夫妻的博弈｜游嘉欣「公主切」髮型掀熱話！親解靚樣背後真相：其實係假髮片

游嘉欣OL造型多變晒長腿 「公主切」髮型新鮮感十足

劇中游嘉欣與郭柏妍雖然性格各走極端，但長髮加大長腿的打扮卻如孖公仔般，各具美態。游游在昨晚一集先後換上型格斯文的「皮褸＋打呔」造型，以及充滿少女味的「黃色仙氣」造型，輕鬆駕馭不同風格。當中，她首次嘗試的「公主切」髮型，為角色增添不少可愛感覺，新鮮感滿分，更獲網民激讚。

游嘉欣自爆髮型真相 全靠假髮片意外撞出

對於這個備受好評的新髮型，游游接受官方訪問時笑言，這其實是無心插柳的結果：「拍嗰時其實我係短髮，所以用咗假髮片。本身想遮住啲短髮，但發現當係『公主切』又幾靚，就變成依家咁，令到我現實中都想試吓整呢個頭。」她更笑言這次拍攝過足「Model癮」：「今次造型好似Fashion Show咁，可愛、高貴、型格咩都有齊晒。」

網民激讚游游新髮型夠Cute 「長髮襯你」

游游的「公主切」造型成功俘虜觀眾心，不少網民湧入其社交平台留言大讚。網民紛紛表示：「長髮襯你」、「我好喜歡這個長頭髮造型，好可愛啊」。更有網民對髮型背後的真相感到驚訝：「原來係假髮，完全睇唔出！」、「呢個意外效果仲靚！」