【奉子成婚】目測懷孕5個月?單文柔晒吊帶大肚寫真

【奉子成婚】目測懷孕5個月?單文柔晒吊帶大肚寫真

娛樂

廣告

41歲「視帝」陳展鵬與28歲單文柔拍拖兩年,上個月正式拉埋天窗,婚後一個月宣佈有喜。廿四孝老公陳展鵬婚後更是幸福滿瀉,仲自願「唔偷食」陪老婆齊齊戒口。呢日,單文柔喺社交網晒出大肚寫真,不少網民對呢位「奉子成婚」嘅「視帝嫂」孕肚紛紛猜測,話佢目測懷孕5個月?

撰文:Chloe | 圖片:單文柔IG陳展鵬IG、新傳媒資料室

單文柔晒吊帶大肚寫真

今日,單文柔首次晒孕肚,佢喺Ig貼咗一張身穿白色吊帶裙嘅寫真照。可以清楚見到腹部隆起,唔少網民紛紛猜測佢懷孕約5個月,旁邊更有鮮花襯托,仙氣十足呀。

單文柔留言話﹕「你們的假期過得好? 剛剛過了我最喜歡的節日。今年。。。買了一棵真的聖誕樹,有好香的松樹味,佈置了我們的家,做了兩頓晚餐,在聖誕樹下準備了禮物,看了一場戲。最重要是今年可以和你一起度過。」

 

實踐結婚聲明建立美滿的家

陳展鵬(10/9)突然向傳媒發聲明,宣布與單文柔結婚,並表示「要盡最大努力去建立美滿的家。」今日正正回應當日聲明,建立一個三口子的家。

陳展鵬結婚聲明如下:

陳展鵬致各傳媒友好
各位親愛的傳媒朋友、各位好友,多謝大家一直對我的支持和包容。今日,好高興同大家宣布,我要結婚啦!
一路以來,我都全情投入工作,直至Phoebe的出現,讓我們感受到幸福和信任。對於感情方面比較傳統的我,是時候用我最大的努力去建立一個美滿的家。多謝大家的關心,希望得到你們的祝福。
展鵬

早已視為結婚對象

41歲陳展鵬與28歲單文柔拍拖兩年,雖然拍拖初期,展鵬曾否認戀情,但其實早已視單文柔為結婚對象。

年紀相差13年

現年41歲的陳展鵬,與單文柔年齡相距13年。不過年齡無礙二人的發展,相戀短短半年,佢哋嘅關係已經極速升溫,好快都求埋婚。

視帝結婚梗係多贊助,有婚紗相,都有傳統裙褂相。

結婚當日陳展鵬就喺一眾兄弟陪同下,去到中環四季酒店接新娘。

之後就同新娘子,仲有親友登上遊艇,準備舉行婚禮儀式。

婚禮誓詞講乜嘢?

喺海上註完冊、簽完紙,以後大風大浪都要一齊去面對喇!

陳展鵬結婚誓詞:「由開始相知相識,彼此陪伴走過,唔單止好朋友好情人,我笑嗰陣你會戥我開心同滿足,我喊嘅時候你會默默守喺我身邊,為我遮風擋雨。彼此明白二人結合並非1+1=2,而是0.5+0.5=1。」

今晚一對新人會喺四季酒店擺喜酒。

單文柔件婚照超低胸,勁Sexy!

阿視帝結婚喇!唔知有冇人會覺得傷心呢~

兩人同時公布Baby is coming

陳展鵬與太太係IG貼相,宣布「Baby is coming」,並留言,「2018年真是一個難忘嘅年份,我又再多咗一個身份啦!期待你嘅來臨。」單文柔留言,「期待小豬比的來臨。」陳展鵬嘅老襯兄弟陳山聰都有留言恭喜,而有不少網民都笑佢哋「原來系有左先結」;「奉子成婚」。不過點都好,都係開心事,恭喜晒!

 

原來系有左先結

陳展鵬陪大肚老婆齊齊戒口

藝人陳展鵬的老婆單文柔上月公布懷孕的喜訊,大家都很關心她的懷孕歷程。單文柔和大多數女生一樣喜愛吃甜品,但孕婦忌吃太甜,唯有戒口。除了甜食,陳展鵬更透露 榴櫣、士多啤梨、麻辣火鍋、生冷食物如魚生、瀨尿蝦、大閘蟹、凍飲和雪糕等通通都不能吃。

陳展鵬:「點會偷食呀!」

於是,廿四孝老公陳展鵬,決定陪大肚老婆一齊戒口。老婆不能吃的,他也不吃。他笑指:「點解我唔食得???法官大人冤枉!!!!! 」

話雖如此,當陳展鵬被問到會否出去「偷食」時,他甜蜜地回:「我差不多每一餐都同佢一齊食,點樣偷食呀!」仲Man爆咁話:「我依家同佢一樣,都唔食得呢啲嘢!」

 

網民們都大讚陳展鵬好男人,「老婆最大! 」、「哈哈 乖!聽老婆的話 」、「一句講哂 老婆大哂」,非常羨慕他們夫婦的甜蜜。

單文柔晒裙仔 暗示陀B女?

之前Phoebe喺社交網曬白色BB裙,仲留言話:「我鍾意白色,好乾淨嘅感覺,唔知道小豬比鍾唔鍾意呢?」一眾網民都估佢哋呢胎係咪陀B女,要生「陳皮妹」!