劉青雲被ViuTV女主持温穎琦採訪 場面超尷尬deadair足10秒！
温穎琦自認與劉青雲合作夜總會戲份
温穎琦現時為ViuTV娛樂新聞《3分鐘熱度》主持，日前她在電影《掃毒3：人在天涯》首映禮中採訪郭富城、劉青雲及古天樂時，向劉青雲提問道，拍攝夜總會戲份時要接近女色會否很不習慣，青雲表示「會珍惜」，表情似乎尷尬望跳過這話題，但溫穎琦鍥而不捨繼續問，兼當眾承認：「嗰個女演員我嚟㗎喎！」，令劉青雲、古天樂和郭富城聽完都deadair足10秒！
古天樂郭富城幫忙打圓場
古天樂隨後打圓場表示：「你嚟㗎？」劉青雲當下才認出對方：「吓！哦，你染咗髮？對腳你嚟㗎？」古天樂即表示：「畀個電話你囉！」城城又加把口，叫兩人「攬多次嚟睇下」，有趣的反應為採訪現場帶來不少笑聲，完美化解尷尬場面！
製作特輯就未見蹤影
劉青雲在《掃毒3》戲中有幕去夜總會尋歡，Ollie自稱有份飾演一角，但在製作特輯就未其蹤影，可能要入場先睇到！
形容自己「不知廉恥」向劉青雲搭話
之前温穎琦之前已經曾經在其他活動中見過劉青雲，當時已積極向對方說自己曾經與他合作，她在IG公開與劉青雲的對話，並用「不知廉恥」來形容自己：「青雲哥，其實 &;@$-?¥£嗰個都係我嚟㗎…」對方一臉茫然地問她是不是某電影，她即稱自己曾經在電影中坐在劉青雲旁邊，結果劉青雲同樣認不出是她：「…吓嗰個妳～嚟㗎？唔～同晒嘅妳？」
口罩小姐出身加入ViuTV
現年36歲的温穎琦於2年前參加ViuTV真人騷《最後一屆口罩小姐選舉》，曾經擔任空姐的她當年以「服務員」的稱號，雖然最後20強止步，但依然獲ViuTV賞識獲邀參與多個節目，包括《ERROR自肥企画》、《賭命夫妻》及《戀講嘢》，更曾經擔任ERROR《我們不Chok》MV女主角。
温穎琦鬧爆遭男狂迷搭膊頭合照 與林婷婷遭同一毒手
其實除了訪問三大金像影帝引發小風波，温穎琦的IG還有一件事情引起網民關注，她在社交平台發長文嚴厲指控男粉絲搭膊頭合照，並指控對方屢勸不聽。有關狂迷亦曾對 有線《一線搜查》主播丘靜雯、TVB新聞女播林婷婷作出疑似抽水搭膊頭合照，温穎琦現公開指控的這一位男狂迷亦疑似是同一人！
温穎琦IG長文鬧爆遭男狂迷搭膊頭合照
溫穎琦在IG透露事件發生於上月《全民造星V》開場及中場時間，她寫道：「呢位第一次見嘅男子，當我答應合照企好影相前一刻，佢突然搭隻手喺我右邊膊頭，再突然轉為搭左邊將我攬埋佢度，我要一直鬥力拉開距離，嗰幾張相其實只係五秒內嘅事。之後我急步離開，佢一直尾隨咗我一段路」溫穎琦指對方在合照後仍一直尾隨。
温穎琦被對方迫埋牆影相
至中場時間溫穎琦離場買食物，該男狂迷亦跟隨其他人進入升降機，步出升降機後她與另一粉絲合照，該男子再次上前要求合照：「我未答應，佢已經又再搭落我膊頭，我縮開同時好大聲話： 「請你唔好再搭住我膊頭唔該！」聲量係坐喺starbucks嘅其他人都望咗過嚟，雖然alert到其他人感覺安全咗，但嗰刻我已經唔想再影，打算向前行。我一行，佢就用身體撞咗我埋牆影相我再喝佢：「唔好推我埋牆呀！」然後佢轉身跑走咗。」温穎琦更透露事後在TG粉絲群收到合照，有意追查對方身分，想再次向對方作出嚴厲警告，不過後來在IG被對方tag上了，發覺警告對方根本沒有用。
温穎琦呼籲女生要保護自己
溫穎琦續指該男狂迷還在IG肆無忌憚發相並tag她：「我就知道，有時點講點鬧都係冇意思的，我哋只能夠避開。」溫穎琦呼籲女生遇到同樣的情況必須要保護自己：「不論程度輕重，只要感覺唔安全、唔舒服都唔需要忍，大聲講出嚟，首先要畀附近嘅人知道有呢件事發生緊先，起碼對方唔會得寸進尺」。溫穎琦最後更自爆曾經報警處理過同類型的情況：「姐姐可是捉過幾個人上差館的喔」。温穎琦獲大批網民留言建議報警處理，亦有網民稱經常遇見呢位男狂迷，溫穎琦就表示第一次遇見呢位男狂迷。都有網民留言認為温穎琦此舉是搏出位，不過温穎琦就隨即大方回應，她表示此post目的是想提醒所有女生要提防。
