女神配對計劃｜情侶爆分歧 27歲GM稱這個歲數才結婚 32歲葉蒨文聞言失落
Matt超強記憶力冧掂Maggie梁敏巧
在節目中的默契遊戲環節，劉啟進（Matt）的表現讓全場驚嘆。當被問到梁敏巧（Maggie）的社交平台有多少個帖文時，他竟能準確答出「581」，與正確答案僅相差10個，甚至連女方自己都記錯的第一個帖文內容，Matt也能對答如流，讓梁敏巧既驚喜又感動。雖然Maggie記錯了Matt的生日，但Matt只是開玩笑地問：「邊個係10號啊？」，兩人之間的甜蜜互動閃瞎眾人。
27歲曾展望自爆 「再等8年」先結婚
然而，當話題轉到理想的結婚年齡時，氣氛卻急轉直下。現年27歲的曾展望（GM）表示，他認為自己的適婚年齡是35歲，即需要再等8年。他解釋，希望在事業和經濟基礎都穩固之後才成家立室，雖然說法都好負責任，但似乎未有考慮到Sophie比自己年長5歲的感受，想不到二人感情剛開始就已埋下了變數！
32歲葉蒨文聞言顯失落：「有啲遲」
聽到GM的八年計劃後，比他年長5歲、下月踏入33歲的葉蒨文（Sophie），臉上難掩失落之情。她坦言，若要等到GM 35歲時結婚，自己屆時已經40歲！無論是結婚或生育計劃而言，Sophie直言：「我覺得有啲遲」
網民呼籲GM勿拖累Sophie ：青春有限！
對於GM的決定，不少觀眾也感驚訝：「唔想俾太大壓力GM，只係希望『GPS』發展順利 ，GMSophie一齊接多啲job，（我哋集氣支持朱古力，牙膏，婚紗，禮服，飲品等不同客戶，TVB自家多啲搵佢哋拍嘢）盡快搵多啲老婆本，奶粉錢，女仔畢竟青春有限，雙方經過深思熟慮，揀啱嘅人，就無需要拖太長時間啦 ，要盡快俾過名份Sophie，好女仔嚟㗎！GM加油」
張繼聰謝安琪做例子 網友建議GM「放低大男人嘅自尊心」
另外有網友反映：「只要夠愛，無野解決唔到。Sophie打算幾年內結婚生小朋友，到時GM可能認為經濟條件未許可，呢個將會係大家要面對既問題。希望GM到時可以放低大男人嘅自尊心，堅強地面對流言蜚語；Sophie問GM介唔介意女方搵得多過男方，可能已預見呢個情況。結婚初期可能女方搵得多d，但慢慢男方一定會越黎越好，對GM非常有信心！就好似張繼聰同謝安琪，佢地結婚時，雙方經濟條件都唔算話好好，好一段時間，女方搵得多過男方 (可能多好多)，男方當時都承受住好大壓力，後來慢慢男方事業一步一步越黎越好，宜家Louis一定搵得多過Kay，經歷左咁多野，佢地仲係恩愛如昔。所以，只要夠愛，無野解決唔到。衷心祝福GM同Sophie，排除萬難，走到最後」
37歲楊怡嫁嫁歲羅仲謙 或可作參考？
翻查資料，幕前藝人姐弟戀也有不少好案例，例如楊怡37歲時嫁給了 32歲的羅仲謙，兩人相差5歲，這段「姐弟戀」也修成正果。 楊怡在2020年更宣布懷孕，並在同年（40歲）生下了女兒，網友呼籲「 Sophie希望你唔好放棄GM啦！ 佢一定會為咗你幸福努力搵錢。」
三對情侶未來規劃大不同
三對情侶的未來規劃呈現出極大反差。除了葉蒨文與曾展望對婚期有明顯分歧外，林俊其（Kris）與羅毓儀（Yuki）的結婚時間點亦有4年差距。相比之下，梁敏巧與劉啟進再次展現完美默契，兩人寫下的結婚時間幾乎完全一致，均為2030年左右。Matt更透露，他是看過Maggie的訪問才得知其想法，這份細心與重視，三對情侶中感情似乎是最穩陣平坦的一對。
