好聲好戲 汪明荃

好聲好戲|阿姐汪明荃狠評變激讚 陸浩明由「做番主持好啲」變「萬能」

娛樂

廣告

無綫聲演真人騷《好聲好戲2》第三輪出賽藝人有李佳芯、袁文傑、陸浩明及黃俊豪,爭奪晉身決賽的最後一張入場券,參加者撞正出名嚴厲嘅評判阿姐汪明荃,唔易過關,6號慘被揶揄「你都係做番主持好啲!」不過去到第二回合,四位參加者都得到逆轉式「全綠燈」成績!另外有媒體發現,今輯《好聲好戲》的勝出藝人,與上屆一樣可以得到「荷里活電影」配音機會,作品更是破例極速於無綫播放的《蜘蛛俠》⋯⋯

好聲好戲 汪明荃 好聲好戲 唔通真係正如佢咁講「我留喺度都冇意思」!?
唔通真係正如佢咁講「我留喺度都冇意思」!?(圖片來源:TVB提供)

6號被阿姐狠批:你都係做番主持好啲!

今次6號挑戰聲演《溏心風暴》阮兆祥被逐出家門的場口,做開司儀工作的6號咬字發音方面保持水準,惟配音時「戲味」欠奉,遭阿姐狠評:「係進步咗好多,但做戲就唔同囉,尤其用把聲嚟做戲,你兩樣都未到,你都係做番主持好啲!」6號事後受訪時坦言心都裂埋:

「鏡頭後阿姐都有教我如果要學配音或者演戲,真係要搵個人或者實物練會好啲囉,其實阿姐好窩心嘅。」

好聲好戲 汪明荃 好聲好戲 阿姐果然係阿姐,明明畀綠燈都可以寸到6號應一應!
阿姐果然係阿姐,明明畀綠燈都可以寸到6號應一應!(圖片來源:TVB提供)
好聲好戲 汪明荃 好聲好戲 6號話喺個台上面個心裂開咗。
6號話喺個台上面個心裂開咗。(圖片來源:TVB提供)

去到第二回合,陸浩明配《回到未嫁時》的黎明,逆轉勝得到全綠燈滿分!

視后李佳芯Ali表現最亮麗

表現出色的Ali於首回合比賽保持亮眼演出,Ali選擇聲演《執到寶》黃韻詩被兩隻鬼上身的場口,今次同樣一人分飾兩角的Ali挑戰高難度大玩「雌雄同體」,分別要聲演「唱大戲男鬼」及「重口音女鬼」,貴為視后的Ali輕鬆駕馭兩鬼,配起女聲時更分外嬌俏,最終獲得11盞綠燈滿分佳績,龍天生大讚:「你第一粒音已經似黃韻詩,有嗰種味道。」連出名要求高的黃鳳英都大表認同,凌晞則說:「好鍾意你扮個老婆,個口音好正,同埋嗰啲『嗯(嬌嗲聲)』,好正!」

好聲好戲 汪明荃 好聲好戲 Ali選擇聲演《執到寶》黃韻詩被兩隻鬼上身的場,一人分飾兩角的Ali挑戰高難度大玩「雌雄同體」。
Ali選擇聲演《執到寶》黃韻詩被兩隻鬼上身的場,一人分飾兩角的Ali挑戰高難度大玩「雌雄同體」。(圖片來源:TVB提供)

李佳芯挑戰Do姐霸氣角色有難度 想搵黃子華做聲演拍檔

問到參賽前有冇諗過自己會勝出,李佳芯坦言估唔到評判畀滿分:「我自己真係覺得有瑕疵、有沙石,亦有少少甩嘴,估唔到!佢哋今日應該比較鬆手,對我好好。」

進入第三回合「拍檔聲演」,李佳芯再挑戰高難度,聲演《男親女愛》嘅Do姐鄭裕玲,Do姐一向氣場勁,角色相當霸氣,李佳芯話要駕馭呢個角色一啲都唔易,李佳芯續道:「首先好有節奏感,同埋好有霸氣嗰種力,呢個又係我欠缺,我都要練吓先。」李佳芯指幸好呢場戲裡面Do姐同黃子華講嘢較輕鬆開心,著重搞笑感,反而最重要係搵拍檔,留意玩味嘅節奏感,李佳芯笑言希望搵子華做聲演拍檔。

好聲好戲 汪明荃 好聲好戲 熱身階段表現麻麻的黃俊豪於今回合再度失準,一眾評判睇到「鞋鞋聲」,阿姐狠批「有懶音又甩嘴」,大受打擊的黃俊豪一度哽咽直指「壓力大」。
熱身階段表現麻麻的黃俊豪於今回合再度失準,一眾評判睇到「鞋鞋聲」,阿姐狠批「有懶音又甩嘴」,大受打擊的黃俊豪一度哽咽直指「壓力大」。(圖片來源:TVB提供)

袁文傑搣甩「文傑腔」聲演許紹雄獲全綠燈!

至於來自《愛回家》的袁文傑,在首回合聲演 《新紮師兄》年輕版「杰佬」梁朝偉被評為「聲音太老」沒有青澀味道,於是在第二回合就索性與幕前拍檔滕麗明合演 《野蠻奶奶大戰戈師奶》,做年紀比自己大一截的許紹雄的結果得到綠燈過關,評判及導師龍天生仲讚佢今次演出沒有「文傑腔」。

好聲好戲 汪明荃 好聲好戲 第三輪的選手仲有袁文傑。
第三輪的選手仲有袁文傑,第一回合聲演 《新紮師兄》年輕版「杰佬」梁朝偉被評為「聲音太老」沒有青澀味道。(圖片來源:TVB提供)

決賽優勝者 參與《蜘蛛俠:不戰無歸》10.15翡翠台配音!

有消自指出,Marvel 電影《蜘蛛俠:不戰無歸》(Spider-Man: No Way Home)將於10月15日 8:30pm 翡翠台隆重首播,並有機會成為《好聲好戲2》的「畢業作品」,與上季一樣《好聲好戲》三甲人選將會參與翡翠台播出外語電影的配音工作(上一輯的畢業作品是《侏羅紀世界》),而Facebook專頁「哥頓聲館庫」就表示,收到消息盛傳今屆《好聲好戲》三甲人選為:蘇韻姿、樊奕敏、袁文傑。

好聲好戲 汪明荃 FB專頁「哥頓聲館庫」製圖公布無綫破例搶閘播放《蜘蛛俠:不戰無歸》的消息!
FB專頁「哥頓聲館庫」製圖公布無綫破例搶閘播放《蜘蛛俠:不戰無歸》的消息!(圖片來源:哥頓聲館庫)

最近明珠台釋出一段預告片,由《好聲好戲》節目主持阮兆祥做男主角,片中阮兆祥公佈TVB明珠台及翡翠台將會一連三星期播映3輯MARVEL與SONY合作,湯·賀蘭(Tom Holland)版本的《蜘蛛俠》,日期分別為:
9月24日明珠台重播《蜘蛛俠:強勢回歸》(Spider-Man: Homecoming)、
10月1日明珠台首播《蜘蛛俠:決戰千里》(Spider-Man: Far From Home)、
10月15日翡翠台首播《蜘蛛俠:不戰無歸》(Spider-Man: No Way Home)

上輯優勝者聲演《侏羅紀世界》

《好聲好戲》首屆畢業生喺星級導師帶領下,聯同專業配音員一起製作畢業作品,荷里活鉅製電影《侏羅紀世界》粵語版!你地又記唔記得邊個配邊個角色?

原來上輯參加者馮盈盈、陳自遙、黃翠如、張振朗等都有為去年6月播出的《侏羅紀世界》配音,不過有觀眾就表示「睇完都唔知邊個配邊個」,似乎一眾藝人的聲音真係與角色完美結合?

吳幸美在《好聲好戲》表現如何?

吳幸美首先神還原《棟篤神探》中蔡少芬飾演的李慧慧,在短短的一分鐘的口供戲,無論是語調、情感上都七情上面…詳情請看:吳幸美表現突出 入行19年終捱出頭

袁偉豪在《好聲好戲》失準反而狠批節目?

袁偉豪聲演《大時代》「丁蟹」(鄭少秋飾演)角色,無論在表情、語調都沒有甚麼變化,而且甩嘴忘記對白,連他在演繹後都搖頭苦笑,評判汪明荃狠狠批評…詳情請看:袁偉豪失準反斥節目?曾介意被指嫁畀張寶兒食軟飯 斥大家無良心

圖片來源:TVB提供資料或影片來源:原文刊於東方新地