婚後事｜內地人氣勁升！豆瓣熱播達8.8高分 陳自瑤羅子溢演技大爆發

更多：婚後事劇情｜1-20集結局率先劇透！角色演員介紹+主題曲

婚後事｜內地受觀眾熱捧 豆瓣8.7高分熱播

在《婚後事》播出兩集後，豆瓣已開出了 8.3 分的高評分，之後隨著劇集熱播，分數一直持續攀升，更一度衝至 8.8 分，相當厲害，雖然截至今午 12 時正，分數稍為迴落至 8.7 分，但仍然是相當理想的分數，內地網民留言亦盡是好評：「五星預定，多視角敍事，Yoyo 真是不容易，怠覺得出現實中羅仲謙（子溢）很愛孩子」、「TVB 給陳自瑤一個視后吧」、「第四集直接讓人淚奔」、「請一直狠下去」

《婚後事》香港首周收視點數勝《狀王之王》

翡翠台上周（2 月 26 日至 3 月 3 日）收視出爐， 陳自瑤、羅子溢等主演的《婚後事》首周最高收視 17.3 點（113 萬觀眾），雖然表面上和老公王浩信擔正嘅《狀王之王》首周收視17.3點一樣，但當時官方表示觀眾係 112萬，可算是憑額外一萬觀眾「點數擊倒」老公的古裝劇！

陳自瑤直指拍攝難抽離：「情緒困得太耐」

Yoyo 續指拍攝《婚後事》時很難抽離，更瘋狂至「每日一喊」：「之前拍劇我可以好快走番出嚟，但呢套劇我同你（指子溢）都真係最多情緒戲同喊戲，個情緒困得太耐，（子溢：「可能一日（喊）幾場」），同真係每一日都有喊戲，就算最簡單嘅戲，都梗有一場（喊戲）。但我覺得係好事，因為我已經喺個角色，我唔想太抽離，我都驚自己入唔番去。」

至於子溢，則被 Yoyo 追問「對潘善仁的共鳴位」，子溢指出兩大共通點：「我會將所有責任都攬晒上身，同埋我會沉溺喺自己嘅反思入面，成日自己諗嘢，又唔係好擅於表達，可能有時係男人嘅自尊心作崇，想自己諗方法去解決同安慰自己。」子溢續指與太太楊茜堯由拍拖到結婚也有十年，故此處理角色時感受很深：「真係覺得婚姻有 高有低，會有唔啱嗌交嘅時候，三日一小嗌，七日一大拗，可能為咗小朋友都會有啲分歧。同埋亦都明白到一個男人結咗婚之後，係需要一啲空間去沉思，未必想逃避，可 能係一個情緒嘅抒發。」

羅子溢：我冇質疑過自己嘅能力

談到張明芯與潘善仁，不得不談二人於第五集的激情親熱場口，對於之前甚少拍親熱戲的 Yoyo 來說，她坦言拍攝時對於整個劇組、尤其監製及編審是投以百分百信任票：「所以我從來冇質疑過個劇本我應該係演少啲吖，定唔好演到咁，我哋呢個劇會講好多感情好豐富嘅 Moment，就好似善仁同明芯即將要分開、又經歷咗咁多嘢，所以咁樣嘅場口或感情戲、先可以帶到佢同前夫嗰種感覺，我只能盡力調節心態去演好。」之後 Yoyo 竟拋波給子溢並笑謂：「當然因為你呢個情場老手，真係帶得我好。」子溢聞言先是一秒尷尬，之後再搞笑畀晒反應謂：「我從來冇質疑過自己嘅能力。」

樂易玲開啟小紅書變內地網民投訴信箱 「別找蔡思貝演戲」獲1.5萬讚好

近年內地人氣社交平台吸引不少藝人、網紅開賬戶，嘗試開拓新市場，TVB高層樂易玲都唔執輸，現年於64歲依然緊貼潮流，早前開心宣布終於在內地社交平台成功開設帳戶，首個發文更吸引來大批網民留言及讚好，當中有網民竟毫不猶豫留言申訴，當中提及蔡思貝，此留言更獲得過萬個讚好！

樂易玲小紅書首個發文變成投訴留言版

TVB高層樂易玲上載了一張和高海寧、胡鴻鈞的合照，並留言：「在大家的幫助下，我終於開通。」網民見高層難得來到，隨即熱烈地留言表達自己睇法，當中有人表示自己不喜歡那位無綫藝人，更提到蔡思貝，指雖然她在2020年憑劇集《踩過界2》成為視后，但內地觀眾不太喜歡她，更表示會影響收視率。

蔡思貝新劇《飛常日誌》下星期播

此留言一出獲得不少回覆表示支持及同意，不過當中都有網民反對，提到因看完蔡思貝拍的旅遊節目後，喜歡上她，更想搵到個像她一樣的女朋友。而蔡思貝即將有新劇播出，與馬國明主演的《飛常日誌》更是全城期待的航空劇，不知道收視又會否被影響呢？

蔡思貝《貝遊歐洲》觀眾睇完反應兩極 ：佢把聲太尖 又成日大叫

對於蔡思貝主持《貝遊英倫》後，今次再添食拍《貝遊歐洲》，唔少觀眾睇完反應兩極 ：「人靚不造作❤️」、「雖然大材小用，但蔡思貝做主持確實出色」、「以前佢5係咁㗎，5係普通啲嘈係嘈死人嗰種！表情誇晒張，個樣又變到男人樣咗咁多… 以前覺得佢靚，睇完呢集就覺得佢扣晒分」、「佢把聲太尖 又成日大叫 唔想聽佢介紹 咁多年都唔改 唉」。

更多：蔡思貝現身澳洲被誤認做另1位花旦！ 用9字化解尷尬 獲讚執生力超高

網民嘲泳衣look有陣達哥味

蔡思貝難得以一件頭泳衣上陣大晒健美身材，不過被批似「阿婆泳衣」，又指蔡思貝仍難摵甩同達哥撞樣的感覺，「硬係有陣達哥味」、「既生達 何生貝」、「睇達哥沖涼」。