口水多過浪花 鄭裕玲

季前賽|嘟姐直指姜濤大臉唔連戲!自爆足足肥咗10kg導演隻眼開隻眼閉

娛樂

廣告

姜濤日前接受嘟姐鄭裕玲於節目《口水多過浪花》專訪,與導演袁劍偉同場分享劇集和演出感受,與無綫再無合約的嘟姐直言,自己都有睇ViuTV劇集,一開始就發出「尖銳」提問,直指姜濤發福唔連戲 ⋯⋯

鄭裕玲:點解姜濤個臉咁圓?姜濤尷尬回應

鄭裕玲提及自己有追蹤姜濤IG,發現不止最新的漢堡包廣告面圓圓,就連《季前賽》劇集初段亦疑似發福了,但後來的鏡頭又變瘦:「初頭好似幾圓潤下,點解姜濤個臉咁圓,圓碌碌咁?有啲好似唔連戲。」姜濤聽後笑言:「冇咩好解釋,我衰食太多嘢,因為嗰時冇諗太多,要打波(劇中),要食多啲嘢補充體力先,拍拍下唔係好對路,由第一日開始唔係好敢睇play back,跟住唔得啦唔得啦,但到中間fit返問題又出嚟,可能明明同一間房出入,呢間房入去係肥,嗰頭出嚟又瘦返。」

口水多過浪花 鄭裕玲 Do姐直指姜濤塊面好似個包咁圓。
Do姐直指姜濤塊面好似個包咁圓。(圖片來源:廣告截圖)

鄭裕玲問:「磅數爭幾多?」姜濤坦白回應:「10kg,但都好快,因為我知死啦死啦,跟住瘦番,但中間疫情停咗(開工)兩三個禮拜…(又放縱啦?)嗰排冇得打波,封咗…」

口水多過浪花 鄭裕玲 季前賽 鄭裕玲笑言姜濤在劇中有肥有瘦
鄭裕玲笑言姜濤在劇中有肥有瘦。(圖片來源:facebook@口水多過浪花)

談減肥和吃東西 姜濤:對我嚟講係一生嘅課題

其實姜濤出道至今已出名「為食」,對此Do姐問喜歡吃,但又要減肥,減肥後又再吃,不斷循環著。姜濤聽後笑答:「對我嚟講係一生嘅課題。」導演則表示並沒有限定演員要保持身形,因為劇比起演員的身材更吸引他,姜濤即表示:「所以我好鍾意佢。」

口水多過浪花 鄭裕玲 嘟姐表示姜濤在頭幾集的身型唔連戲,出入門框可以瘦了一個碼!
嘟姐表示姜濤在頭幾集的身型唔連戲,出入門框可以瘦了一個碼!(圖片來源:ViuTV)

「輕斷食」急補救

姜濤續說自己的宗旨是「民以食為天」,但拍攝劇集期間依然要保持正常身材,因此在拍攝期間他進行輕斷食,一天只吃一餐,「希望重要嘅場合可以瘦,以後演戲提早做準備,唔可以唔諗太多嘢,要連戲。」姜濤年輕新陳代謝較快,再加上他有運動習慣,所以減肥並不難。

口水多過浪花 鄭裕玲 季前賽 姜濤為麥當勞拍攝宣傳
姜濤說自己的宗旨是「民以食為天」。( 圖片來源:麥當勞官方照片)
口水多過浪花 鄭裕玲 季前賽 兩人有模有樣
兩人似模有樣,場面搞笑。( 圖片來源:IG@ViuTV截圖)
口水多過浪花 鄭裕玲 季前賽 眼神與原版十分相似
眼神與原版十分相似。( 圖片來源:IG@ViuTV截圖)
口水多過浪花 鄭裕玲 季前賽 兩人肢體動作十分搞笑
兩人肢體動作十分搞笑。( 圖片來源:IG@ViuTV截圖)
口水多過浪花 鄭裕玲 季前賽
(圖片來源:電影《春光乍洩》劇照)

導演用梁朝偉舊作評價姜濤演出

節目中導演亦有就姜濤的演出做出點評,先以1984年發哥同梁朝偉合演的電視劇《北斗雙雄》為例,「好多年後睇返,梁朝偉依然好cute好得意,但係咪影帝級演繹?又唔係,係適齡。你依家23歲,做到嘅嘢係咁樣,係咪唔好?唔係,啱呢個年紀咪得囉。」袁導並給予意見,表示姜濤要打開自己的感官、多點接收對手就會有進步。

口水多過浪花 鄭裕玲 導演評價姜濤的演技,認為他這階段適合演回自己。
導演評價姜濤的演技,認為他這階段適合演回自己。(圖片來源:ViuTV)
口水多過浪花 鄭裕玲
(圖片來源:ViuTV)
口水多過浪花 鄭裕玲 季前賽 袁導指姜濤要打開感官
(袁導指姜濤要打開感官 圖片來源:ig@fen_yuen)

姜濤直認自己打波好獨食

其實較早前姜濤都有表示自己好喜歡該套劇,原因是太喜歡籃球這個運動。對於自己的球技,他謙虛自評只是一般,只是劇中的角色厲害,但袁導就大爆姜濤有右手上籃、接著勾手的絕招。對此姜濤笑言自己平日打街場,對於專業的技術沒太多研究,「同啲阿伯一樣練死一招」。對於自己打籃球的方法比較自我,姜濤直認:「係,比較獨食,由細到大可能生活環境冇乜自信,慣咗喺球場上靠呢樣嘢攞返自信,同阿孝呢個角色前期比較似,唔係好信人。」姜濤覺得同劇演員張繼聰和呂爵安Edan好free flow,相比下自己較少,「老實講呢啲free style冇佢哋咁叻,猶其是阿聰每次同佢對戲,每一take都係唔一樣。」

「我唔要」係口頭禪?

袁導表示姜濤劇中飾演的角色阿孝有句口頭禪「我唔要」,其實是姜濤自己突然之間想到的,姜濤指:「因為生活中有好多嘢唔係好想要,譬如花姐成日話我硬頸,我就會話我唔要,音樂上嘅嘢係好硬頸,唔會因為太多人畀意見去改。」但在拍攝上,姜濤會聽取意見,拍攝前也會和老師練習,「唔會將自己稱之為演員,因為演員要磨練好耐先可以稱之為演員,自己係學習嘅一個人,係拍嗰下逼自己有信心。」

口水多過浪花 鄭裕玲 季前賽 姜濤拍攝前會和老師練習
姜濤拍攝前會和老師練習( 圖片來源:ig@keung_show)

導演堅決唔會拍續集

另外,袁導指打籃球和打戲的拍攝同樣辛苦,例如劇中入籃都是真的,對於劇集他亦表示不再有第二季:「呢班人腳,加埋天時地利人和,好難再發生啦。」

口水多過浪花 鄭裕玲 季前賽 袁導表示不會開第二季
(袁導表示不會開第二季 圖片來源:ig@fen_yuen)

姜濤一天只吃一餐?

姜濤續說自己的宗旨是「民以食為天」,但…詳情請看

姜濤為何不再與姜糖私下合照?

姜濤首先說出近年婉拒與姜糖私下合照的苦衷,強調自己不是人紅所以「耍大牌」,而是…點擊即看:姜濤自責打卡險釀人踩人+粉絲被鬧不理智 1345字剖白耍大牌原因自認硬頸

圖片來源:facebook@口水多過浪花、麥當勞官方照片、ig@keung_show、ig@ fen_yuen、ViuTV《季前賽》劇照、ig@ViuTV截圖、電影《春光乍洩》劇照資料或影片來源:原文刊於東方新地