周永恆霍哥拳賽｜周永恆不知道阿晶是誰 逼霍哥回應會否報仇

而在記者會未正式開打已十分精彩，除了劉馬車同「龍心」率先開打外，周永恆和霍哥亦火藥味十足！周永恆在過磅環節讀出網民留言：「本來見到霍哥一早割蓆微辣，仲算係有啲良知，但係佢復出後竟然對阿晶件事不聞不問」、「阿晶在生時話比女朋友更重要」等，又不斷追問微辣阿晶輕生一事，但他表示：「我唔知道阿晶係邊個。」

周永恆霍哥拳賽｜霍哥強調：我梗係會幫阿晶報仇！反跟Black Joe爆衝突

對於網民的留言，霍哥表示：「呢啲嘢我上網講過晒，係啲人選擇聽唔到！」而周永恆則繼續瘋狂追問霍哥會否幫阿晶報仇，最終霍哥在周永恆不斷追問下，超大聲回應：「我梗係會幫阿晶報仇！」

在二人成功過磅之後，他們前往Face Off拍照環節。周永恆嘗試通過一系列動作來挑釁霍哥，但卻一再失敗。然而，突然間，周永恆指向Black Joe，說道：「這不就是另一個微辣網紅Black Joe嗎？收皮啦你！」 Black Joe不久便衝上前，與周永恆發生衝突。

隨後，周永恆高喊：「拳賽呀！打人刑事呀！微辣呀！Black Joe！」 不久，劉馬車也加入了混戰，周永恆大聲喊道：「十幾個人來打X霍哥！」霍哥一片困惑。

周永恆霍哥拳賽｜霍哥親解與周永恆未賽先打之謎 龍心改霸氣藝名應戰劉馬車

無線娛樂新聞台報導：周永恆、霍哥、龍心、劉馬車呢日出席鍾培生舉辦嘅拳賽記招，早前周永恆經歷牢獄風波，佢好擔心影響賽事，亦痛定思痛要改變心態，以後「清一式」諗多啲正面嘅嘢。

霍哥呢日親解與周永恆上次開打原因，本身佢哋夾好唔郁手，點知周永恆忽然突擊，霍哥坦言有啲激條氣，亦好有信心兩回合可以擊敗對手；有「維園霆鋒」之稱嘅龍心將與劉馬車對戰，唔少網民期待呢個「龍馬精神」組合對賽，龍心改咗一個好有霸氣嘅藝名，決定要戰勝他人必先戰勝自己，希望今次返嚟畀大家娛樂，對手劉馬車自知體格弱，不過佢為咗心中一團火堅持踏上擂台奮力一戰。

周永恆霍哥拳賽｜霍哥周永恆拳賽記者會火藥味濃

周永恆霍哥拳賽｜霍哥：流血吖嘛，流吖！

2人將會於12月打75KG級別的賽事，霍哥表示現正積極備戰中，88KG的他這一刻最重要的目標就是減磅：「我要跌30磅同阿周先生打，所以我希望周先生可以真真正正練到，唔好好似上次Steven（張致恆）咁被人打就算，希望周先生真係練到嘢，唔好我跌咗落嚟30磅喇，跟住頭2 round就搞掂，咁就唔好睇！」他又表示放馬過來，完全不怕流血：「鍾生話流血吖嘛，流吖！」

周永恆霍哥拳賽｜周永恆叫霍哥做「霍仔」

周永恆一開口即瘋狂向霍哥挑機，更帶有恥笑的語氣：「你要減30磅？我要加5磅啊，你要攰少少，你都要加油！」周永恆近年曾因多次打女人而鬧上法庭，他在記者會上亦不忘「自抽」：「我經常都會有啲唔合法嘅情緒發洩，好多謝今次畀呢個擂台我，簽咗份約可以好合法咁去情緒發洩，阿霍仔你就小心啲喇喎，我好鍾意打交㗎，流血就一定㗎喇！」

周永恆霍哥拳賽｜自抽專打女人

霍哥隨即不示弱：「我睇新聞都見到你好多打人嗰啲，但唔係打男人！」周永恆即被挑釁成功：「我唔係打男人㗎，我專打女人㗎嘛係咪啊？」周永恆又不斷叫霍哥小心點，表示從曾在霍哥拳賽上做拳證的人口中得知，霍哥於第一回合已經「擘口」，並表示「我驚你第2 round已經抖唔到氣，你小心喇下！」現場亦接受記者提問，周永恆被問到，曾經做腦部手術切除腫瘤的他會否擔心有生命危險：「依家OK，多謝大家嘅擔心。」鍾培生表示2人有提交健康申報，而且亦已通過，兼且比賽時亦有專業的醫療團隊。相信不會有大問題。被問及2人有沒有目標想用多少時間來KO對方，大家都表示盼能一回合內就勝出。

周永恆霍哥拳賽｜「爛仔格」盡現互打30秒

記者會尾聲，霍哥與周永恆在對峙環節中讓在場記者影相，周永恆即「爛仔格」盡現一邊伸脷一邊向霍哥挑釁，霍哥即怒啤對方，周永恆突然伸手大力推對方，霍哥馬上怒摑周永恆，未幾2人扭作一團，要鍾培生在中間調停，但2人仍然未肯投降，在地上繼續打個夠，後來2人才一同站起來，握手言和。

周永恆霍哥拳賽｜澄清打交冇夾好

霍哥於記者會後更新IG限時動態，對於被指2人當眾打交時宣傳伎倆，他隨即否認：「我都成個人騎左（咗）係（喺）上邊，佢唔拍我放手就繼續㗎啦！」他又形容對方「幼稚打埋啲爛仔交」，兼表示12月的時候再放馬過來。