24歲姜濤落街跑步短衫短褲上陣 積極運動粗壯雙腿首次曝光
姜濤激罕唔著Legging公開白滑雙腿
有網民在網上公開2張撞見姜濤在街上跑步的照片，從照片所見，姜濤穿上一身清爽黑白色短袖運動裝，一改平時由頭包到腳的造型，更極罕有地露出大腿和小腿，無著Legging！不過，姜濤脫去厚重的衣服後更加凸顯其脹卜卜身形，小肚腩和粗壯雙腿一覽無遺，令網民大為震驚：「嘩，見識到姜濤下面好粗呀！」、「好誇張」、「不得了」、「好粗壯」、「唔怪得要收收埋埋着長褲」。
193宣傳《季前賽》 曾質疑姜濤「雙腿是義肢」
其實姜濤對於自己雙腳一直保持住神秘感，就連張繼聰和193等人都表示未見過！他們曾經在《爆谷一周》中與谷德昭、肥仔等人正討論腳毛方面的話題，眾人在宣傳《季前賽》時一講起姜濤，張繼聰即表示：「講還講，從來冇人見過阿姜隻腳！」谷德昭還呼籲姜濤自拍一張自己的雙腳做「呈堂證供」，193馬上直加把嘴笑指：「唔知佢嗰個係唔係義肢嚟㗎呢？」
疑身形反彈
姜濤出道至今的身形變化經常引起網民關注，本來是一名肥仔的他曾最高峰體重高達200磅，直到19歲參加《全民造星》時減肥成功搖身一變成為小鮮肉大受歡迎。然而，爆紅後的姜濤未知是否壓力爆煲，貪食的他身形多次反彈，他穿的衣服亦變得幾乎千篇一律都是黑色，但上鏡望落仍然覺得愈來愈大份。當日現身港台的姜濤更再創高峰，身形和臉蛋都明顯比起之前更加圓潤，引起網民熱烈討論。
姜濤熱愛戶外訓練！平民式加操刻苦鍛練
重溫2020年的雜誌報追蹤報導： 姜濤為保持狀態他不敢掉以輕心，入行以來都積極操練，前年拍攝起程台灣拍《超感應學園》前，《東方新地》曾拍到他一個人到維園做運動操fit，當日下午5時許，姜濤一個人跑住入維園，他先揀了一個少人的角落位置先做伸展運動，向來淘氣的他自創的體操亦相當另類，只見他配合呼吸大力伸展雙手，之後蹲低再起身，連續做了幾十次才停下來喘息，狂操一輪頭髮亂晒兼大汗淋漓，他依然未捨得停，戲肉還在後頭，做完伸展運動拉筋，便開始高強度練習，成功需苦幹，為保一哥地位，姜濤自我操fit亦非常嚴苛！
姜濤餐餐炸雞薯條最肥試過200磅
人人叫佢姜 B，可能係最成功最吸粉嘅小鮮肉兼女人湯圓，係呀，姜濤出道前都係肥仔，仲要由細肥到大一度達到200磅個人巔峰。曾經餐餐炸雞薯條、臨瞓啪多兩個漢堡包，中學後姜濤唔想再過被取笑連向心儀女生表白都冇勇氣嘅日子，睇住對方同靚仔拍拖，姜濤因此下定決心跑步減肥，呢個習慣到今時今日做咗萬人迷仲堅持緊。
