婚後事｜悅悅頂撞「虎媽」句句入肉帶來反思！ 陳自瑤性感起舞做多咗？！
婚後事｜悅悅頂撞媽咪句句入肉 單親虎媽為成績操勞
昨晚（03/08）明芯與悅悅的吵架戲，及 Davey 苦勸明芯場口亦引發不少共鳴；先說教女場口，由於悅悅成績突然一落千丈，兼且明芯發現悅悅找來外婆 Nancy（黎燕珊飾）「頂包」簽名，遂向悅悅大興問罪之師； 雖然明芯尚算好聲好氣，但悅悅卻反叛地句句頂撞媽咪：「我唔想再溫喇，唔好再逼我溫書啦，我真係好憎讀書呀！」，當明芯強硬表示：「做得我個女，唔可以讀唔成書」時，悅悅再度爆Seed反擊：「你唔好認我做女咯，做你個女都唔開心」 、 「Daddy 做錯事你就唔鍾意佢，我做錯事你就唔鍾意我，我夠唔鍾意做你個女咯」，該幕除了童星月月獲讚，場口對白亦被指是「虎媽教科書」，反思位相當多。
婚後事｜黎諾懿懶音爆金句 直斥「你嘅愛唔係無條件」！
之後 Davey 苦勸明芯一幕，亦是句句到肉，難怪網民封黎諾懿為劇中「最強金句王」，Davey 向明芯說：「你最錯係堅持做完美人妻同阿媽，你一味犧牲，畀你愛嘅人好大壓力，佢哋唔會得到幸福架！」、「係呀，你對佢哋好好呀，愛到冇晒自己，但當有咩唔啱你心水，你就好似追債咁同佢哋講：『喂，我付出好多架，你咁樣對我？』」「佢哋會覺得你嘅愛唔係無條件架，佢哋驚唔達標、驚你唔開心、驚畀你怨，咁點會開心呢？」
婚後事｜陳自瑤修長白滑美腿 性感獨舞
昨晚明芯為了尋回真我、在家中陶醉熱舞一幕洗版式熱爆網，Yoyo 除了獲讚舞姿誘人，一雙修長白滑美腿更是贏盡正評！該場約一分半鐘的熱舞戲，明芯先是拿著封塵性感舞衣回憶昔日與善仁的快樂片段、之後換上大露背＋露腰性感舞衣的明芯，邊飲酒邊在不快記憶的伴隨下、在家中獨自跳起昔日最愛的舞步；該場戲Yoyo 可謂施盡渾身解數，除了極盡貼身的舞衣將其美好身段表露無遺、跳舞動作亦相當專業撩人，最後 Ending 的曲膝嫵媚望鏡更在網絡瘋狂洗版！今日，無綫官方社交網專頁曝光相關場口拍攝花絮，據知該場 1 分半鐘戲原來是拍攝中途臨時加插，Yoyo 更為此專誠學跳拉丁，十分敬業；而單是拍攝就花了足足三個小時；而 Yoyo 埋位前，除了要出動三個專業化妝師為其裝身外，每個跳舞動作均有專人貼身臨場 Fine Tune；花絮片段所見，Yoyo 除了要反覆練習扭動腰肢動作，單是舉起酒杯如此簡單的動作，也有專人調教手部高度及其他細節，足見台前幕後均相當認真；網民還大讚《婚後事》「真係每一集都有驚喜」！
網友嫌加插跳舞「做多咗」
網民還大讚《婚後事》「真係每一集都有驚喜」，不過亦有網友認為陳自瑤獨舞情節是為加而加，略嫌「做多咗！」、「仲想講YOYO頭先嗰普通妝有啲閃粉好奇怪」，「好悶，想睇其他視角多啲」
