巴打圍爐｜唐詩詠自爆拍劇遇最差男對手! 入行前曾慘遭鹹豬手

巴打圍爐｜唐詩詠拍戲遇男對手冷暴力揈開隻手

TVB視后唐詩詠（Natalie）近日佢作客火火、KB及梁釗峰主持嘅YouTube節目《巴打圍爐》，大爆演藝圈內幕同情路辛酸。唐詩詠透露，曾經喺拍TVB劇時遇上態度超差嘅男對手，兩人要演情侶，卻遭對方嫌棄對待。佢話：「導演一嗌cut，佢就揈開我隻手，我當時心諗，咦，發生咩事呀？」原來喺拍攝前，該男演員同佢討論過如何投入角色，要拍得sweet啲，但唐詩詠回應話「唔使去到生死咁極端」，唔知係咪呢句話激嬲咗對方，之後拍攝過程，男方就一路表現得「嬲爆爆」。

一句話激嬲對方態度差到極點 到底係邊個男演員？

唐詩詠為咗專業，決定之後除咗拍戲時間，絕對唔再同對方有眼神接觸或閒聊，冷處理呢段尷尬經歷。不過呢件事反而激發咗佢嘅鬥心，令佢更專注提升自己表現。雖然主持們好奇爆棚，想知呢位男星係邊個，但唐詩詠冇畀太多線索，留低懸念。有網民盤點跟她合作過演情侶的男演員，包括馬國明、王浩信、陳展鵬以及袁偉豪等，曾合作《棟仁的時光》以及 《不懂撒嬌的女人》嘅袁偉豪及王浩信頗大嫌疑。

唐詩詠情路多舛 曾被封「渣男收割機」

唐詩詠情路一向坎坷，過去認愛過崔建邦、余文樂、洪永城等男星，但全部都無疾而終。由於佢多次被指遭背叛仍原諒男友，一度獲封「最佳女友」，但同時被網民嘲笑係「渣男收割機」。近年佢低調得多，感情事絕口不提，直至上節目先大方分享過往情傷。

唐詩詠憶被男友背叛 坐公園喊足成晚

節目中，唐詩詠分享曾懷疑男友同另一女性有曖昧，但佢係「眼見為實」型人，起初唔完全相信。後來發現男方確實同前女友復合，證實咗佢嘅猜測。回想呢段慘痛經歷，佢話：「我記得喺公園喊咗成晚。」當時正值拍劇期，幸好有位製片助理（PA）住同一區，察覺佢情緒低落，陪咗佢由夜晚喊到清晨五點。唐詩詠強調，從未親眼見過男友同其他女人一齊，所有證據都係「間接」，但呢件事依然令佢心碎到爆。

唐詩詠壓力爆煲引發4大身體問題

加入無綫近20年的唐詩詠在今年9月正式離巢，她在節目中大爆自己由幾年前開始因為拍劇而感到非常大壓力，因而令到身體無法負荷，引致不少毛病。她指自己除了生濕疹之外，又有脫髮問題、髮線向上移，還有尿頻的問題。身體情況每況越下，脫髮問題更嚴重至前額少了一行頭髮。

唐詩詠離巢無綫最大主因：想似正常人生活

蝦頭問道壓力大是否離開無綫的主要原因時，唐詩詠則說道：「除咗壓力好大之外，我覺得身體真係差咗好多，呢兩年我係冇休息過，入行初期我試過一年（拍）四套（劇集），當時接受到。但近兩年再拍一年四套，我發現返唔到去個狀態。」她坦言現在的自己是希望擁有自己的時間：「我想生活，想做自己想做嘅嘢，好似正常人咁生活。」

唐詩詠、蝦頭慘遭鹹豬手

蝦頭後來又分享自己曾經因為拍攝舞台劇而遭遇鹹豬手的經歷，她憶述曾經有男演員和她靠得非常接近，對方的手是刻意觸碰到她的身體令她感到疑惑。她指演藝圈總有這一些職業操守差的人，問連詩雅和唐詩詠有沒有遇上類似的不愉快經歷。

唐詩詠自爆遇行內潛規則被摸玉背

唐詩詠亦表示自己有遇上類似的經歷，她指她在未加入無綫電視前，曾在一次選角面試之中遇上幕後對她鹹豬手。當時面試完畢後，站在她對面的幕後站起來走到她身旁，一邊上下撫摸她的背部說道：「係啦，所以你都諗吓啦，你想唔想做呢個角色呀⋯⋯」而唐詩詠馬上把側開身體並說道：「係喎，我問下媽咪先！」

唐詩詠分享拍嘴戲遇對方伸脷點應對？

在情境題環節目被問道，如果對戲演員拍親熱戲時突然伸了舌頭過來要怎樣處理時，唐詩詠笑言：「我諗我會即刻，咦等等先。唔好意思呀導演等等呀。OK嗎你？OK呀吓？你無嘢呀嗎？」她指不會拆穿對方，因為要繼續拍下一場戲。不過如果對方第二次繼續伸脷，她便會找導演求救：「導演，唔好意思，你地傾下先」。

唐詩詠《超能使者》罕有做「阿姨輩」

在TVB熱播台慶劇《超能使者》中，唐詩詠難得演阿姨輩，飾演「Q姨」喬若嵐，角色擁有治療能力之餘，仲充滿正能量，影響埋陳展鵬飾演的鍾孝年，一齊成為超能英雄去拯救街坊，不過網民對她這個「Q姨」角色都拒絕收貨，紛紛狠批她講對白太嘈，而且個樣仲顯得老過陳展鵬！

按摩戲份豁出去放聲狂嗌

劇情講到「母胎單身」Feel的唐詩詠，於片場被陳展鵬獻殷勤按摩，令她一度「意亂情迷」，非常享受。由於按摩戲逃不了要盡情放聲去演，唐詩詠表示拍攝當日全靠Jazz指引才能釋放自己：「拍之前都知道會有好多人喺側邊望住，所以入片場前都做足心理準備，亦唔會理其他人眼光，只係盡力去做好呢場戲。雖然係有啲心理關口要過，但演喜劇都係要放低自我，好開心自己可以跳出框框同心理關口去做。」

唐詩詠離巢TVB 仲有劇未播

唐詩詠效力TVB近20年，直到今年9月離巢，不過近年她密密拍劇少有休息，除了正在播出的《超能使者》，還有一套《隱形戰隊》待播。在《超能使者》中，唐詩詠飾演的「Q姨」有勁多戲份，仲有大量爆喊戲，但竟然因此引來網民負評。

被網民狠批：個樣又老又膠

有不少網民都指出唐詩詠把聲講對白時太嘈，亦有網民指41歲的她，望落去竟比45歲的陳展鵬更顯老，紛紛留言指：「唐C呢幾年老化得好快，望落去真係似仲老過展鵬」、「唐e個樣又老又膠」、「由美麗戰埸已發覺唐詩詠身材肥左、個樣有些浮腫、老咗，真係歲月不饒人」、「搞到對眼咁怪為乜」、「塊面好浮腫」等等。

唐詩詠多年來盛傳離巢

唐詩詠離巢傳聞多年來囂於塵上，更被指會簽約古天樂公司旗下，但均被她屢次否認。據報道指，唐詩詠2020年已有計劃做舞台劇，當時她自編自導自演做一小時的獨腳戲，惟當時因疫情關係而一度受阻，最終變成短片在網上播放。這次則是為了專心完成劇本創作及排練的工作，唐詩詠將會暫停拍劇。

41歲唐詩詠近日再傳新戀情

剛離巢大台的41歲女藝人唐詩詠，自從2017年宣佈與洪永城分手後，一直都只得「霧水情緣」，未有再公開過任何戀情。近日唐詩詠與友人出席慶生飯局，疑令新戀情曝光！在飯局的大合照中，唐詩詠更毫不避諱做出親密舉動，唔通即將有喜訊公佈？

唐詩詠儼如女主人親密撓手

自2017年與洪永城結束四年情後，唐詩詠未有再公開過拍拖對象，不過出名嗲聲嗲氣的她身邊從來不乏緋聞對象，當中包括「契哥」馬國明、有「教育界王力宏」之稱的陳思銘，以及劇集《鐵拳英雄》拍檔伍允龍等。

今年九月離巢效力20年的無綫後，唐詩詠暫時未有新去向，似乎可以擺放更多心神於愛情上。日前唐詩詠與好友陳自瑤、黃翠如、蕭正楠、袁偉豪及張寶兒等人，為一名男性友人慶祝生日，見合照中唐詩詠儼如女主人一樣，坐在壽星身旁依傍著對方大舉勝利V字手勢。在另一張女士合照中，唐詩詠更直接撓實男方手臂、露出幸褔的笑容宣示主權。

新緋聞男友出席洪永城婚宴

據知最新緋聞男友來頭不小，名為VernonMa的他是大型商場的巿場部經理，由於經常籌辦商場公開活動，所以與不少圈中人都十分熟稔資，見Vernon的社交網站有正少跟藝人的合照，連唐詩詠前男友洪永城結婚，他也是其中一位座上客。

唐詩詠再任蝦頭、連詩雅節目嘉賓，自爆當年遇「鹹豬手」經歷。
回到目錄