女神配對計劃〡無綫藝人周嘉全自爆曾追求李芷晴 慘被二度拒絕
無綫藝人周嘉全自爆曾追求李芷晴失敗歷程
《女神配對計劃花生搶先看》介紹了16名「海選勇者」，除之前介紹過的「視覺系」及「燒腦系」，還有曾追求李芷晴失敗的無綫藝人周嘉全、「筍盤醫美太子爺」Kenneth、報稱月入40萬的「十優狀元醫生」譚品堯、「國際化戀愛專家」Matthew、「Err不完張家朗」林焌堯，及有韓國血統的「濫交吳卓羲」韓智炫。 以上五位「海選勇者」同樣各具特色，先說來自藝人界的周嘉全，自稱需要鼓起很大勇氣才能公開在節目中追求女神的他，坦言對Step心動，並曾向女方送上素描「以畫傳情」，可惜當時對方仍有另一半，因此未有開口示愛，未能與Step進一步發展：「我估佢有男朋友，所以我冇做啲咩。」Bob聞言即肉緊反問：「問吖嘛，點解唔問啫？有幾難啫！」
周嘉全於《愛回家》飾演全職侍應 開工不足揸Uber維生
周嘉全喺中學加入咗聖公會陳融中學嘅話劇校隊，廿歲入讀方法演技訓練班跟鍾景輝同余俊峰學方法演技，並從此參與電影特約嘅工作。2017年入讀無綫電視第29期訓練班，入行後多數做閒角，於《愛回家》飾演全職侍應，早前接受傳媒訪問時，曾被問到會否在開工不足時經營副業，周嘉全透露自己工餘時間就會去做Uber司機幫補生計。喜歡畫畫的他，曾在訪問中透露謝陳展鵬、袁偉豪在他低潮時扶他一把，除了李芷晴，他也曾畫畫送給袁偉豪。
周嘉全穩賺一晚知名度 李芷晴被批「戲都懶得做」
節目播出後，周嘉全在IG表示自己皫IG被轟炸，不少觀眾為他的遭遇感到可惜，有人PM 周嘉全對他表示支持，有觀眾PM他留言表示：「雖然最尾俾人拒絕咗，但係我覺得你真係好勇敢，同埋因為今日睇完你，我覺得我都要學吓你！因為好似你咁樣你鍾意一個人，就要勇敢咁同佢講因為如果你唔同佢講你連可能嗰個機會都會冇咗。 我向你學咗好多嘢。見到你失望嗰一下我都覺得好失望因為我見到你係真係真心咁同佢講！但係至少你同佢講咗佢知道唔會有個後悔先~真係覺得你好叻！」亦有觀眾認為李芷晴未有給予機會對方，令到同事出鏡機會都無，實在太無情。
「怕醜仔張家朗」Err不完勁Cute
樣子酷似張家朗的金融科技公司分析員林焌堯，透露身家約有「百零二百萬」，並謂覺得自己最吸引人的地方，是較為細心及會尊重女朋友。雖然客觀條件相當不俗，但林焌堯整個面試過程中卻表現驚青，整個面試Err足十幾廿次，即使簡單的自我介紹，也要er足至少三次，阿Bob見狀即肉緊鼓勵：「畀啲信心自己！你唔差架！」 自稱「風流而不下流」、被朋友熱捧為「吳卓羲2.0」的韓智炫，因穿皮褸熱至滿頭大汗引人注目之餘，其自稱曾拍過400多次拖的驚人言論、亦堪稱「海選之最」！除400次這個數字令人難以置信，韓智炫還自稱「最長一段戀愛長達八年」，及已有三年時間完全沒有拍拖；屈指一算、韓智炫在僅餘的「單身時間」生涯，要拍拖拍到400次這個數目絕對能人所不能，假若屬實必可問鼎「天花板時間管理大師」！韓智炫的解釋是這樣的：「當然唔係一對一（拍拖對象），會忙啲咯，上半場、下半場，仲有加時。」此言一出，阿Bob即嬲到掟筆訓斥：「衰到咁，唔係嘛？！」
「醫美太子爺」令美儀姐心心眼
至於《花生搶先看》中的筍盤推介，則有「醫美太子爺」Kenneth及i-banker界男模Matthew。貴為醫美集團太子爺的Kenneth，全程表現親切、謙厚又坦率，隨即令現場一眾星級花生團為之驚艷，美儀姐更流晒口水問：「咁你依家準備結婚未呢？」又忍不住一再讚嘆：「佢由入嚟到依家所有都係優點，你有咩缺點㗎？我好鍾意呀，佢好cute呀！」由於美儀姐表現得實在太欣喜，陸浩明笑言可另外開拍《美儀配對計劃》，美儀姐聞言亦搞笑打蛇隨棍上問：「佢接唔接受姊弟戀？佢係咁多個裏面最踏實嘅一個，個package好好！」獲美儀姐如此高度評價，看來Kenneth入圍機會相當高。至於Matthew的筍位除年薪高達七位數外、拳腳功夫、身手及身形亦相當有睇頭，外形條件優越。Matthew還有一個特別之處，是之前拍女友相當國際化，有來自波蘭、俄羅斯及烏克蘭等，身體力行印證了愛情無分國界。
最新花生團成員曝光：森美＋戴祖儀
其實16位「海選花生勇者」只是引子，據知本周日（8日）首播的《女神配對計劃》，才會陸續正式曝光30名終極入圍者，另外星級花生友森美及戴祖儀等亦會陸續曝光。昨晚節目尾聲，二人與江美儀直擊女神招親現場，觀乎三人七情上面、眼都凸埋狀態，相信《女神配對》正式播出後將有更多意想不到的精彩片段，萬勿錯過。
