吳若希北上3個月終返港被促「大戰一場」即時落閘、四字狠心回應老公
廣告
現年30歲的吳若希（Jinny）同老公何兆鴻（Alex）自2017年結婚，先後誕下一對子女，日前她同老公撐枱腳慶祝結婚5周年紀念，就被網民催促兩人係時候「大戰一場」再生多個，但吳若希卻即時落閘，並以四字狠心回應，似乎對追多一胎早已有諗法⋯⋯
吳若希結婚周年 埋怨要親自訂枱慶祝
吳若希過往經常絕世港女上身，在社交網公審老公Alex，今次慶祝結婚5周年紀念，吳若希亦有大呻老公在這個大日子不但沒表示，更要她親自去訂枱，不過她對這一餐亦好滿意，大讚：「呢間餐廳真係好正！」
早前吳若希返內地拍攝新劇《香港人在北京》，北上逗留了超過3個月，日前終於煞科返港，還趕及慶祝結婚5周年紀念，有網友留意到何生Gel了頭，十分隆重其事，吳若希就大爆：「係呀！佢等呢張相等咗成晚！餐廳職員一話幫我哋影相佢就企起身～～～積極嘅程度令到我呆咗！」
被麥美恩催「生多個」鬥氣回應
不少圈中好友都留言恭賀吳若希「Happy Anniversary」，麥美恩更搞笑話：「係時候生多隻！何生有心有力！」吳若希就反問她：「生完係咪你領養？」麥美恩回答：「改姓麥嘅，我OK！」
網友亦叫吳若希：「咁耐冇見趁今晚係時候大戰一場，何生有心有力啊！」吳若希就再度落閘拒絕話：「結紮咗先啦！」睇嚟真係「兩個夠晒數」！
關鍵詞
吳若希
