27歲吳千語三亞享受陽光與海灘 著一件頭自拍凸肚照惹大肚疑雲

撰文：東方新地 圖片：吳千語IG圖片、張馨月IG圖片

吳千語提早過闊太生活

27歲的吳千語（Karena）被指與百億身家富三代施伯雄拍拖兩年幾，月前被爆跟男友搬入5,000萬元九肚山大屋等嫁，近年生活愈見富貴，今年在上海過完農曆新年後繼續提早享受「少奶奶」生活，見她早前在社交網分享與好友一起滑雪的照片，她表示這是今年第一次滑雪，寫意生活令不少網民留言表示羨慕，又指很期待看到她拍滑雪vlog。

吳千語酒店房自拍凸肚照

去完滑雪的吳千語，早前又去了三亞度假，她在當地盡情享受陽光與海灘，連日來Post了不少泳照，大派福利。出名纖瘦的千語一向有「紙板人」之稱，不但擁有纖腰長腿，身上更零贅肉Fit到爆，不過日前她在社交平台晒出度假靚相，相中身穿螢光綠色一件頭泳衣的她，在酒店房內對鏡自拍，刻意側側身特顯自己的小肚，她更寫了一句「就是有肚子」。向來纖瘦的吳千語即惹來大肚疑雲，不少網民留言問她是否有了BB。眼見林峯與張馨月咁幸福，吳千語都係想話畀人知佢都好幸福，如果真係有BB就更加母憑子貴啦！

吳千語胸部陰影唔啱比例

吳千語身形纖瘦，是圈中出名擁有紙板身形的女藝人，唔單止手腳相當纖幼，就連身上一點肥膏都冇，不過早前吳千語所貼出的生活照，竟然離奇有罅露有奶漏，真係千奇百趣十個趣，夏威夷裇衫下穿上鮮黃色比堅尼，吳千語輕輕一個側身竟然造出反人體結構的漏奶反應，泳衣底下驚現陰影，更離奇是漏奶位置唔合比例，是在泳衣正中間已露出南半球，令人嘖嘖出奇。其實該兩張「新相」應該是吳千語緬懷之前夏威夷之旅的相，早前在其小紅書也曾以該鮮黃色比堅尼出鏡，但少布嘅泳衣明明能緊緊地又安全地包住千語整個胸部，究竟吳千語做咗咩手腳？搞過啲乜先會有咁嘅效果？

吳千語之P圖失敗

睇番前少少吳千語曾貼出出海泳照，佢就戴定頭盔講明「can’t be bothered to ps」兼「推推下後面啲嘢又會歪咗」 ，自爆玩P圖，吳千語唔使P細塊臉，唔使P瘦雙腿，但就要喺上身花點心思，令自己玲瓏浮凸，究竟P圖年資要幾長先可以做出如此驚人嘅效果呢？