41歲唐寧失婚落淚剖白「唔認識自己」 攜子女離港 「不老傳說」幻滅
唐寧淡出幕前轉型YouTuber
唐寧自從 10 個月前以「我要入豪門」作主題拍了一條有關家居翻新的影片，逐步將其塵封了的YouTube頻道復活，直到一個月前她透過影片宣布，已經帶同一對現年 11 歲及 7 歲的子女移居紐西蘭開展新生活。唐寧近日的影片都在分享他們移居當地的生活，最高 View 數的影片破 13 萬的點擊，對親自下場拍片和剪片的唐寧非常鼓舞。
41歲首次玩飛索：好多嘢未試過
日前唐寧上載最新影片，以《入行30年最赤裸的深情剖白》為題，她在IG寫道：「人一世物一世，咩都要試吓！今集『踩入南半場』帶你上山玩極限嘢！究竟點解人要挑戰極限？可能就係要學習攞出勇氣！你有勇氣做自己嗎？呢次挑戰，真係令我有所體會⋯⋯」在片中唐寧首次挑戰Zipline（空中飛索），她指自己40歲人好多嘢都未試過，又搞笑地謂：「啲報導會話40歲唐寧咩咩咩，唔會用我個名開始，一定要用40歲開頭。」
唐寧對鏡頭抹淚
過後唐寧再作另一挑戰，是比Zipline更加刺激的Skyswing（極限韆鞦），落地後唐寧對著鏡頭抹眼淚，成功克服恐懼挑戰自我的她解釋：「我唔係驚到喊，係感動到喊。終於做咗一樣自己想做好耐嘅嘢，有少少想回帶再嚟一次。」
自認細膽怕事
原名江麗娜的她，5歲就以唐寧之名入行演戲，但「唐寧」就如戴上面具的自己，一直在掩護「江麗娜」：「唐寧呢個身份已經跟咗我好耐，有時都會諗『唐寧』同『江麗娜』有無分別呢？唐寧成日都好似好開心，好似知好多嘢，但係江麗娜呢？我覺得好似連自己都唔係好認識江麗娜係點。我認識嘅江麗娜其實係好怕事，好多嘢都唔敢去做、驚自己做得唔好或者做唔到。」
移居為了尋回自己
唐寧續指缺少勇氣的「江麗娜」，有時甚至會用「唐寧」去包裝自己，而今次移居紐西蘭重新開始，可算是「江麗娜」所下的決定：「除咗希望可以為我同身邊嘅人去安排一個更好嘅將來，我仲想去搵下江麗娜係點、可以做啲咩。」
從影36年 演出作品無數
現年41歲的唐寧5歲開始展開其童星生涯，起初只參演廣告及劇集，後來在1991年被導演吳宇森相中，於電影《縱橫四海》中飾演鍾楚紅的童年版，唐寧更憑此角一炮而紅，翌年再被安排參演TVB重頭劇《大時代》。於千禧年代唐寧正式簽約成為TVB旗下藝人，曾連續5年入圍「飛躍進步女藝員」，代表作要數《戀愛自由式》、《大唐雙龍傳》及《天涯俠醫》等，2012年曾轉簽王維基旗下，憑《警界線》獲頒網民票選的「最佳女配角」。
「不老傳說」幻滅
唐寧入行36年，在各個影視作品中都見證著她人生的不同階段，曾被封為「童顏天花板」、「最美童星」，但經歷失婚後，唐寧的凍齡外表突然跌watt，在她的YouTube影片中放棄打扮，經常素顏示人。在最新這條片段，亦明顯見到歲月的痕跡，包括膚色泛黃、咀唇慘白無血色，眼角和眼底的皺紋暴現，多年來的「不老傳說」似乎已經幻滅。
舞台劇擦出愛火 2010低調宣布結婚
2007年時，唐寧與年長13年的舞台劇才子鄧偉傑因合作舞台劇《爆谷殺人狂》而擦出愛火花，拍拖三年後，2010年時低調宣布結婚。唐寧婚後約半年誕下大仔俊俊，2015年再誕下細女嗡嗡，一家四火幸福美滿… 但原來只係表面上。
唐寧離婚 雙方承諾共同撫養子女
唐寧於2010年低調與舞台劇才子鄧偉傑結婚，育有一對子女。婚後專心相夫教子，主力照顧子女，甚少出現在螢光幕前，直至15年才開始復出拍劇。唐寧更因近日播出的《蘭花刼》，而再次成為網民熱話。本以為家庭事業兩得意，不過去到2017年6月，其經理人突然在社交網站上宣佈唐寧與鄧偉傑決定離婚，並指一對子女將由唐寧照顧。其經理人表示二人在去年已分居，並決定今年辦理離婚，子女會跟隨唐寧生活，但雙方亦承諾共同撫養。
童顏母親 分享育兒心得
唐寧2010年與年長13歲的舞台劇演員鄧偉傑結婚，翌年3月誕下兒子俊俊，並於2015年誕下女兒嗡嗡。唐寧雖已身為人母，仍一臉童顏，但是當她頭頭是道、條理分明地分享育兒心得時，便發現她原來已經不是小孩子了。初為人母的她，在HKTV跟林嘉華合作電視劇時，當然有請教他教仔心得，她說：「佢（林嘉華）講好多道理，例如父母要同小朋友做朋友，同時要佢明白父母係 家長，要有基本尊重。嘉華哥仲教我，一定要話俾小朋友聽，無論發生咩事，屋企人都喺佢身邊。惡係冇用，惡只會令小朋友咩事都唔同你講，或者講大話。即使發生大件事，你好想鬧佢，都要控制自己情緒，聽佢解釋咗先，然後話OK，我哋一齊處理啦，咁小朋友先會放心同屋企人講嘢。」
公園、遊樂場代替Playgroup
兒子俊俊以前一直沒上playgroup，由父母親自教育，唐寧最常帶他到公園及室內遊樂場，接觸其他小朋友學習人際關係，「我最鍾意帶佢去將軍澳坑口嘅兒童遊戲室，喺市政大樓入面，好大間、有樓梯走上走落。可能近西貢，有好多唔同類型嘅人，包括外國家庭，仲有大大小小嘅小朋友，俊俊會同佢哋傾偈、一齊玩，返playgroup接觸嘅小朋友仲冇咁多元化㖭。」
名校唔重要最緊要開心
當年為兒子選幼稚園時，唐寧指：「名校唔重要，我自己都唔係名校出身，讀名校壓力一定大。我同家人諗法好接近，希望搵間活動教學同環境優美嘅學校，有一間我好鍾意，有沙池、大草地，著重小朋友探索。我自己住新界區，好鍾意大自然，小朋友除咗喺課室接受教育，都要接觸世界。」如今囝囝俊俊已經小學，對於選校，她依舊堅持自己的原則，不會盲目跟隨主流思想，最緊要係囝囝讀得開心。
