉大，喺爸爸冇再返屋企之前已經留低咗債務，媽咪有一段時間除咗要照顧我哋之外仲要還債，當時一聽到有人行樓梯，就會好自然攞起搖控器閂細電視聲。有時真係有人拍門時，我哋要扮冇人喺屋企。」
林若盈選唱《限期/夢一場》低份跌入危險區
林若盈選唱梁詠琪原唱嘅粵語歌《限期》同那英原唱嘅國語版本《夢一場》，雖然唱得唔差，但評審批評佢同其他選手比進步唔夠大，分數差強人意，落入危險區！
林若盈 被肥媽狠批扮可憐
林若盈在節目中唱歌時出名感情豐沛，但亦試過因為家中貓咪入院，導致表現失準，當時她坦言：「都好驚唱唔到落去。」但身為前輩的肥媽對此就好不滿，狠批：「咁樣唔得㗎，冇可憐分！」亦有網民對她經常「賣慘」表示反感。
林若盈唱《愛》後憶亡父爆喊
林若盈在單親家庭長大，由母親獨自撫養她和哥哥長大，比賽中她曾透露母親患有抑鬱症，以及與亡父之間的經歷：「我同佢冇見十幾年，跟住佢出現番一個月，之後佢就過咗身…」林若盈又在社交網透露有個拍拖17年多的男友，感情相當穩定。
林若盈07年入新秀八強冇公司肯簽
今年亦剛好是林若盈踏入音樂路的第17年，2007年她參加英皇新秀歌唱大賽，並打入了八強，她在接受電台訪問時自嘲說：「其他人都有公司簽，但係得我一個冇，可能我當時個樣實在太醜。之後有學化妝，所以識得打扮多啲。」
林若盈 09年再戰台灣《超級星光大道5》
2009年，林若盈隻身飛到台灣，參加《超級星光大道5》，最後獲得第13名，但因屋企經濟出現問題，媽媽又患上了抑鬱症，所以最終放棄了在台灣發展而返港。2017年她終推出個人單曲《自療》正式出道，2020年，她再推出單曲《聖誕⋯不需要別個》。
無悔等咗十年先有第一首歌
林若盈曾在訪問中直認自己的歌手路好崎嶇：「等咗十年先有第一首歌。」在正式出道前，她曾做過Freelance化妝師、幫人寫稿、音樂雜誌記者、造型設計等，一直冇好穩定的工作，但因為她鍾意唱歌和表演，覺得能一直做自己鍾意的事，已經好幸福。
入行7年愈變愈靚！私下IG福利獲讚
作為中年選手雲集的比賽，原來35歲的林若盈私底下十分青春，社交網上不時大派福利照，少女味十足，被指「去錯地方」質素力迫女團COLLAR成員芯駖！
林若盈 獲網民睇好入三甲
現年35歲的林若盈現實中任職歌唱老師，亦兼任瑜伽教練和美妝KOL，IG上分享過不少靚相，成功吸引到超過1.1萬名Followers，網民都大讚她後生又靚女，好有少女味，聲線甜美自然，又有觀眾緣，有好大幾會打入三甲！
睇埋林若盈其他靚相：
