陳煒自爆拍劇遭小鮮肉瘋狂言語挑逗？曾遭前夫冷淡對待受3大傷害
陳煒節目驚爆曾遇小鮮肉追求
在即將首播的清談節目《夫妻肺片》中，陳煒分享了一段鮮為人知的經歷。她透露在一次拍劇期間，被一位同劇男演員追求，而對方的年紀比她「年輕一大截」。陳煒形容該名「小鮮肉」攻勢猛烈，尤其在言語上非常直接，她直言：「語言上好多撩你嘅說話。」同時她亦坦承當時對巨大的年齡差距有所顧慮，表示：「我年長過佢好多。」
網民好奇男主角身份 大讚煒哥有魅力
陳煒的分享引發網民熱議，不少人對這位「小鮮肉」的身份感到非常好奇，同時大讚陳煒魅力非凡。「煒哥真係愈來愈有女人味，難怪小鮮肉都心動！」「結咗婚都仲有市場，證明煒哥魅力沒法擋！」「好好奇係邊個男藝人咁識貨！」「想知煒哥點樣應對，明晚實追睇《夫妻肺片》！」「其實年齡唔係問題，最緊要係真心！」
陳煒曾遭前夫冷淡對待受3大傷害 離婚唔要豪宅
陳煒2008年與細三年、從事綠色能源產業生意的台灣富商顏志行結婚而宣布息影，先後移居台灣、北京同泰國合共四年。2012年突然一句「戲癮起」簽約TVB復出，密密接劇。少奶奶忽然進取，原來是因為守不住婚姻。當時她向前夫提出搬回香港照顧患病父母，夫妻開始分隔兩地生活，多次傳出婚姻出現危機，不過她一直不認婚姻出現問題，2016年還邀請「老公」亮相自己的TVB飲食節目《煒哥的味道》，甜蜜地介紹他：「呢個係我老闆，亦都係我老公顏先生。」人前人後表現恩愛。
直言前夫關係冷淡 「佢好少掂我」對方主動提出離婚
不過煒哥前夫顏志行被踢爆與台灣歌手鄭雙雙關係密切，更一起前往峇里參加朋友婚禮，她才迫於無奈公開承認與顏志行在2012年已經簽字離婚。她曾接受訪問時自爆當年息影後隨前夫到泰國定居，但老公終日埋頭苦幹工作，對她有所忽略，親熱活動未如理想，更直言「佢好少掂我」。另外她曾於電台訪問中大爆前夫對她冷淡：「以前同前夫就係佢不斷外出工作開會，返到屋企只會話好攰情願瞓覺，即使我想了解佢，佢都唔想傾，我唔會勉強人，但久而久之，就變成補救唔到嘅關係。」而且前夫只顧打理生意，她在外地沒有親人、朋友，終日在屋企煮飯同打理家頭細務，猶如阿四：「前夫太專注事業！時間耐咗，我就好似屋企電器咁放埋一邊，咁做朋友好過做夫妻！大家好似家人咁相處，都唔係壞事！」
淚眼指隱瞞離婚有原因 失婚後要睇精神科
2019年陳煒在TVB節目《如果這樣生活》中哽咽說表示一直說謊隱瞞，是因為覺得有機會挽救婚姻﹐強調離婚是被逼，她雙眼通紅哽咽說：「傳媒一直好關心我嘅感情生活，我一直無交代，我之前無講，因為想保持呢段關係，我覺得有挽救嘅機會，所以唔想講。坦白講，我唔想分開，呢個唔係我嘅意願，離婚其實係佢提出，佢覺得工作上，可能有啲事情佢需要處理。佢覺得佢要花好多時間，都覺得佢有虧欠我。既然佢無能力付出佢嘅感情，要處理好多事情嘅時候，就覺得不如雙方中斷呢段關係啦 ﹗」她坦言前夫提出離婚時自己都好難接受，需要找精神科醫生協助。
陳煒靠自己拒收豪宅
雖然前夫是富商，但離婚後她沒依賴男方，有傳前夫曾想盡最後一點責任，想於香港買樓給她，可是她拒絕，認為離婚就應該各有各生活，靠自己賺錢。她指自細都好獨立，讀中一時已經開始煮飯給屋企人食，而離婚後沒有人照顧自己，回歸單身更要愛錫自己多點，屋企要修理任何嘢、換燈膽都要自己。慶幸後來得到家人和朋友開解，加上寄情工作，她才能走出陰霾：
「唔靠自己靠得邊個？因為自己性格同環境因素令到自己咁獨立，同埋一路都靠自己。最緊要自己要focus落一個目標度，盡力做好自己。壓力係會有，但盡量去抒解自己，咁好彩我自己遇到呢份工作自己係好鍾意。工作上壓力唔大，但自己俾自己壓力係大，因為我每個角色都想用心去做好佢，呢啲壓力相對都係一個動力。但抒解壓力嘅方法都係自己要調適，搵朋友去傾。」
黃智賢拉紅線撮合新感情
失婚後她花了一段長時間去調整自己的心情，直至18年6月在好友黃智賢的醫學美容診所開幕遇上陳國強(Aldous Chan)。陳國強是普通家庭醫生，擁有兩間診所，同時與黃智賢合資搞醫學美容生意，他高大威猛、為人成熟又事業有成，與她年紀相若，外形亦非常相襯。黃智賢更負責拉紅線，撮合二人，知情者透露：「Aldous（陳國強）就同阿Ben(黃智賢)講想了解多啲煒哥，一睇就知佢對煒哥好有興趣，而阿Ben亦同佢講清楚，煒哥係個好女人，絕對唔係玩玩吓，真係認真想長久發展先會進一步幫手拉紅線，出嚟食過幾次飯，Aldous覺得煒哥性格真係無得頂，所以就展開強烈追求攻勢，成日送花送小禮物，就算煒哥忙到見唔到面、食唔到飯，佢都風雨不改做好 多嘢去氹煒哥，佢呢大半年所做嘅嘢真係好有誠意，終於感動到煒哥去接受呢段感情，雖然離過婚，但煒哥今次依然愛得好投入，人前人後都sweet爆。」
陳煒被指小三介入別人婚姻 醫生男友反擊
2019年中，陳煒被踢爆與醫生男友陳國強熱戀，當時被指是姊弟戀，但陳煒已極速強調：「我哋係同年㗎，唔好再話我大過佢喇！」對於新戀情，她百分百重視，可見男友已是她心中的Mr.Right，而每次提及對方，她都甜到漏，極力保護剛滋長的愛苗。
即使陳國強表示是離婚後才與煒哥開始，仍避免不了惹人閒話，果然在二人戀情曝光後，有人發現他在18年與黃智賢一齊為醫學美容中心主持開幕儀式時，左手無名指上仍戴上婚戒，有人向傳媒爆料指陳國強其實未離婚，還有兩名女兒，直斥陳煒是「小三」。不過當事人陳國強即挺身而出為陳煒發聲，澄清17年前已與前妻早已離婚，與陳煒拍拖時已回復單身，並聲言由於兩名女兒乃與前妻共同撫養，故雙方有見面，而兩個女兒亦知道他現任女朋友是陳煒。
陳煒貼地拍拖形影不離 二人願為對方花心思
據知情者透露，「煒哥同Aldous都經歷過婚姻失敗，大家都唔想再浪費時間，同埋知道溝通同了解係最重要，所以無幾耐Aldous就搬入煒哥屋企住。女人四十仲係一枝花，再加上煒哥keep得咁好，Aldous覺得佢係一個不可多得嘅女人，亦好珍惜呢段情。不過講到要再結婚，就真係要諗諗先，始終佢仲要照顧前妻同兩個女，大女都係得十零歲，仲要供書教學多十幾年，個個月生活費都唔少嘢。Aldous覺得同煒哥一齊最梗要係心意相通，佢好識氹人，會話來日方長，佢哋又唔係急於結婚生仔，大家都視對方為終身伴侶已經好足夠。但有邊個女人唔想有名份㗎？煒哥拍拖初期曾經開到口講唔排除會閃婚，不過只係佢單方面嘅想法，好彩煒哥係個思想成熟嘅女人，亦知道呢啲嘢逼唔嚟，惟有繼續等。」
與陳國強撻著後，陳煒事業愛情兩得意，成為無綫當家花旦劇接劇，與男友的生活更如魚得水，很快便發展到同居階段。雖然她要拍劇出騷，陳國強要忙著打理兩個診所與美容中心，但他們都一定抽空外出拍拖。本刊曾多次影到煒哥與陳國強離開油塘寓所，到西沙茶座醫肚談心，兩個人加埋近百歲，走在一起仍似足初戀，陳國強不時扮可愛整鬼臉氹女友。
別以為與醫生拍拖一定出入六星級酒店過奢華生活，陳煒貼地樸素，曾現身深水埗為男友去排隊買椰汁，之後又一齊幫襯舊式平民麵店。而且她廚藝精湛，不時煮住家飯餵飽男友，不時親自去街市買餸，美女廚神絕對是賢妻之選。
講到體貼，陳國強更樂於做司機管接送，早前煒哥出席電影宣傳活動，他在活動舉行期間已在附近呆等，最後夾啱時間在停車場接回煒哥，然後雙雙返家。陳煒的前夫與陳國強都是大忙人，但二人卻大不同，陳煒早前上電台做訪問，曾公開大讚男友會花心思去令她開心：「陳醫生唔算浪漫，但好細心，佢畫公仔好靚，最浪漫就係親手畫卡。依家我同陳醫生仍喺溝通階段，所以大家唔好催婚！」
陳煒欣賞男友有承擔
除了為人細心識畫公仔氹陳煒一笑，陳國強對前妻與女兒的承擔，也是陳煒欣賞他的其中一個原因。知情者透露：「雖然唔再係夫妻，但Aldous係一個負責任嘅男人，前妻同兩個女嘅生活依然無憂，而且大家關係仲維持得好好，佢絕對唔係一個離婚後就乜都唔理嘅老公同爸爸。煒哥亦好大方同體諒，知道佢每星期都會抽時間去見屋企人，煒哥完全唔會詐型，反而覺得一個有擔帶嘅男人一定唔會衰得去邊。」早前本刊記者在沙田撞到陳國強與前妻及女兒家庭樂，囡囡見到爸爸好興奮，而陳國強亦收起對住女友的調皮，擺出嚴父模樣，飯後前妻把一疊信件交給他，最後分車離開，陳國強返回陳煒香閨。
陳煒終遇好歸宿 2022年再婚
陳煒離婚後經歷七年單身生活，與陳國強一拍即合，對方火速遷入陳煒位於油塘的香閨作進一步了解。拍拖近三年，二人一直熱戀中，去年她在48歲的生日大日子接受男友求婚，對方以99支玫瑰花及3卡求婚鑽戒成功攻陷她。月底她將與陳國強結婚，作為女強人的樂於婚宴前後日子也排滿工作。
曹永廉自爆收女藝人曖昧來電
在將於6月1日首播的節目《夫妻肺片》中，主持車婉婉問及男藝人出外拍劇會否遇到誘惑，曹永廉隨即憶述一件發生在自己未婚前的經歷。他坦言曾收過一位女藝人的電話，對方舉動相當「踩過界」，曹永廉引述當時對話：「佢打嚟，傾傾吓我咪問『你喺邊呀』，對方竟然話『我沖緊涼呀依家』。」這個突如其來的回應讓曹永廉當下立刻感覺不對勁，他直言：「我就覺得唔係好對路。」
蕭正楠加碼爆料 一線女星主動敲房門
正當大家對「沖涼電話」事件感到驚訝時，同場的蕭正楠立即「最佳損友」上身，加碼大爆曹永廉的另一段經歷。阿蕭指曹永廉曾被一位「一線女星」主動出擊，對方一抵達酒店就馬上敲曹永廉的房門，並以藉口邀請他入房：「（個女藝人）一去到間酒店就敲佢（曹永廉）門，話『我間房有嘢』、『你過嚟我房度睇吓』。」蕭正楠愈講愈興奮，更神秘地透露之後還發生了離奇事件，為節目留下巨大懸念。
網民熱議女星身份 期待節目揭曉
節目預告一出，立即引起網民熱烈討論，紛紛化身偵探猜測女星身份。「嘩！邊個一線女星咁大膽？」「蕭正楠真係最佳損友，專爆兄弟啲料！笑死！」「曹永廉又真係幾有魅力喎，不過都好彩佢守得住。」「沖緊涼打電話都得？擺明係暗示啦！」「好想知後續發生咩離奇事件，明晚一定要睇首播！」
