九記牛腩老闆寸爆反擊「網上負評」承認親疏有別 網民批：仲學人擺款等收檔

九記老闆寸爆回應指控 承認親疏有別

面對黎芷珊直接詢問「你認不認同你真的有點囂張？」，九記牛腩老闆毫不猶豫地回應「我不覺得的，我只不過是個人比較坦白啲啫，我老粗一個，無端端對你敷衍，我不會。我唔識你，又唔識咧嘴對你笑，我又唔係你們啲藝人」。當被問及是否會親疏有別對待客人時，老闆更是直認不諱地表示「有㗎，緊係有啦」，並以自己買燒臘時老闆會斬好肉給他作比喻，認為這種做法十分正常。

潘國興拒絕笑臉迎人：我唔得喎，我性格！

談到自己的牛腩製作，老闆顯得相當自豪，強調「招牌是我們做的，我們也不是模仿別人的，難聽點說，我們青湯腩是手創的，外面的和我們的不同」。他更透露為了保持品質，會把不符合標準的材料直接丟棄，「很多東西都不能用，就在這裡丟，這些油我不要，我不要，我割出來丟」。面對建議他笑臉迎人一點可能會減少負評，老闆激動抗拒：「我唔得喎，我性格！我帶口罩，你知鬼我笑唔笑咩！我唔介懷佢負評，七十億人嘅意見，你點樣可以滿足得到她呢？」，表示自己是賣出品，不是賣笑，會繼續做回自己。

網民兩極反應：仲學人擺款臭寸等收檔

老闆的坦白回應在網上引起激烈討論，批評聲音不絕於耳。有網民直言「大把牛腩面家好過九記，論湯底真心講一般，仲學人擺款臭寸等收檔」，亦有人表示「佢咁寸，就算真係好好食，我都唔會去食，點解我們的錢要養咁寸啲人，食咗佢啲牛腩又唔變神仙」。更有網民質疑「打開門口做生意，點解要黑口黑面咁對客？咁巴閉唔好做啦！」不過亦有支持者認為老闆只是「唔虛偽，個人比較直接」，指出「熟客仔有著數好正常，咁平時出街飲茶識經理都有免茶啦」，認為老闆的真性情值得欣賞。