大劉記招｜劉鑾雄為保家庭突開記招 鬧爆某小姐透露將改遺囑

劉鑾雄記者招待會｜劉鑾雄暗示呂麗君「賤人」

大劉一出場，就解釋突然開記招的原因：「因為我再唔出聲呢，有啲人會愈做愈離譜！」他一開波就講自己好後悔「成年前去幫一個賤人」，雖然沒有指名道姓，但字裡行間都暗示出他講的就是前女友呂麗君：「首先我想講好後悔，好後悔無幾耐之前幫個賤人，（去年年尾）應該由得佢破產，當日幫佢係唔想啲仔女有個阿媽破產，影響佢心情，但我睇番轉頭，真係由得佢破產好過。」他又表示「賤人」不用破產，於是有錢後便僱用「網絡打手」造謠……

劉鑾雄記者招待會｜澄清甘比冇蝕錢

相反，對於太太甘比（陳凱韻）大劉則是每一句都愛護着對方，先是前後清她沒有令他蝕錢，更將投資失利一時全部攬上身：「我澄清陳凱韻從來冇同我損失過任何錢，唔好話200億，佢同我賺超過200億嘅藝術品投資就有！如果有損失，私人來講，都係我自己的事。完全唔關佢事，佢冇同我損失過錢。」他續指，甘比曾勸他不要開記者會，因擔心會影響一對子女，不過他認為被人造謠「等於有人要殺佢屋企人」，因此他堅決表示要出來反擊，更稱「就算殘廢都要保護屋企人」。

劉鑾雄記者招待會｜笑稱「就被人激死」

大劉又表示，有朋友指有傳聞他身體差，快將死去，大劉就笑言，「可能就嚟畀人激死就有」；又拍如果自己不現身澄清，可能「傳佢死咗」。他續稱，「賤人」有一隊「特攻隊」，更由「忽然一周」前總編輯帶領，負責在網上做「打手」製造謠言。

劉鑾雄記者招待會｜提及遺囑風波 透露「而家要再改」

記者追問大劉「最近一個月有無改遺囑?」他再爆料：「我早排一早分咗，我而家要再改，都要老婆執行我嘅意思，你聽唔聽得明啊？我而家自己乜嘢都冇！但係我相信我呢個老婆陳凱韻，叫我做乜我都會做。」

劉鑾雄記者招待會｜反駁內地假新聞 現場回應恆大投資失利

其後現場有記者問到有關許家印事件，問大劉有冇嬲過許生？

大劉則說：「我從來冇嬲佢，我係嬲我自己，因為我老婆同佢家姐講過不下200次，叫我賣啦賣啦，我話我賣先佢一定X街，快得過佢應該要X街，我要賣都要報㗎嘛，無論股票定債券，係我自己唔聽老婆同佢家姐話啫。」

記者再問：「嚟緊會否減持恆大？」他則說：「第一，唔答呢啲問題，第二，你而家問啲咁嘅問題，我都要Wait and see㗎大佬！你而家國家話要救佢，全部包起佢分帳，咁又唔同喎，但呢啲而家我哋唔知㗎嘛，我唔想講，因為日日變㗎嘛，你又唔係財經記者，係咪先？好似今日同朋友商量研究下，好笑呀朋友答得好好，有個新聞話李強要親自平均保險去救碧桂園，大陸朋友作個比喻，三萬噸嘅船就嚟沉，你一萬噸嘅船想拖佢走，一萬噸嘅船有乜資格去救你三萬噸嘅船呀？！你明唔明我意思先？當然係咪我哋唔知啦，但係定唔係遲早會見真章。」

劉鑾雄記者招待會｜情斷8年後首度同行

去年聖誕節前，網上流出一條富豪劉鑾雄（大劉）在皇室堡發火鬧途人的影片，同時被揭與情斷8年的呂麗君（現名呂姵霖）同行。

正當外界以為大劉和呂麗君關係破冰，點知大劉發聲明，強調與呂麗君再見不是朋友，為免惹來復合的誤會，及有人乘機招搖撞騙，他才逼不得已出此聲明，聲明內容如下：

劉鑾雄記者招待會｜澄清聲明

對於近日有媒體明示或暗示，意指我與呂麗君(現改名為呂姵霖）復合一事，並非屬實，為免引起大家的誤會，本人 劉鑾雄認為必須要作出以下澄清，以正視聽：

1. 最近因呂小姐有困難，有事相求，本人為免小朋友受到影響的關係，遂與呂小姐達成商業協議。當日呂小姐只是在本人位於皇室堡的寫字樓簽署相關商業交易文件，然後在沒有相約之下一同乘搭電梯離去，並不是呂小姐與本人相約逛商場，在此之前，本人與呂小姐已多年沒有見面。

2. 上述有關交易純屬商業性質，並不構成本人對呂小姐任何財政照顧或支持。

3. 對於近日媒體出現網路打手，故意散佈謠言，不僅誤導公眾，亦對本人及本人家人造成滋擾，本人覺得有必要作出澄清。

4. 本人於2016年與陳凱韻結婚，亦早已將絕大部份名下財產作出處理，以防日後他人作出任何無理訴訟，所作一切無非為保障陳凱韻及家人，避免日後有人為一己私利，興風作浪。

5. 本人重申，本人與呂小姐除了作為小朋友的父母親外，並無任何關係，亦絕對不想有任何關係，請大家不要誤信網路打手不實傳聞，作出無謂的聯想或揣測。

6. 本人自2014年與呂小姐分手後，不相往來，是次作出此聲明，實屬逼不得已，為免他人乘機招搖撞騙。

劉鑾雄記者招待會｜大劉2016年娶甘比 登報與呂麗君撇清關係

劉鑾雄2016年11月在各大報章頭條發聲明，正式澄清與呂麗君在2014年已分手，強調兩人已斷絕關係，與此同時大劉與另一紅顏知己甘比則在同年11月18日入紙，正式註冊結婚！

劉鑾雄記者招待會｜大劉發聲明會負責子女生活開支

大劉在2016年的聲明中，澄清與呂麗君在2014年時已分手，二人已斷絕關係，僅僅是一對子女的父母而已。而大劉作為父親，會繼續負責子女的生活、教育及其他開支，包括現時居住的大宅、車輛及私人飛機等。其次大劉稱與呂麗君分手前，一直照顧對方的起居飲食，並有大量現金、首飾的餽贈，總值超過港幣$20億！

另外大劉又指責呂麗君「貪得無厭」，指就算給予呂麗君100億，對方一樣會為一蚊而出賣自己。另外大劉亦擔心自己離世後，呂麗君會因爭產而與甘比及子女們對簿公堂，故已預留逾100億港元現金給甘比及長子劉鳴煒打官司，揚言絕不退讓。

劉鑾雄記者招待會｜甘比2016年榮升劉太

而大劉在發出聲明後，原來與甘比已在2016年11月18日入紙，正式註冊結婚！甘比透過短訊回覆傳媒：「多謝！這是一件人生中最開心事！」至於大劉接受訪問時，則稱幾年前已經計劃與甘比結婚，這個決定與近日發的聲明無關。另外大劉亦大讚甘比不貪錢、為人單純，不是壞女人，一直都好照顧自己及一眾子女。

劉鑾雄記者招待會｜呂麗君回復單身 成為「超級富婆」

呂麗君在與大劉分手之前，曾為對方育有一對子女，雖然兩人高調分手，但大劉表示自己依然會履行父親的責任，照顧呂麗君所生一對子女的額所有教育和生活開支。除此之外，大劉表示自己過往已經餽贈大量禮物包括現金、首飾、豪宅給予呂麗君，總值超過港幣20億，直指女方「已是超級富婆，無需要我任何經濟支持，也可過着富裕的生活。」

回復單身的呂麗君也一直住在山頂白加道獨立屋，近年改名為呂姵霖，以此名字成立基金，推廣教育及藝術發展。閒時又會去跑步、攀石、做瑜伽等等，過著「超級富婆」的單身生活。