女神配對計劃｜網民不滿監製增「踢館賽」湧入監製IG留言：「玩爛一手好牌」

《女神配對計劃》淘汰2名男士、突宣布全球再召集！GM曾展望3字回應

女神配對計劃｜突擊出公告再招募新參賽者

《女神配對計劃》五位女神將與13位求愛勇者展開同居式Dating Camp，激烈爭奪戰一觸即發。節目日前突襲公布「求愛勇者最後召集大踢館」活動，向全球18歲以上男性開放報名，挑戰現有男參加者爭奪入營機會。報名截止至24日深夜，獲選者將接受主持Bob與花生團嚴格篩選，爭取與女神競逐戀愛機會。

網民對再招募感不滿 湧入監製IG留言

不過就大批網民對《女神配對計劃》的踢館新安排感到不滿，大家都紛紛湧入監製IG留言，表示大部分觀眾都希望節目能夠盡快結束，因為戀愛是不能浪費時間，想節目中的女神們都有情人終成眷屬，但節目組就唱反調，將節目拉長來做，為做節目而做節目：「好黐線囉，新一輪錄影係由8月到10月期間，播得都起碼12月啦，係咪當觀眾傻㗎，以為拍緊愛回家咩」、「女仔當然想快啲俾人追到，男仔當然想快啲追到人，邊度有人想拖一年半載」、「講真，睇完呢個 post, 我對黎緊嗰集，都已經冇興趣追」等。

《女神配對計劃》監製莫文浩 傳由曾志偉親自邀請助陣

《女神配對計劃》的監製莫文浩係香港出身的80後，亦係內地後期製作公司「爆谷傳媒」的CEO，2021年，曾志偉回巢TVB擔任副總經理（綜藝、音樂製作及節目）時，曾傳出他為了改善TVB的節目質素，親自邀請莫文浩出手助陣。

監製為新增賽制辯解

不過監製就留言反擊，指只是希望女神能夠有更多選擇：

「其實只係想女神多啲選擇，搵到真愛。真愛係唔會怕挑戰嘅。」

連KOL網紅都留言「玩爛一手好牌」

此外，連KOL網紅「芒姐」亦在個人專頁留言狠評，直言《女神配對計劃》是「一手好牌打爛晒」的完美示範。她認為節目初期表現尚可，但之後長期停留在三角台Setting「食飯食足幾個星期」，節奏拖沓，漸漸變得沉悶。對於講求熱度與節奏的戀愛綜藝而言，現時還要加入「踢館」橋段繼續拉長戰線，簡直是「見好唔識收的典範」。