好睡好起｜方東昇實測24小時捱通宵 腦力遲緩補眠能解救？！
方東昇挑戰24小時唔瞓覺 精神開始錯亂？
人生三分一時間花在睡覺上，偏偏社會對睡眠課題認知不多，父母也只會教孩子「早睡早起」。新節目《好睡好起》，顛覆大家對睡眠世界的想像，全城啟動Sleeping Mode！
方東昇接受教育大學的「睡眠剝奪」測試，發現幾位主持都記憶力變差、情緒難控制、專注力下滑。節目中，方東昇捱至凌晨時段已經開始聽錯同事問題，走在旺角街頭神情變迷茫，連拍檔黃曉瑩、李曉欣都笑他似精神錯亂：「你成個人都好似慢咗落嚟咁樣！」雖然轉數變慢，但唔夠瞓的「昇爺」都有金句：
「我自問捱得，不過唔捱得夜」
「長夜多浪漫？唔係呀，長夜多浪費呀，浪費咗張床」
「鐵腳馬眼神仙肚，一晚通宵就乜都冇」
睡眠不足4 大症狀：
節目組根據研究，列出「睡眠不足」4大症狀，如果以下4點全中，即代表你已成為「睡眠債仔」！：
- 不設鬧鐘會否睡過頭
- 早上起床會否睡回籠覺
- 沒咖啡因中午前難以正常運作
- 發呆坐一會即昏昏欲睡
原來不少都市人都有「睡眠負債」問題，不過「補眠」往往不夠「還債」，欠缺休息事關還要付「利息」。據節目指出，超過正常睡眠時間以外的都屬於「淺睡」，即使接連睡眠逾10小時，亦難以補償之前欠下的幾小時熟睡，反而會愈瞓愈攰！亦有研究指出，短短一小時的「睡眠債」需要4日的充足休息才能彌補。
觀眾好評分享失眠經歷：
對於今集節目分享，不少觀眾都身同感受，分享自己經歷以及大讚團隊：
東昇團隊真係冇令觀眾失望，第一集就帶出咁好嘅資訊，加油呀！永遠支持你哋！ 支持方東昇 好睇，支持TVB新聞部 知多左呢方面既資訊 超正，方東昇D旁白好好笑！
我老婆啱啱生完bb 果一年都無得訓，咁唔怪之得而家d後生唔想生！其實後生係真係醒！真係精！
家人去睇精神科醫生，第一句問題就是有無瞓覺，夠唔夠瞓。。足夠睡眠真係好重要
好辛苦。。。瞓唔到。係會顛…啲嘢亂咗自己真係唔知，要做唔做，應做無做等等，係離晒題自己唔知…好得人驚，人哋話先知先覺、後知後覺，最得人驚係唔知唔覺…
《好睡好起》第3集預告：麥玲玲示範午睡補眠
第三集將於6月1日播放，繼續探討「補眠」的功效，找來嘉賓實測午睡補眠的實際作用：
