50歲笑星劉曉彤成3孩之母 相夫教子轉當媽媽界KOL
撰文、圖片：東方新地
笑匠劉曉彤變樸素慈母 轉當媽媽界嘅KOL
呢日喺街頭見到劉曉彤，應該係接就讀名校嘅細女放學，兩母女一齊去便利店買嘢，再一齊等司機接返歸。息影十幾年嘅劉曉彤無論身形、樣貌都冇乜大變化，仲keep得好好，難怪近年轉當媽媽界嘅KOL！買完嘢行去街口等司機，一睇就知兩母女感情好，年約十歲細女雞啄唔斷敍述學校發生大小事，劉曉彤就側頭豎耳認真聆聽又不時評論兩句畀吓意見。
劉曉彤直腸直肚 曾與宣萱姊妹反目 事隔多年終破冰
劉曉彤向來給人直腸直肚的感覺，花邊新聞不多，但當年就曾同宣萱鬧是非。話說二人因為性格合拍所以關係不錯，直到宣萱99年接受周刊訪問時，就指劉曉彤是非當人情，出賣不少朋友，更三番四次想害自己。劉曉彤被記者追問時就一問三不知，表示自己不是是非精，最後親自結束呢段友誼。當年做藝人時年少氣盛直腸直肚得罪過人又惹過是非，今時今日做咗媽媽，係穩重耐心得多！
張可頤、宣萱交惡先係經典 22年世紀和解
曾是TVB紅極一時的花旦，當年更因為拍攝《難兄難弟》而交惡，22年後兩人先後離開大台，去年更高調大和解，大病過後的50歲的張可頤更表示「現在已學會不要執著、好好享受人生」。
張可頤宣萱同期入行常被比較 拍《難兄難弟》成敵人
當年張可頤（50歲）同宣萱（49歲）唔單止年紀相約，入行時間亦相不多，加上二人都有點「鬼妹仔」性格，因此經常被比較。而令到二人從此面左左的，要追溯至當年宣傳《難兄難弟》時，有傳媒問宣萱劇集未能如期煞科的原因，當時直腸直肚的宣萱指因為張可頤經常遲到，所以拖慢進度。同樣直率的張可頤即時反擊，反指因為宣萱拍攝時經常大笑NG，所以才未能如期完成，從此二人水火不容，就連同年王晶開拍的電影版《精裝難兄難弟》 亦將宣萱飛起，換上舒淇勉強飾演「芳芳」一角！
交惡22年世紀和解大病過後放下執著
不過張可頤在事業高峰期，她卻因拍內地劇《長恨歌》患上甲狀腺功能亢奮，面容和頸脖浮腫要停工兩年休養，擔心生活又擔心健康，對前景失去信心的她，曾患上輕度抑鬱，幸好有信仰支持令她走出陰霾，積極醫病重拾健康，這場大病反令她開竅，不再為事業衝鋒陷陣，同時放下恩怨和執著，促成和宣萱的大和解。
大病過後選擇性工作最新挑戰出演舞台劇
近年TVB同ViuTV都分別邀她復出拍劇，但始終未遇到合適角色加上時間唔配合，張可頤未有再在香港電視熒幕出現，反而轉到舞台劇發展，只間中拍內地劇集，因拍內地劇作息定時，客串她亦不介意。據知情者透露：「佢其實仲有戲癮，不過，自從大病過之 後，佢好珍惜健康，唔會再畀自己顛倒日夜去拍劇，怕再捱出病，只係間中會客串吓內地劇，放慢晒工作步伐享受生活，不過近年佢就愛上咗舞台劇，之前參演《但願人長久》，覺得好有挑戰性。」
