婚後事結局專訪︱羅子溢曬家庭幸福、陳自瑤一句KO！探討離婚勁多花生
探討離婚對小朋友影響子溢：結得婚就要對婚姻有承諾
四人還討論了大量情景題，當中包括男女對精神出軌及肉體出軌的不同看法，更延伸討論至劇中 Yoyo 質問子溢「你同我上床嘅時候有冇諗起佢（第三者）」一幕，談到此幕，子溢搞笑引用網民回應：
「使唔使開埋個腦畀你睇呀」
Yoyo對此回應不停語塞更瞬即引發全場爆笑，諾懿更加入戰團與 Yoyo 及 Winki 進行正反辯論。此時子溢跳脫地反問：「我問你，男仔見到靚女，望一望諗吓，女人望到靚仔會唔會又諗吓？」
Yoyo 有感而發：唔係個個好似你咁㗎嘛！
面對諾懿與子溢連環發攻，Yoyo 到底會如何應對？更搞笑的是，子溢在辯論期間將大晒「見風轉舵」真功夫，成功將氣氛推向更高潮。之後四人再探討到父母離婚對小朋友的影響，子溢大拋金句說：
「呢個問題好值得思考，覺得如果預期諗辦法去解決，咁不如一開始就唔好錯，結得婚就要對婚姻有承諾，做得爸爸媽媽就要盡父母責任。」
Yoyo 聞言回應：「唔係個個好似你咁㗎嘛！」然後分享件為劇中角色的處境和兩難之處，面對第三者加上夫家壓力，講到十分肉緊，難怪觀眾都覺得Yoyo再次以自己「過來人 」身份分享婚姻面對危機的感受⋯⋯
陳自瑤被追問王浩信呆足10秒極尷尬 劇中演被出軌睇劇本已淚崩
其實當初《婚後事》知道將會接檔《狀王之王》同一時段，陳自瑤（Yoyo）在訪問中多次被都問到與老公王浩信相關事宜，搞到Yoyo都好尷尬，更加一度呆足10秒，要身旁羅子溢幫手打圓場…
陳自瑤夾硬回應王浩信
陳自瑤（Yoyo）今次首次擔正做女主角，當被問到會否與老公王浩信一起收看，Yoyo就指王浩信拍緊劇，所以未必有時間事先看，要等播出後再算。當記者問到Yoyo對老公王浩信在《狀王之王》的表現時，Yoyo就指因為有一段好長時間都不在香港，所有只有看部分片段，不過都覺得幾搞笑。
王浩信陳自瑤疑似冇夾口供
此外王浩信日前在出席活動時罕有提到Yoyo，指一家人在情人節一起欣賞《狀王之王》，笑指Yoyo有讚自己扮女人靚，又話Yoyo有要求自己多留在家中陪女兒；不過其實Yoyo早在社交平台上傳美照指情人節同「財神過」，搞到網民都笑二人疑似冇夾口供。
陳自瑤口啞啞足10秒
當被問到冇夾口供一事，Yoyo就即刻口啞啞足10秒，指自己冇睇新聞，又不停嘗試將話題帶回新劇《婚後事》上。當被問到覺得老公王浩信扮女裝靚唔靚時，Yoyo又答到口窒，指覺得自己靚啲，場面尷尬到身旁的羅子溢都即刻幫口打圓場轉話題！
陳自瑤新劇演「被出軌」睇劇本睇到淚崩
Yoyo在新劇《婚後事》中飾演一位經歷丈夫出軌的「完美人妻」。Yoyo在接受訪問時憶述拍攝時的「苦況」：「返到屋企真係攰到唔識郁，日日係咁喊係咁鬧係咁化妝變裝，唔單止唔夠瞓，忙起上嚟仲可能真係每餐只扒兩、三啖飯就埋位。不過其實幾辛苦都值得，一來個劇本我好鍾意，二來今次係自《缺宅男女》後再同羅子溢合作，大家經驗多咗、又一樣畀個劇本感動到不得了，所以合作起上嚟好有火花，撞到好多嘢出嚟、好好玩。」
黎諾懿大爆「神之籮柚」練成過程
講到諾懿與 Winki 的「鴛鴦戲水」場口，Winki 笑言該場戲自己的心理狀態是「由頭驚到落尾」，並透露上身真空上陣、下身只穿一條短褲打底，皆因熱水累事，Winki 說：「我纏咗好多膠紙，但我又話好驚凍，佢哋（工作人員）就幫我倒熱水落去，咁啲水咁熱啲膠紙咪溶咯，但又趕住喎，咁我咪就咁遮住（心口）咯。但因為我好驚走光，黎總就係咁幫我打泡遮住，佢拎住筲箕喺水底係咁 chok 啲泡出嚟！」搞鬼的諾懿即場重現當時動作，並笑言自己「連道具都撈得很好」。另出名乜都夠膽問的 Mayanne，詢問二人該場戲的違反人體力學動作是如何煉成的之餘，更拉着諾懿即場示範，畫面搞笑。
