中年好聲音2 21強誕生！安雅希奪MVP 谷婭溦失策紅綠兩組有人被淘汰
中年好聲音2｜譚輝智終於識郁 獲張佳添大讚
藍組的譚輝智獻唱《深愛著你》，性格內斂的他自參賽以來一直台風欠奉，今集他一洗頹風，獻唱時終於識得郁吓兼單吓眼，令人眼前一亮。韋綺姍對此特別感謝已被淘汰的尹新杰：「多謝尹新杰幫我哋（藍組）執晒啲台風，唔會令輝智企喺台度一舊飯咁！」張佳添給予不俗評價：「送4個字畀你，恰到好處，我覺得你係今季嘅羅啟豪，畀到愈嚟愈多好嘅亮點令大家記得你，睇好你！」惟周國豐卻反高潮說：「呢隻歌係懷緬緊以前，所以唔應該係開心嘅歌。」
TVB歌唱真人騷《中年好聲音2》，今周日（12/3）晚播出一集是第五部曲《廿四強導師分組賽！致敬傳奇巨星！》下半場，性格內斂的譚輝智今集一洗頹風，獻唱時終於識得郁吓兼單吓眼，令人眼前一亮！
下半場的「致敬傳奇巨星」系列是「張國榮」、「黃家駒」和「陳百強」，出場歌單如下：
- 《今生今世》安雅希
- 《風繼續吹》王學琳
- 《大熱》陳俞霏
- 《喜歡你》梁浩賢+黃劍文
- 《情人》袁思樂+周碧嘉
- 《無盡空虛》沈宗賢+林偉璣
- 《深愛著你》譚輝智
- 《我的故事》劉威煌
- 《盼望的緣份》古淖文
安雅希「清兵造型」獻唱張國榮金曲《今生今世》 刷新最高分
藍隊派出安雅希出戰致敬張國榮環節，選唱一首由張國榮原唱嘅《 今生今世 》，真誠嘅歌聲打動所有評審，俾出93分嘅破紀錄高分！關心妍表示一開始就聽到起雞皮，三位評判給予19分高分！最後更成為MVP！
安雅希奪MVP 網民、評判一致讚好
網民的評價也超級正面「每一個字都充滿感情，慢慢滲透到聽眾耳朵，被你感動了。看著你把每一粒音唱完，才敢離開螢幕。」、「感情唱歌演繹非常之好 真係好好 頭嗰幾句，我已經感動流淚」、「今集有三個歌手唱足感情，唱得好！第一個安雅希 、第二個古卓文、第三個劉威煌，這三位用心去唱 ，三位努力加油！」
紅組導師谷婭溦坦言陳俞霏不太聽話
紅組的陳俞霏今集獻唱《大熱》，她穿上紅色皮褸、塗了大Red唇、蠟了一個All Back頭上陣，造型搶眼。由於俞霏不是住在香港的關係，令導師谷婭溦十分頭痕，谷婭溦坦言陳俞霏不太聽話：
「可能佢一開始會唔聽我講嘢，但係唔緊要嘅，當佢見到每個學員都有進步，而佢自己好似冇進步時，佢就會知道緊張！」
41歲職業司機林偉璣被淘汰 參賽為唱歌獻給爸媽
今集被淘汰的是41歲職業司機林偉璣，今個回合與沈宗賢合唱《無盡空虛》被評為「聽到有啲悶」，在谷婭溦組別中成為被放棄的一個！早前他曾分享自己的感人故事，獻唱《情深說話未曾講》的林偉璣坦言這首歌是獻唱給家人聽，他說：「唱『仍然在遠方，追我夢與想』時，第一時間已經係諗起爸爸媽媽。」偉璣透露父母一直很支持他追夢，他哽咽說：
「佢哋好支持我，不論我年紀幾大都好，喺佢哋眼中我仍然係好細嘅小朋友，呢首歌係真心送畀佢哋，想同佢哋講，放心啦，我會繼續努力追尋我嘅夢想，我會唱更加多嘅好歌畀你哋聽，I Love You。」
中年好聲音2｜黃劍文梁浩賢《喜歡你》畫重眼線化身Rock友
藍組的黃劍文、梁浩賢合唱《喜歡你》，原來韋綺姍對學員咬字要求甚高，賽前還要求學員錄讀歌詞的聲帶給她，韋綺姍指大部分學員都很聽話，惟浩賢沒有照做，浩賢即時認衰仔說：「唔會有下次！」畫眼線化身Rock友的黃劍文、梁浩賢一唱一和，默契十足，婉婉笑言唔認得劍文：「好似變咗街童，差塊滑板就可以去踩板！」張佳添說：「唱Rock版《喜歡你》係OK嘅，但首歌始終係Rock Ballad嚟，我Feel到Rock嗰Part，但Feel唔到Ballad。」伍仲衡則說：「劍文你啲哭腔進步咗好多，不過你硬係每句都有一粒，搣埋嗰粒啦！」
中年好聲音2｜譚輝智「終於識郁」 獲張佳添大讚
藍組的譚輝智獻唱《深愛著你》，性格內斂的他自參賽以來一直台風欠奉，今集他一洗頹風，獻唱時終於識得郁吓兼單吓眼，令人眼前一亮。韋綺姍對此特別感謝已被淘汰的尹新杰：「多謝尹新杰幫我哋（藍組）執晒啲台風，唔會令輝智企喺台度一舊飯咁！」張佳添給予不俗評價：「送4個字畀你，恰到好處，我覺得你係今季嘅羅啟豪，畀到愈嚟愈多好嘅亮點令大家記得你，睇好你！」惟周國豐卻反高潮說：「呢隻歌係懷緬緊以前，所以唔應該係開心嘅歌。」
