一周星星｜宣萱激到「反眼」狂打古天樂兩人連環互窒場面笑到失控

Dec 26 2025

最新一集《一周星星》請來電影《尋秦記》主角古天樂、宣萱、林峯及朱鑑然，豈料節目秒變古天樂與宣萱的放閃現場！宣萱在節目中被古天樂連環狂窒，激到當場反白眼兼出手狂打對方，場面極度爆笑！古天樂不但口多多嫌棄宣萱，更作勢要「撩」對方，火花四濺。這對「天花板級」螢幕CP的默契究竟有多好，私下互動又有多瘋狂？

古天樂被爆「唔畀人趷得」宣萱即場反駁

在「本尊Fact Check」環節中，主持區永權直接求證古天樂是否如傳聞所指「唔畀人趷得」，豈料古天樂即時大反應指著宣萱說「佢嗰日唔趷過我唔開心」。當區永權追問宣萱是否「得你一個可以對住鏡頭趷佢」時，古天樂更搶答澄清「佢唔對住鏡頭都係趷架喇」，暗示宣萱私底下更加肆無忌憚。面對二人一唱一和，宣萱大力抗議並反擊指區永權都會寸古天樂，古天樂聞言搞笑回應「我好記仇嘅，你死緊喇今次」。

林峯加入戰團圍攻宣萱爆笑場面

戰況愈演愈烈，林峯突然加入戰團，但並非為宣萱護航，反而火上加油說「我喺度諗緊邊一日你係冇趷佢嘅，又好似冇」、「我未見過有其他人趷佢」。被圍攻的宣萱只能強調「開工我冇趷佢嘅」，豈料古天樂依然不放過她，反問「你咁都夠膽講嘅？！」。區永權嘗試打圓場分析「你會唔會趷佢趷到趷咗都唔覺得趷緊佢呢？」，宣萱竟哈哈大笑承認「咁我真係唔知」，古天樂見狀加多兩錢肉緊謂「咪係咯！咁我都唔知吖嘛，我都慣咗喇嘛，你估我想架？！」

宣萱「反白眼」攻擊古天樂被評「搞屎棍」

除了把口不放過古天樂，宣萱連「雙眼」及「雙手」都對古天樂「零客氣」。當宣萱談及與郭羨妮再度聚首「仲啱傾過以前」時，古天樂因一句「即係以前唔啱傾」口多多搭嗲，即時被宣萱「反白眼」攻擊兼負評為「搞屎棍」。之後宣萱提到重遇歐瑞偉時感覺很強烈，並指很快便能投入與對方的感情戲，古天樂又再口多多問「即係你同陶總管有感情線，你意思係」，結果宣萱嬲到狂打古天樂，古天樂只能無奈回應「成日郁手郁腳」。

古天樂閘住宣萱「熊抱」慘食連環拳

最搞笑的一幕發生在宣萱應區永權要求向古天樂表達謝意時，熱情的她即作勢送上「熊抱」，古天樂見狀即閘住說「唔好郁手郁腳呀喂」、「唔好摸呀！」。最後連環慘食檸檬的宣萱竟出拳狂打古天樂，十分搞笑。古天樂在節目中更暗示已經被宣萱趷到「冇晒感覺」，而宣萱亦會在節目中大方分享成功「趷古天樂」的秘訣，相信會成為觀眾熱議話題。