婚後事|黎諾懿全裸出鏡熱辣戲碼 羅天宇裸跑沙灘引爆話題
黎諾懿高質女伴一浪接一浪 背後原來是情癡
對於情場浪子底牌原來是「癡情意外」,網民無不感到愕然,並大讚編劇扭橋扭得好:「估唔到馬壯都有反 cup 位。」昨晚諾懿與 Winki 有三場戲相當搶焦,首先是在劇集播出前已掀起連番熱話的「鴛鴦浸浴戲」,該場有兩大驚爆位,第一是諾懿竟以全裸姿態上陣,第二是二人浸浴期間姿勢相當親密,除了有熱吻鏡頭,Winki 的手搭著諾懿的膝頭之餘,其中一隻腳更纏在諾懿腰間,而 Winki 一雙白滑美腿更贏盡焦點及正評。Winki 劇集開播前談到相關場口時,大讚諾懿是好拍檔,讓她能在百分百安心情況下完成拍攝。
豁出去鴛鴦浸泡泡浴 背面全裸場口太激原來無刪走?!
除了同為情聖,黎諾懿與天宇為了《婚後事》同樣豁出去「裸」到盡!黎諾懿與賴蔚玲的親密鴛鴦浸泡泡浴、及與陳自瑤的激吻場面引爆熱話外,原來為了該劇還獻出了更激場口,諾懿更坦言由於場口太激,最終遭全面刪走,黎諾懿說:
「其實嗰場浸浴戲,原本有個鏡頭係影到我背面全裸,即係全身上下都無遮無掩嘅。由於當時我係面對住幅牆,鏡頭只係影到我背面同 Pat Pat,加上我對劇組好有信心,所以索性真空上陣坦蕩蕩咁拍,不過最後好似話怕大膽得滯 Cut 咗。」
黎諾懿:從演以來最具挑戰性角色!
黎諾懿又揚言 Davey 是其從演以來最具挑戰性角色:「因為情緒上落好大,有衝突場口,又有好傷心、好憤怒嘅場口,有啲戲要演得壓抑的,有啲戲又要外露啲,同表現得好自信,同埋因為角色設定口才好,有時一輪嘴講對白都幾考功夫。但For 一個演員嚟講,真係過足戲癮,期待出街後觀眾嘅反應。」
賴慰玲獲讚氣質爆燈
昨晚無論黎諾懿或是賴慰玲均贏盡好評,其中 Davey 由於重情重義,更獲網民封為「全劇唯一好人」:「呢啲 Fd 都算係咁,幫到盡」、「真兄弟先會患難中幫你」、「覺得痴情馬壯有啲可憐」、「唔想出手係因為唔想失去」、「句句對白都直插心臟」,並直指黎諾懿演技大有進步,並指《婚後事》是他的代表作:「演技比以前好咗太多,簡單一句幫我換車都好有戲」、「眼神好有戲」、「絕對係代表作」。至於向來被公認好演技的 Winki,則被指升呢人母後氣質及女人味均大大提升。
《婚後事》六大主角人物介紹
「只要曾經愛過痛過,都必有共鳴」,多角度探討愛情及婚姻世界的無綫全新都會愛情劇《婚後事》,由六個不同主角,以六個不同視點為大家揭開同一個故事的不同面貌,與劇中主角一起跨越痛苦後齊齊成長。日前,無綫官網發布六大主角人物介紹,黎諾懿飾演的甘誠鈞(Davey)與羅天宇飾演的程天暉同為情聖角色,分別在於 Davey 是坐擁數千萬年薪的補習天王,身邊高質女伴一浪接一浪,令正印呂靜林 Gina(賴慰玲飾)長年以來只能啞忍。
羅天宇沙灘裸跑捲滿廁紙
至於天宇則在監製要求下,在沙灘上豪邁忘情「裸跑」,全身捲滿廁紙的天宇,更要做出極度享受的奔放表情,相當爆笑。「怕醜仔」天宇笑言拍攝時相當尷尬:「其實我雖然有著住肉色打㡳褲喺度跑,但因為我成身捲滿廁紙,又要個樣好陶醉咁,搞到成班幕後都焗晒蟹。同埋嗰日海邊唔係完全冇人,仲要有啲船喺海中心,都要克服好大心理關口,都有因為忍唔住笑,食咗唔少 NG。」林肯透露為了令怕醜成性的天宇開竅,除了為他度身訂造「裸跑戲」,更點名要他成為全劇「喜感擔當」,只要有天宇出現的劇情,一定逃不掉輕鬆搞笑 Feel,期待值爆燈。