女神配對計劃｜年薪80萬Jacob做特約臨記拍廣告！32歲李芷晴遲來的覺醒
Jacob自爆參加節目原因：想知有冇「劇本」
《女神配對計劃》中李芷晴一開始的3位心儀對象各有特色，其中任職分析工作的林焌堯（Jacob）的最為腼腆。在記者會上李芷晴被抽中與怕羞內向的Jacob玩遊戲，二人互動略顯尷尬。Jacob透露參加節目的原因，除了自己單身外，亦因平日常看綜藝節目，想親身體驗一下節目有否「劇本」，結果證實一切真實無劇情安排。
Jacob教堂示愛被拒絕
李芷晴聽完林焌堯（Jacob）的告白後，就表示透過節目了解到更多自己，直認自己太過「戀愛腦」，深知自己未經透徹思考就開始一段感情對大家都不好，所以沒有轉身接納示愛，拒絕了Jacob。
網友負評李芷晴
對於Step的選擇，網友普遍給予負評：
- 「5個女神裏面最扭扭擰擰就係呢條哨牙婆！ 矯柔造作！根本唔知自己想點！ 」「唔揀呢位男仔係岩既，呢位男仔好純，都係唔好累人」
- 「你知唔知自己想點啊？仲話怕孤獨終老，你咁樣一定孤獨終老啦。一個又係咁(唔記得個個男演員個名)，第二個又係咁( Jacob )究竟要幾多人為你付出啊？」
- 「諗來諗去最終佢會孤獨終老，因為佢諗太多，想要更好」
Jacob被發現係臨時演員拍廣告
當大家都幾為木訥的Jacob是個圈外人時，原來他除了《女神配對》也有其他幕前演出！最近在麥當勞的網上廣告中，赫然見到片中 Jacob的演出，片中他與兩位陌生女子3人一齊玩Uno，李芷晴見到也有在IG留言「做咩同咁多女仔玩UNO都唔同我玩？」而Jacob也有現身在留言區打情罵俏： 「因為依副UNO會令你一路玩一路食唔停🍟，你準備好了嗎？😎」活潑的語調和幕前演出，一啲都唔似《女神配對》入面的木獨型像，令觀眾質疑Jacob由頭到尾都係一個配合節目組的「臨時演員」。
Jacob報稱私下生活低調 愛睇《愛回家》年薪高達80萬
據悉，Jacob向節目組報稱私下生活非常低調，甚少在社交平台分享私事，只偶爾在IG上載打網球的照片，予人樸素又神秘的印象。據了解，他年薪高達80萬港元，可謂實力與誠意兼備。平日最喜歡就係睇《愛回家》對李芷晴的角色Elaine 瞭如指掌！
首次約會無視曱甴懶護花 Jacob表現好失分！
早在節目第5集 Jacob雖然在三角枱中勝出，但在與女神李芷晴單獨約會環節表現失分，尤其當李芷晴發現戶外場有曱甴的時候，Jacob表現呆若木雞，事後自爆唔怕唔怕曱甴的Jacob解說，因為見到曱甴尚有一段距離，自言「感受不到逼切性」，但他的表現卻在觀眾心目中大失分數，認為他沒有風度而且「見死不救」，雖然如此，作為約會對象的李芷晴似乎就無觀眾咁肉緊，到最後仍然覺得Jacob事事遲緩的表現「好得意」。
愛的魔法 啤牌變情話
來到結局，Jacob由節目初期的木訥男孩大翻身，為Step精心設計「浪漫三重奏」。首擊「愛的魔法」中，他以啤牌魔術將不相關的牌變成「一雙一對」，寓意二人緣分。Jacob深情解釋：「我知道你上次玩遊戲有啲frustrated，啤牌一開始唔match，但有誠意就能搵到common位。」Step感動得眼泛淚光，驚嘆：「點樣諗到咁有心思嘅安排？」
人肉星星+人造星空 兌現承諾
為實現「一起看星星」的承諾，Jacob化身「人肉星星」，更將課室天花掛滿小燈泡，打造浪漫「人造星空」。Step感動萬分：「佢真係履行咗我哋嘅小約定，好震撼！」Jacob搞笑問能否卸下星星裝，惹笑之餘令人好奇背後原因。這場創意與浪漫兼備的示愛，花臣度十足兼愛意滿瀉，令Step心動不已，觀眾亦為Jacob的誠意瘋狂打call！
