唱錢｜中2冠軍古淖文挑戰《愛得太遲》嚇到伸脷！為過關竟要學細路行路？
古淖文挑戰《愛得太遲》 關鍵位突響警號嚇到失魂
《唱錢》明星版迎來《中年好聲音 2》冠軍古淖文，但他賽前已緊張表示：「而家好似會考咁，要跟返拍子同音準係一件難度高嘅事，我都驚 Level 1 都過唔到。」當挑戰《愛得太遲》時，阿古自言只有一個位置最難唱，連評判Eric Kwok都認同：「我哋真係做到朋友，就係呢個位。」豈料，就在這個最關鍵的時刻，系統突然彈出「WARNING」警號，令阿古當場嚇一嚇，緊張到「伸脷」又「透大氣」，完美演繹出「失魂」境界，連主持森美都忍不住問：「做乜嘢呢？點解無端端臨到尾突然間好似失魂咁。」
古淖文形容似生死攸關 呻過程辛苦：唔理有冇感情
除了《愛得太遲》，阿古在挑戰另一首歌《笑忘書》前更是神情緊張，直言：「真係唔易。」Eric Kwok也認同此曲「難唱」，因其真假音轉換及氣息控制極考驗歌手功力，阿古更以「生死攸關」來形容這首歌的可怕程度。演唱時，他身體不停擺動，左手更緊隨音樂系統揮動，全程不敢鬆懈，心理壓力極大。為了過關，他甚至笑言要改變唱歌習慣：「唔理有冇感情，過到關最緊要」、「而家好似細路哥學返行路」、「呢個過程好辛苦」。
中2冠軍舞台王者遇滑鐵盧 應援團場邊打氣
作為《中年好聲音 2》的冠軍，古淖文在舞台上一向揮灑自如，風格強烈，但面對《唱錢》的精準評分系統卻顯得「無晒符」，與過往的王者風範形成極大反差。今次他更帶同強勁應援團助陣，包括同屆歌手甘永傑、《中年好聲音》的顏志恒和羅啟豪，以及《中年好聲音 3》的黃博，一眾好友在場邊為他打氣，希望他能順利闖關。
網民期待冠軍表現：估唔到阿古都會驚！
節目預告一出，不少網民對冠軍級人馬的表現大感期待，紛紛留言表示驚訝：「估唔到舞台王者阿古都有今日！《唱錢》個系統真係鬼咁得人驚！」、「連冠軍都話要好似細路學行路，呢個節目真係玩認真喎！」、「好想睇阿古點樣放棄感情去唱歌，肯定好搞笑！」、「《愛得太遲》都出事？平時K房飲歌嚟喎，睇嚟真係唔簡單。」、「支持阿古！就算緊張都一定過到關！」
