女神配對計劃第3集｜葉蒨文公然向曾展望調情 心心眼提問旁若無人！

女神配對計劃｜「三角枱約會」公布淘汰規則

首輪「三角枱約會」將淘汰兩名參賽者！五位女神葉蒨文、關嘉敏、梁敏巧、羅毓儀、李芷晴各自與三位組男進行「三角枱約會」後，每個組別中最低分者將跌入危險區，再由三位花生團成員江美儀、黎諾懿及黃嘉雯決定淘汰哪兩位。主持林盛斌阿Bob透露，《女神》之所以破天荒請來花生團定生死，全因女藝人談戀愛要面向的群眾甚多：「好多人覺得女Artiste拍拖唔係淨係佢自己嘅事，仲要關乎埋佢哋屋企人、朋友、同事、閨密、網友、粉絲、觀眾，所以男仔除咗要過女神嗰關，仲要過花生團嗰關。」花生團有淘汰干預，女神亦有「保護權」，五位女神只要將最想保護的男組員名字寫在秘密咭紙上，該名成員便能逃離本輪被淘汰命運！

葉蒨文、曾展望「匙羮談情」逐格睇（文字劇透詳見下文！）：

討論「Candy Coffee」甜蜜時刻：

曾展望呷醋表情包：

女神配對計劃｜GM甜到漏冧爆全場

GM一嚟即口花花大叫「蘇菲姐姐」，又雙眼帶著羞澀及笑意向Sophie說：「第一次同你兩個人食飯！」面對突然變靦腆的GM，Sophie「主持」上身控制氣氛，主動問GM要不要品嚐她點的菜，又向著緊張的GM Bling Bling眼兼咬唇問道：「定係你想食我口水尾吖？」受寵若驚的GM亦馬上把握機會接招：「如果你想我食，我唔介意架！」在其餘兩名參賽者觀戰下，二人仍能如此公然耍花槍，甜蜜指數爆燈，難怪花生友江美儀被閃到尖叫！

女神配對計劃｜因一杯「Candy Coffee」鍾情葉蒨文

之後，GM再以Sophie曾為他送上一杯畫有Candy（Sophie《愛‧回家》中的角色名字）圖案的愛心咖啡展開進一步強攻：「你知唔知呢件事（送咖啡）好危險架其實，因為會令人心跳得好快架嘛。」GM補充指當年與Sophie合作《愛‧回家》期間，Sophie因Feel到他不開心向他送上這杯「Candy Coffee」，令他「嗰吓其實都幾感動」。不過亦因為這杯咖啡，令GM滿腦疑問，並於Fine Dine期間一再試探式追問Sophie「你係咪成日都咁樣買畀其他人？」、「咁你可唔可以以後唔好請其他男仔飲？」、「我唔係咁想你對其他男仔好…」、「同埋哩…你想請邊個飲同我講，我幫你請佢哋飲。」

被進擊的GM嚇至「嘩」一聲的Sophie，隨即反問GM是否「好易呷醋」，更追問GM會否介意她拍親熱戲，GM對此亦勁坦白說出心底話：「其實老實講，OK就唔OK架喇…咁但係…（停頓數秒）要氹番我咯…」更邊說邊做出一個強度十足的害羞撒嬌表情、期間還不忘向Sophie投出一個勁冧滋滋的眼神，令Sophie忍不住大笑兼大叫「喂呀」！韓劇一般的甜蜜＋呷醋劇情，再配以二人冧到漏出幾噸蜜糖的眼神，「重甜慎入」絕對沒有誇張。面對GM這位超強勁敵，阿Him與Eddie分別「更正強人」上身及使出「眼神殺」連番反擊，令約會現場「刀光劍影」，相當精彩。