五索自言「XX年冇坐過經濟艙」當場黑面 怒斥同事：馬生咁做早就人頭落地！
廣告
網紅五索（鍾睿心）近日飛成都公幹，竟因被安排坐經濟艙而當場黑面兼怒斥同事！自言「有20年冇坐過經濟艙」的她，更狠批整個體驗同搭巴士無異，怒火中燒之下直言：「如果係馬生咁做，佢人頭已經落咗地！」
五索慘坐經濟艙當場黑面 即場怒斥同事
網紅五索鍾睿心近日與同事飛成都公幹，竟然被安排坐經濟艙，令她現場反白眼黑面，直言：「我應該有廿年冇坐過經濟艙！」向來出手闊綽嘅她一度想升級商務艙但失敗收場，更質問同事：「你覺得我應唔應該炒咗你？」。五索更即場怒斥同事：「你覺得我應唔應該炒咗你！仲要冇Online揀定位，我哋要分開坐！我已經好忍耐，如果係馬先生咁做，佢人頭已經落咗地！」
五索呻經濟艙等如搭巴士
五索之後繼續在片中呻苦，話今次連機場哥爾夫車都冇，改坐接駁列車，已經唔開心。上機後更被夾喺兩位陌生男子之間，全程冇表情。落機後更情緒失控大嗌：「我要殺死我同事！」佢話同人距離太近，直頭掂到對方對腳，形容整個體驗「同搭巴士冇分別」。
圖片來源：IG@5kidsokma資料或影片來源：原文刊於新假期
