全民造星6｜44強5位評審各有各風格！陳湛文超嚴格惹網民兩極意見
陳湛文嚴格評審風格惹網民不滿
陳湛文在《全民造星6》擔任新評審，但其評審風格卻未能獲得觀眾認同。網民批評他「好明顯唔尊重聽障人士」，更有人直言「手語唔識就唔好X講啦」。在B2組表演《Close To Love》時，陳湛文直指演出處於「尷與enjoy」的邊緣，認為「唔係好見到你哋各自產生出嚟嘅默契，每個人都有少少步步為營，令到你哋成個bonding，或者連結嘅心唔夠強大，未係好感染到我哋」。
網民反應兩極 部分狂轟陳湛文
大量網民在社交平台上表達對陳湛文的不滿，有人表示「我平時都幾鍾意睇陳湛文做戲，但今輪睇佢做評判，覺得佢幾乞人憎」。網民批評他「只會捉一啲細節地方、捉住某一兩個人的瑕疵放大來講」，認為他缺乏整體評價和建設性建議。不過亦有網民認為陳湛文的評語中肯，可見爭議程度之大。
Kenny關智斌、泥蜢獲網民激讚
相比之下，Kenny關智斌和泥蜢的評審表現則獲得網民一致好評。網民表示「so far 令我睇/聽得最舒服既，竟然係Kenny Kwan，之後係泥蜢」。在A2組表演《Vibe都來了！2025》時，Kenny大讚「catch到呢個vibe嘅，一上呢個台板開始佢哋就已經進入狀態，我一路睇就好開心囉，我今次真係覺得你有一個男團嘅bonding喺度」。網民讚賞兩人「傾向評論整體表演呈現出來的感覺、氛圍、質素」，認為評審取向令人信服。
鄧小巧阮小儀評審表現中規中矩
鄧小巧和阮小儀的評審風格同樣獲得正面評價，兩人會對參賽者給予讚賞，但該指出缺點時亦會直接表達。鄧小巧在看到A2組表演時更表示「姐姐好想走去搣佢哋嘅面珠墩」，展現親和力。在Sing Battle環節中，鄧小巧對B3組的畢佬表現亦有中肯評價，表示「我唔識點樣期待畢佬唱歌，然後佢唱咗出嚟又冇怪。佢嘅體格，佢嘅外形，令到我唔會太想去抽秤太多，因為平均值嚟講其實佢都好高」。阮小儀則對蘇仔的表現提出建議，認為他「可能亦都係冇咗緊張感，拿捏唔到，你應該show多啲自己嘅特質出嚟」。
