刑偵12｜林保怡拒認掟陳自瑤劇本！質疑陳慧珊參演係造假

May 20 2025

林保怡和陳自瑤於日前一同出席新劇《刑偵12》的宣傳活動，由於早前陳山聰憶述做新仔時曾被林保怡掟過劇本，這日林保怡就被問到有無掟過拍檔陳自瑤劇本？他竟回答：「我有攞過佢個劇本㗎！」

《刑偵12》林保怡爆與陳自瑤幕後趣事

當被問及拍攝過程中，是否有掟陳自瑤劇本時，林保怡就只用個「攞」字形容：「我有攞過佢個劇本㗎！」對此，陳自瑤回應說：「佢話我攞住佢嘅劇本做乜鬼，嗰句對白就攞開啦！」林保怡補充說：「佢真係攞住劇本摸索到拍到中間先唔需要劇本，好多時同事嘅習慣去到正式仲攞住。」

不過早前林保怡提及過此事，就直認有掟過陳自瑤劇本，當時他解釋：「大佬佢由香港到佛山，喺酒店又睇劇本，現場又睇劇本，拍之前仲睇，大佬一頁紙咋喎！我咪掟佢劇本，但係佢趁我行開自己又執返。」但他強調是在與陳自瑤相熟後，才做出這樣的舉動。

刑偵12 林保怡只認「攞」過陳自瑤劇本。（圖片來源：TVB） — 林保怡只認「攞」過陳自瑤劇本。（圖片來源：TVB）

刑偵12 劇中陳自瑤同林保怡有感情線但無親熱戲，合作過後，林保怡和陳自瑤變得相熟。（圖片來源：魔方全媒） — 劇中陳自瑤同林保怡有感情線但無親熱戲，合作過後，林保怡和陳自瑤變得相熟。（圖片來源：魔方全媒）

刑偵12 陳自瑤最近曬出了一輯新豐胸廣告相，睇到網民流鼻血。（圖片來源：IG@chenchiyiu） — 陳自瑤最近曬出了一輯新豐胸廣告相，睇到網民流鼻血。（圖片來源：IG@chenchiyiu）

質疑陳慧珊參演係造假：要問鍾澍佳

在活動中，林保怡又分享了他與導演鍾澍佳初次會面的經歷，他說：「我第一次同鍾澍佳喺個晚宴見到面，跟住佢噏咗個故仔俾我聽，我足足等咗三年。」他透露，這部劇本的魅力在於角色的新穎，不會重複他以前飾演過的角色。

此外，早前在預告片中，觀眾可以聽到一句疑似陳慧珊的聲音說：「好耐無見嘞，風！」不過林保怡就質疑陳慧珊是否真的參與了演出，他說：「你知唔知有一樣嘢叫做AI？你話有陳慧珊，我真係要問鍾澍佳，咁我就唔知啦！係咪究竟借咗佢把聲整咗落去預告片。我真係要問鍾澍佳究竟係咪真係陳慧珊把聲？定係AI整？」陳自瑤則選擇保持神祕，未透露陳慧珊是否真的有參演。

刑偵12 林保怡和陳慧珊28年前曾合作拍過劇集《鑑證實錄》，成為觀眾心目中的經典螢幕情侶。（圖片來源：TVB） — 林保怡和陳慧珊28年前曾合作拍過劇集《鑑證實錄》，成為觀眾心目中的經典螢幕情侶。（圖片來源：TVB）

刑偵12 「好耐無見嘞，風」呢條片，傳說中係由陳慧珊聲演。（圖片來源：TVB） — 「好耐無見嘞，風」呢條片，傳說中係由陳慧珊聲演。（圖片來源：TVB）

刑偵12 TVB新劇《刑偵12》是林保怡相隔13年重返TVB之作，劇中陳自瑤同林保怡有感情線但無親熱戲。（圖片來源：TVB） — TVB新劇《刑偵12》是林保怡相隔13年重返TVB之作，劇中陳自瑤同林保怡有感情線但無親熱戲。（圖片來源：TVB）

陳山聰自爆拍劇曾被視帝掟劇本

早前陳山聰與譚俊彥接受訪問時，自爆當年拍劇曾遭同劇視帝級演員掟走劇本，令佢驚到震之餘至今仍印象深刻！

陳山聰憶述當年拍攝劇集《隨時候命》，同劇有鄭伊健、林保怡和佘詩曼等演員，他續指當年還是一個小角色：「我最記得我喺飛行服務隊入面，我坐喺林保怡嘅副駕，好多對白又英文，佢行過見到問我：『你做咩呀？』我話我喺度背緊對白，跟住佢一手攞走個劇揼走佢，佢話：『睇咩睇，唔使睇，得㗎啦！上到去就ok㗎啦！」陳山聰直言當時唔明白點解對方要咁做，只係心諗「你ok，我唔ok喎」，更擔心到全身都震！

刑偵12 陳山聰早前接受訪問時就大爆曾被林保怡掟走劇本。（圖片來源：TVB） — 陳山聰早前接受訪問時就大爆曾被林保怡掟走劇本。（圖片來源：TVB）

刑偵12 陳山聰2005年與林保怡一同參演劇集《隨時候命》。（圖片來源：youtube@TVB(official)） — 陳山聰2005年與林保怡一同參演劇集《隨時候命》。（圖片來源：youtube@TVB(official)）

陳山聰奪視帝終明白對方當年用意

陳山聰現時已係經驗十足嘅演員，2022年大熱封視帝嘅佢，明白到劇本不能死記硬背，亦終於明白當年林保怡為何要這樣做：「當然唔係叫你唔睇劇本、唔做功課，但係唔係死記，我而家同譚俊彥都係排戲嘅時候睇一次，跟住就揼開本劇本，就要記得晒所有嘢，因為對白唔係最重要，學譚俊彥話齋，聽對方講乜嘢，你嘅回應先係最緊要。」