李君妍一晚客串兩劇《再見枕邊人》《婚後事》功夫擘髀展現魅力
李君妍斜肩小背心加短褲大晒長腿
每次客串劇集必定成為焦點的李君妍,昨晚出場方式相當搶焦,斜肩小背心加短褲大晒長腿之餘,更一出場即大展好身上做出「貼牆式一字馬!」此招一出,網民即紛紛留言大叫「功夫妹」,盛讚君妍除了樣子甜美、身形勻稱,身手亦相當了得。其實君妍確實有功夫底子,曾接觸南拳套路大約三年、亦曾跟知名動作女星楊盼盼學過詠春及泰拳,並曾參與無綫綜藝節目《功夫新星》及《明星運動會》等拍攝工作。
李君妍擘髀擘足大半日
談到出場技驚四座,李君妍笑指為了該個鏡頭擘髀擘足大半日,但若觀眾喜歡,她亦感到值得:「好彩平時自己 Feel 到一緊都會鬆一鬆啲筋,亦好感恩監製淨係咁樣一字馬嘅小劇情,都會諗起可以用到我。我拍之前都有 keep 住 warm up,但因為拍攝要多角度,變咗都要長時間做住個動作,嗰日可以話大半日我都係做住嗰個動作,係有啲攰嘅。」除了大顯身手,君妍角色更花癡上身,追著羅天宇瘋狂又攬又錫,相當進擊。
同日客串《婚後事》演清純鄰家女孩
前晚的《婚後事》亦有君妍客串演出,對手同樣是天宇,君妍飾演天宇角色天暉其中一個相親對象阿 June。阿 June 的角色人設與 Kimchi 截然不同,除了造型是清純鄰家女孩,表達愛意的方式亦相對內斂,主要靠家常小菜蒸肉餅傳情,而且對於愛情及婚姻的看法亦相對傳統,是典型「賢妻良母」型乖乖女。對於這個角色,君妍同樣駕馭得宜,獲網民大讚「娶得過」。談到兩個角色同樣受到正評,君妍大表開心,並謂能在同一時間向觀眾展現兩個感覺完全不同的角色很難得:「呢個巧合唔係咁易,好開心可以畀觀眾喺短時間內感受到自己做唔同角色嘅反差,亦好開心唔
外表剛強內裡斯文
再被定型為只係打得嘅演員。」外表剛強的君妍,笑言現實中的自己較像阿 June,思想及要求均較為簡單 ,不過如果說到演戲層面,她自己喜歡 Kimchi 多一點:
「Kimchi 好玩啲,因為我自己本身都唔係咁活潑同活躍,變咗可以喺劇入邊畀到另外一面大家睇,我覺得係好享受同樂在其中嘅。」