余德丞 黑眼圈

余德丞因黑眼圈被冠虧佬「好Hurt」 自認異性緣旺靠女性提攜

娛樂

廣告

《晚吹–有酒今晚吹》最新一集邀請余德丞發掘他的「酒後的故事」,節目中直認自己異性緣旺,2018年曾經因心律不正踢波踢到休克的他,最介意別人笑他是「虧佬」!

余德丞 黑眼圈 有酒今晚吹 晚吹 余德丞指自己
余德丞直指自己是很有異性緣(圖片來源:ViuTV《晚吹–有酒今晚吹》截圖)

女人緣暢旺介意多緋聞「搞到人哋另一半就唔好喇」

《晚吹–有酒今晚吹》最新一集邀請到33歲的余德丞(Dickson)擔任嘉賓,與主持品嘗香檳。出道以來甚多緋聞的Dickson,坦承為此甚感困擾:「譬如人哋有真正嘅另一半,或者有心儀對象,傳緋聞嘅時候,就可能會令到人哋另一半介意,咁樣搞到人哋就唔好喇。」他指不論緋聞或工作上,上司和工作夥伴多都是女性為主,同意自己異性緣頗旺。

余德丞 黑眼圈 有酒今晚吹 晚吹 余德丞最怕傳緋聞是令到當時人的另一半介意
余德丞最怕傳緋聞是令到當時人的另一半介意(圖片來源:ViuTV《晚吹–有酒今晚吹》截圖)

自認黑眼圈嚴重、強調唔係「虧佬」

被問及最想澄清外界對他的誤解,Dickson表示要為自己的健康平反。他笑言常常被其他人取笑黑眼圈十分嚴重,甚至覺得他「就嚟死」和「虧」,Dickson開玩笑指:「話晒曾經都係港隊呀!男人被人話虧同性無能一樣㗎,好Hurt㗎呢單嘢」。

余德丞 黑眼圈 有酒今晚吹 晚吹 Dickson指自己不是虧佬,只是黑眼圈比較嚴重
Dickson指自己不是「虧佬」,只是黑眼圈比較嚴重(圖片來源:ViuTV《晚吹–有酒今晚吹》截圖)
余德丞 黑眼圈 有酒今晚吹 晚吹 余德丞分享了離開無綫的心路歷程 余德丞昨晚在ViuTV主持世盃節目,誤將主唱Ricky Martin講成Robbie Williams。
余德丞昨晚在ViuTV主持世盃節目,誤將主唱Ricky Martin講成Robbie Williams。(圖片來源:fb@Dickson Yu 余德丞)

長期公開地址!改極都改唔到!公開呼籲:唔該刪咗佢!

節目中主持提到,余德丞的資訊非常公開,就連住址也在網上被完全披露,余德丞表示其實自己都唔想,更趁節目對負責網上百科條目嘅該名網友公開呼籲,表示希望對方高抬貴手,唔好再公開佢嘅地址!

自細已有黑眼圈 醫生表示「無得救」

余德丞接受訪問時曾表示自己問過中醫,因為小時候血液循環唔好,自細已經堆積咗啲瘀血係眼同鼻嘅位置,「輸在起跑線」,導致黑眼圈比正常人嚴重,醫生甚至表示難以根治。

余德丞 黑眼圈 有酒今晚吹 晚吹 余德丞曾表示睇過中醫,對方指他血氣唔好,要醫治黑眼圈路漫漫,唔係一時三刻可以解決。
余德丞曾表示睇過中醫,對方指他血氣唔好,要醫治黑眼圈路漫漫,唔係一時三刻可以解決。(圖片來源:余德丞Youtube)
余德丞 黑眼圈 有酒今晚吹 晚吹 無綫年代嘅Dickson最殘一次就係擔當「澳職聯」主持。
無綫年代嘅Dickson最殘一次就係擔當「澳職聯」主持。(圖片來源:tvb.com)

離巢前殘爆Look做直播 網友:中咗吸精大法!

余德丞曾被譽為TVB新一代男神,但在2018年踢波時因心律不正突然暈倒急送院,一度情況危殆要在深切治療部留醫,幸好最後大步檻過。不過余德丞日前為足球節目當主持,出鏡時面色超差,大大對眼袋現晒形,嚇壞不少觀眾!慘被網友笑指:「中咗吸精大法!」

余德丞 黑眼圈 有酒今晚吹 晚吹 余德丞
余德丞2021年前TVB財經資訊台直播的「澳洲職業足球聯賽」擔任評述員,出鏡時一副蒼白臉孔,加上勁深黑眼圈及眼袋,健康狀況令人擔憂。(圖片來源:TVB)
余德丞 黑眼圈 有酒今晚吹 晚吹 余德丞
余德丞主持期間頻頻「食螺絲」。(圖片來源:TVB)
余德丞 黑眼圈 有酒今晚吹 晚吹 余德丞
余德丞出鏡時面色超差,雙眼無神,大大對眼袋現晒形。(圖片來源:TVB)

2018年踢波暈倒 蔡思貝曾現身探病

無綫藝人余德丞2018年於西營盤中山紀念公園球場踢波,期間暈倒昏迷,其後由救護車送往瑪麗醫院搶救,並在深切治療部(ICU)留醫,當時蔡思貝更高調現身探病,關係不言而喻。Dickson出院後透露醫生叮囑佢短期內唔可再做運動,死過翻生嘅余德丞話會好好珍惜生命,待休養好後重新出發!

余德丞 黑眼圈 有酒今晚吹 晚吹 曾與余德丞共同主持節目《緬甸奇幻旅程》的蔡思貝低調到醫院了解情況。
曾與余德丞共同主持節目《緬甸奇幻旅程》的蔡思貝低調到醫院了解情況。(圖片來源:新傳媒資料庫)
余德丞 黑眼圈 有酒今晚吹 晚吹
(圖片來源:新傳媒資料庫)

專同合作女星傳緋聞 曾同周秀娜睇戲

現年33歲的余德丞雖已過檔ViuTV,但他於TVB時幾乎每次均會與合作的女演員傳緋聞,除了2018年因拍旅遊節目《緬甸奇幻旅程》而跟蔡思貝傳緋聞外,其他女星還有2018年拍攝劇集《福爾摩師奶》的陳瀅,兩人於劇中更有一幕相當激烈的狼吻戲碼,足足NG咗8次。2019年他亦被傳媒拍到跟周秀娜拍拖睇戲,女方更坐男方的座駕回男方家,兩人更曾因一同與好友馬天佑三人行觀賞容祖兒演唱會,而傳出發展姊弟戀。

余德丞 黑眼圈 有酒今晚吹 晚吹 蔡思貝
合作主持旅遊節目《緬甸奇幻旅程》,蔡思貝與余德丞對足12日,即傳出撻著。(圖片來源:TVB《緬甸奇幻旅程》截圖)
余德丞 黑眼圈 有酒今晚吹 晚吹 Dickson與周秀娜及馬天佑一同觀賞容祖兒演唱會。
Dickson與周秀娜及馬天佑一同觀賞容祖兒演唱會。(圖片來源:YouTube@TVB)

過檔ViuTV多Job接 節目認曾一腳踏兩船

早前轉投ViuTV懷抱的Dickson孖住阿正主持新節目《姊妹們的國際市場》,節目中,Dickson與5位男參賽者在「真心話不冒險」環節,回答「揀女朋友睇樣還是睇身材?」、「有冇試過一夜情?」、「有無試過一腳踏兩船?」等問題,更當場自爆自己曾經試過一腳踏兩船,同時與兩位女仔拍拖,並分享心得指「其實唔需要分星期一﹑三﹑五,你好好管理自己時間就可以,不過呢啲嘢唔好亂學,以前曾經錯過,就唔好繼續錯落去。」

余德丞 黑眼圈 有酒今晚吹 晚吹
(圖片來源:ViuTV《姊妹們的國際市場》圖片)

關鍵詞
余德丞
撰文:東方新地圖片來源:fb@Dickson Yu 余德丞、ViuTV截圖、YouTube@FHProductionHK截圖資料或影片來源:原文刊於東方新地