女神配對計劃 2｜31歲金融KOL勁痴情 單戀阮嘉敏9年！自爆願意「戴」一物品
廣告
TVB節目《女神配對計劃 2》今晚（19日）爆出超專一求愛者！現年31歲的「金融界KOL」Hepta譚梓樂，竟自爆仰慕女神阮嘉敏（Mandy）長達9年，更為她一個訪問中的小習慣，做出貼心舉動，令全場嘩然！究竟這位長情男如何打動女神？
Hepta仰慕Mandy九年自爆係忠實粉絲
在節目中，外表斯文的Hepta一登場就語出驚人，直言過去9年只要跟朋友談起理想型女藝人，答案永遠只有阮嘉敏。他坦言完全被Mandy的氣質及笑容吸引，更深情告白：「我好鍾意佢大方自然嘅氣質，同埋我私心係覺得佢嘅笑容好有正能量。」Hepta強調自己能分清偶像與現實，參加節目是希望真正了解Mandy，其踏實可靠的形象瞬間贏得不少好感。
Hepta為Mandy戴平光鏡超浪漫
除了長情，Hepta的浪漫行徑更令全場尖叫！原來本身沒有近視的他，竟因為Mandy在訪問中一句話，專誠戴上平光眼鏡現身。他對Mandy說：「我今日為咗你戴眼鏡，我睇到你近排訪問提過，話即使男仔冇近視，你都希望佢戴一副平光鏡。」此舉不但令Mandy驚喜，連花生團的阿Sam都忍不住大讚：「嘩！好掂呀！」Hepta更揚言若Mandy不幸被淘汰，他也會一同離開，霸氣表示：「我自己係目標好明確嘅人。」
Hepta行姊妹政策送禮物勁有心思
Hepta不只專一，更極具心思，深明「行姊妹政策」的重要性。他為Mandy準備了別出心裁的「積木玫瑰」作為愛的禮物，同時亦細心地為現場其他女神預備了糖果小禮物，成功照顧到每一個人，瞬間將現場氣氛推至高潮，其高情商舉動獲得一致好評。
網民激讚Hepta係絕世好男人
節目片段曝光後，網民反應極之熱烈，紛紛大讚Hepta的專一與細心！不少留言指：「呢種男仔已經絕種啦！Mandy要好好把握！」、「仰慕9年！呢份心意真係好難得！」、「為咗對方一句話去戴眼鏡，呢啲細節位真係好加分！」、「睇得出佢係真心，唔係玩玩下，好可靠嘅感覺。」
圖片來源：TVB資料或影片來源：原文刊於新假期
