失憶24小時

失憶24小時|渣男張達倫呃江欣燕身家氹上床 現實中暖男錫老婆對繼女視如己出

娛樂

廣告

《失憶24小時》張達倫對江欣燕騙財騙色,劇中演活世紀渣男,現實中張達倫是圈中出名的愛妻號,育有三歲囝囝,更對妻子與前夫所生繼女視如己出,一家四口不時溫馨家庭樂,張達倫直言當繼女是自己親生女一樣愛錫,暖男爸爸何止鄭中基一個。

撰文:東方新地|圖片:《失憶24小時》截圖、張達倫 IG、《1+1+1》截圖

《失憶24小時》張達倫突然出現「偶遇」江欣燕,再用甜言蜜言氹返屋企。
《失憶24小時》張達倫突然出現「偶遇」江欣燕,再用甜言蜜言氹返屋企。

延伸閱讀:失憶24小時 | 大結局劇情劇透:王君馨被棄屍山頭 何遠東山崖畏罪自殺?

《失憶24小時》張達倫廁所激戰江欣燕

《失憶24小時》張達倫與江欣燕飾演一對復合的離婚夫妻,張達倫呃去江欣燕的身家,離婚後突然出現,用一餐飯再呃江欣燕上床,目的只為繼續騙財騙色,劇中二人床戲連場,張達倫透露車震、廁所激戰樣樣齊, 笑言細細個睇住江欣燕演出,突然有如此親蜜接觸感到有點唔習慣,他又大讚江欣燕演出無底線,拍攝時僅以膠紙黐住重要位置幾乎全裸,張達倫話反而自己感到尷尬。

張達倫用一餐咖喱雞成功氹前妻江欣燕上床。
張達倫用一餐咖喱雞成功氹前妻江欣燕上床。
張達倫再用花言巧語,江欣燕立即將屋企鎖匙都送上。
張達倫再用花言巧語,江欣燕立即將屋企鎖匙都送上。

在對的時間重遇

現年42歲嘅藝人張達倫,曾參演《愛·回家》「嚴謹」一角而為人熟悉,劇中嚴謹玩世不恭,但現實中的張達倫卻是一名暖男。張達倫同太太Kimmy於2016年結婚,二人婚後育有現年3歲囝囝張凱碩,以及Kimmy同前夫所生的17歲繼女Chloe,一家人生活幸福。

張達倫視繼女Chloe(後排右一)如自己親生女兒,亦一家四口出席家庭聚會,自己父母也相當接受Chloe。
張達倫視繼女Chloe(後排右一)如自己親生女兒,亦一家四口出席家庭聚會,自己父母也相當接受Chloe。
張達倫
張達倫一家四口。

張達倫在節目中透露,太太Kimmy是哥哥讀酒店課程時的同學,當時對Kimmy印象最深是她當時剪了一個平頭裝,心諗這個女子都幾大膽,但當時兩人都各自有男女朋友,其後Kimmy與一名外國人結婚,育有囡囡Chloe。

張達倫
張達倫喺節目中透露,Kimmy係哥哥讀酒店課程時嘅同學。

幾年後,二人回復單身後在一個聚會中再度重遇,更因有共同興趣而撻著。

張達倫回復單身後再遇Kimmy。
張達倫回復單身後再遇Kimmy。
在一個飯局中重聚。
在一個飯局中重聚。
張達倫
張達倫同Kimmy因有共同興趣而撻著,張達倫笑言大家走著走著,便走出一條情路。

張達倫:我永遠當係自己個女

要做爸爸本身已經唔容易,而且要學習做「繼父」呢個角色更加不是人人都可以勝任,但張達倫以「朋友」嘅身份去同繼女Chloe接觸,張達倫透露:「我哋關係十分之好,我同佢好似朋友,我都大唔透。喺呢個時代唔可以再用長輩同後輩之分,小朋友唔會想同你溝通,佢哋已經成日對住部電話,你再『敦』起個款佢哋睬你都傻啦,所以我同佢會保持朋友關係。」

張達倫
張達倫太太Kimmy同囡囡Chloe。

張達倫在節目中指,佢認為繼女雖然同自己冇血緣關係,但佢唔覺得有咩問題,更視如己出,揚言「我永遠當佢(Chloe)係自己個女」,因為繼女係太太生命中一部份,如果唔接納根本就冇資格話愛對方。

失憶24小時|渣男張達倫呃江欣燕身家氹上床 現實中暖男錫老婆對繼女視女己出

張達倫
張達倫講到做到,平時一家四口家庭樂。
張達倫
張達倫去旅行都是四人行。
張達倫真的做到對繼女視如己出。
張達倫真的做到對繼女視如己出。

張達倫靚太太大讚孝順

Kimmy在重遇張達倫之前已經有過一段婚姻,車婉婉問到Kimmy點解會咁勇敢投入第二段婚姻,會唔會怕再重蹈覆轍,Kimmy坦言對從前嘅經歷唔會有恐懼,更因張達倫的孝順性格而令她對婚姻有信心。

張達倫
Kimmy坦言對從前嘅經歷唔會有恐懼

張達倫自擬結婚誓言感動太太

張達倫表示,二人當初決定結婚係因為想生小朋友,雖然目標明確,但張達倫由求婚到結婚所做嘅行動都絕不馬虎,因為張達倫認為這不只是一個過程,而是對Kimmy的終身承諾。張達倫喺求婚時更對Kimmy唱出許志安嘅〈你的男人〉,當中一句歌詞「愛情令缺點有了知音」達倫認為好重要,因為每個人都不完美,好幸慶自己的缺點,有人肯去接納,而這個人便是Kimmy,是Kimmy令她願意去學做一個真正及有承擔的男人。

我盡力學習成為男人

有了你我會做事認真

珍惜一個人

終於改變一個人

愛情令缺點有了知音

你就是動力成全人生

(許志安〈你的男人〉)

張達倫更一手包辦結婚誓詞,由於二人都熱愛行山,張達倫便引用其中一次的行山經歷作比喻,只要有對方在身邊,以後有甚麼困難都可以一齊度過,令Kimmy感動流淚,真係好Sweet呀!

曾因囝囝忽略老婆

張達倫坦言,囝囝出世後因為將成副心機都投放喺囝囝身上,而一度忽略老婆,慢慢就開始反省自己嘅行為,認為要平衡兩方面,咁樣先可以維繫到夫妻間嘅關係。

張達倫
張達倫內疚曾因囝囝而忽略太太。
張達倫
張達倫話自囝囝出世後,有一日驚覺自己少了親吻太太,平時只顧住囝囝,自此開始去反省自己。
張達倫的深情剖白再一次令太太感動到嘁。
張達倫的深情剖白再一次令太太感動到嘁。